“Unha árbore vén a vernos” na Biblioteca Pública Municipal San Francisco
O mércores 28 de agosto contamos coa visita dunha árbore moi especial.
As árbores foron as protagonistas da sesión.
Grazas, Anxo.
Saltar a ligazóns de pé de páxina
Archive for category: Actividades de dinamización con música, teatro e danza
“A ousadía da osa” na Bibliblioteca de Culleredo
O día 3 de setembro, tivemos na nosa biblioteca Miguel González Garcés un contacontos a cargo de Olga Abad. A personaxe deste conto a osa Maruxiña nos demostra cómo podemos ser libres e iguais, pese ás diferenzas.
“Unha árbore vén a vernos” na Biblioteca Pública Municipal A Ponte
O venres 30 de agosto Anxo Moure trouxo historias de árbores a nosa biblioteca.
Coñecemos unha gran variedade de árbores e disfrutamos da sesión.
Música “Na Cociña” en Biblioteca Pública Municipal A Carballeira
O xoves 29 de agosto contamos con unha sesión onde descubrimos que cos intrumentos cotiás da cociña podemos facer música.
Grazas por tanta música variada.
A MAXIA DE PEDRO BUGARÍN CHEGA Á BIBLIOTECA DE PARADA DE SIL, OURENSE.
O mago Pedro Bugarín encheu de ledicia e sorrisos o corazón da Ribeira Sacra
O venres 23 de agosto ás 18:00 hrs, Pedro Bugarín engaiolou a grandes e a cativos con sorprendentes números de ilusionismo, combinados con grandes doses de humor e música. Todo o público participou nos diferentes números máxicos nos que as caras de ilusión, sorpresa, sorrisos e gargalladas foron a tónica da boa tarde que pasamos.
Maxia de cartas, maxia de froitas e cores, de cordas e nós, maxia con libros e ata un perigosísimo truco cunha guillotina. Todo, coa simpatía que caracteriza a Pedro, que fixo partícipes aos nenos, adolescentes e adultos e se gañou ao público cunha actividade entretida, divertida e amena que nos deixou a todos abraiados.
Dende aquí queremos agradecer a Pedro a súa maxia e a ilusión que nos provocou. Así como tamén queremos darlle as grazas por lembrarlle a todos os presentes que ser socios dunha biblioteca é gratuito e permíte gozar infinitamente alén de contos e lendas. Parabéns Pedro!
Grazas tamén a todos os que vos achegástedes até a Biblioteca de Parada de Sil e compartíchedes a tarde connosco.
A verdadeira historia de Hamelín na ALM de Carnota
O pasado mércores, Mere Clown visitou a Axencia de Lectura Municipal de Carnota cun clarísimo obxectivo: desvelarnos a verdadeira historia de Hamelín. E fíxoo cun espectáculo repleto de humor, clown, malabares e infinidade de xogos, en constante interacción co público asistente.
O humor, a improvisación e a participación do público son as claves desta adaptación circense do conto clásico.
En Carnota xa todos sabemos do que realmente aconteceu en Hamelín… E animámosvos a descubrilo!
Maxia e libriños con Leo Leiño na Biblioteca Pública Municipal A Ponte
O 13 de agosto disfrutamos de historias nas que a ilusión e a sorpresa encherón de risa e diversion os asistentes.
Grazas.
As viaxes de Filipa na ALM de Carnota
O pasado mércores recibimos na ALM de Carnota a Fran Campos, de Bandullo Azul, acompañado dunha convidada especial: a súa amiga Filipa! De regreso dunha longa viaxe en globo polo mundo, Filipa compartiu connosco un feixe de historias que traía na súa maleta, e Fran completou a contada coa terrorífica historia da Figueira de Pelostortos e con divertidos contos acumulativos acompañados de música en directo. Pasámolo en grande!
Carballo con Botas na Biblioteca de Riotorto
Este pasado luns día 12 de agosto, visitounos na Biblioteca de Riotorto “Carballo con Botas” co seu espectáculo “A pequena fábrica de corazóns de papel reciclado“.
Neste obradoiro- contacontos os máis pequenos comezaron a actividade reciclando papeis de xornal onde aparecían malas novas sobre a violencia de xénero para transformalas en corazóns de papel reciclado.
Acompañou este obradoiro cunha serie de contos solidarios interpretados con monicreques de artesania tecidos por cooperativas de mulleres dentro do comercio xusto con monicreques tecidos en Bangladesh, a India,Guatemala…defendendo o conto como ferramenta educativa, de sensibilización e loita para construír un mundo en harmonía co ecosistema e garante da xustiza social.
Carballo con Botas en Riotorto
Carballo con botas na Biblioteca de Riotorto
“Camiños” na Biblioteca Municipal de San Francisco
O mércores 7 de agosto tivemos unha sesión de contacontos musicada co gran mísico e compositor Magin Blanco.
Pasámolo xenial e volveríamos a repetir.
Séguenos