O venres 19 de abril tivemos na Biblioteca Municipal do Grove a Bea Campos (Migallas) con contacontos para bebés “Cinco ratiños de conto”

Os nosos pequenos cos seus acompañantes escoitaron divertidas historias de animais e cantaron  durante todo o contacontos. Contos como “A que sabe a lúa’”, “Polo camiño e moitos mais fixeron as delicias dos mais pequenos. A utilizacións de sons e texturas captaron a atención dos mais pequenos, facendo da tarde do venres un momento divertido para gozar en familia.

O venres día 19, dentro da nosa programación para celebrar o día do libro, tivemos un escape room na nosa biblioteca Miguel González Garcés. Os 24 participantes estaban agrupados en 4 equipos e tiveron que ir descubrindo as distintas pistas que había agochadas nos libros da sala infantil para chegar a construir un libro con corazón entre todos.

O pasado venres recibimos na ALM de Buxantes, Dumbría, a Alba Farto coa actividade Debuxar Letras, dentro do Ler Conta Moito da RBPG.

Unha actividade moi demandada e valorada polos asistentes.

Introdución ao mundo do lettering con explicacións moi didácticas e dinámicas. Desde a práctica todas as persoas asistentes participaron moi activamente.

Esta foi unha das actividades coas que estamos a celebrar a programación do Día do Libro. O venres 20 de abril 12 rapaces e rapazas do Milladoiro deron renda solta a súa imaxinación e crearon unhas orixinais ilustracións coas que crearon despois a súa propia caixa de luz. Cada participante levou para a súa casa a súa obra. Todas moi orixinais!! Pasámolo en grande con Carlos da Asociación Cultural Jóvenes Científicos y Emprendedores Atlantic .

Este sábado día 20 de abril dentro da programación do Día do Libro, 9 rapazas de Bertamiráns fixeron neste obradoiro da Asociación Jóvenes Científicos y Emprendedores Atlantic a súa propia caixa de luz coas ilustracións dos seus contos preferidos.  

O domingo pola mañá achegámonos á Biblioteca da Laracha para desfrutar de O xogo de Nano, un contacontos para bebés de Raquel Queizás.

O espectáculo foi realmente inspirador, Raquel conta as súas historias de xeito dinámico, cercano e dende a xestualidade. Unha proposta moi coidada e medida para bebés na que tamén desfrutan as familias!

Seguimos ca celebración do Mes das Letras; Inacio Vilariño fíxonos reir con historias de burros

O pasado venres 19 de abril, 30 nenas e nenos coas súas respectivas familias, xuntáronse na Biblioteca da Laracha para desfrutar das historias de María da Pontragha.

Estrebillando é unha proposta para toda a familia, que funciona moi ben coa cativada máis pequena. A proposta aposta pola participación, pola lingua e pola música e o canto como fío conductor. María entende moi ben como conectar cos públicos e como adaptar os ritmos da sesión en función da participación da cativada alí presente.

Unha tarde de venres moi emocionante!

Este mércores, 17 de abril,  pola mañan na Axencia de Lectura de San Vicente, os nenos e nenas do CEIP As Bizocas disfutaron dunha sesión circense moi especial. Os números máis importantes do circo aparecen en escena grazas as marionetas de fíos,  levándonos a época máis dorada do circo. Onde forzudos, equilibristas, domadores, faquires facían as delicias de todos os que alí acudían.

Unha actividade moi participatica na que en todo momento os nenos e nenas interactuaban cos vellos traballadores daquel circo para axudalos e animalos a representar os números circenses mais importantes.

Espectáculo a cargo da compañia Tanxarina Teatro que nunca defraudan e onde os mais pequenos e non tan pequenos disfrutamos dende o minuto 1.

Dada a trasna visitou a Axencia de Lectura Municipal Xosé Cardeso Liñares de Vilaboa, no concello de Culleredo, o xoves 18 de abril pola tarde. As andanzas do gato negro Micifú e do lobo feroz, entre outros,  foron engaiolantes para toda a manchea de xente miúda que estivo por aquí.