O mércores día 2 os nenos de Vilasantar pasaron unha maña super divertida con Ian e Elisa no obradoiro de globoflexia, onde disfrutaron da maxia e da música e a crear flores, coroas, bolboretas, animais, etc con globos.
O venres 28 de xullo no exterior da biblioteca estivo Albert cun espectaculo de maxia participativo e didáctico, no que a maxia so é posible grazas a colaboración dos nenos e nenas, mesturado co mundo dos contos populares.
02 DE AGOSTO “Garavanciña e o esquío”. Musicar un conto. BML de RIÓS.
No día de hoxe tivo lugar na nosa Biblioteca municipal, a actividade: “Garavanciña e o esquío”. Musicar un conto.
Unha actividade moi divertida na que os máis pequenos aprenderon a utilizar instrumentos a apreciar a lectura. Moi interesante e divertida!!
Onte en Esgos aprendemos a separar ben o lixo nos diferentes colectores
E tamén debuxamos o noso títere
Un pracer coma sempre disfrutar da contada de Charo Pita para por punto e seguido a actividade do Punto de atencián á Infancia do concello de Bóveda.
Ian e Elisa non defraudaron ás expectativas no seu traballo o pasado Venres 28 en Aranga. Pasando unha mañá superdivertida coa súa habitual mestura de humor , ilusionismo e maxia da boa…. Nesta tempada ademais nos ensinaron todas a creatividade que un simple globo pode requirir para o transformar nunha flor, cunha coroa ou converternos en bolboretas.
Xosé Avelino González trasmitiulles ao nenos e nenas do Campamento de Verán de Carballedo a súa paixón polo mundo das abellas: explicoulles como coñecelas, respetalas e querelas.
O xoves 27 de xullo tivemos na biblioteca de Sober un obradoiro denominado “Mulleres inventoras “, impartido por Raquel Vázquez Blanco. Esta actividade descubre de maneira dinámica e participativa os inventos de mulleres moitas veces esquecidas na historia. A sesión rematou cun xogo de memoria e a realización de paneis coa vida e obra destas mulleres inventoras. Asistiron 36 nenos e nenas paricipantes no campamento de verán do noso concello.
O pasado venres día 28 visitou a biblioteca Fran Campos coa compañía de Filipa, compartindo historias e contos que nos fixo pasar un rato moi divertido a todalas familias que asistiron ó auditorio da biblioteca de Covelo.
Os nenos e nenas do Punto de Atención á Infancia do Concello de Carballedo celebraron unha festa moi especial de fin de curso. Asistiron á representación dun contacontos no que estaba permitido tocar, oler, manipular diferentes utensilios e materiais que expertan a curiosidade dos máis pequenos. 
Séguenos