Este pasado sábado recibimos na biblio  de Berdeogas a visita de Andrea Freire, a autora do libro Luuume, publicado por Antela Editorial.

Realizou un impecable traballo en todo momento.

Un contacontos feito con profesionalidade e paixón polo que se está transmitindo, conseguindo que os asistentes, de diferentes idades, estivesen en todo momento enganchados á contada.
Taller posterior adaptado ás idades dos participantes.

Gustounos moito!

A igualdade non ten idade!

Baixo esta premisa, Luis Vallecillo conseguiu que todos os asistentes á actividade do pasado venres levantasen das cadeiras e movesen o esqueleto.

Bailamos, cantamos, demos palmas e aprendemos moito!

Moi recomendable, sen dúbida.

O pasado mércores pasamos un rato moi divertido en Foz con Tarabelos e a súa obra “Contos nunha roda: Manuela e Manuel”. A través dun teatriño ilustrado, dunha roda e de Esteban, gran contador de historias, a picaraxada disfrutou dunha tarde moi amena cos protagonistas, Manuel e Manuela, un conto pola igualdade deseñada para romper estereotipos. Unha actividade dinámica na que o público participa e interactúa cos personaxes. Ao final da sesión, Esteban permitiu acercarse ao monicreque que tanto interés despertan sempre entre os/as máis pequenos/as.

O pasado 10 de abril, a Biblioteca Municipal de Coristanco adicouna ao investigador e á investigadora científica cun obradoiro de Robótica no que os asistentes descubriron os principios da ciencia, a tecnoloxía, a enxeñería e as matemáticas (STEM), participando nunha experiencia de aprendizaxe divertida e práctica.
Da man de “A nube de Artear” deseñaron e deron vida a diferentes robots co obxectivo de incentivar a creatividade e a curiosidade, proporcionando oportunidades para construír e probar prototipos de obxectos, animais e vehículos cun enfoque do mundo real.

ROBÓTICA CREATIVA

Pola biblioteca de Ares, achegouse Vanesa contando contos de paxariños para animar a Pepe a saír do seu ovo……..

Unha tarde estupenda!

Dentro das actividades programadas na semana do 8M recebemos a visita de Carmen Domech e o seu espectáculo “A carteira de Augasclaras”, deseñado para sensibilizar sobre a igualdade e a violencia de xénero. Basado en contos de Adela Turin e Nella Bosnia a audiencia pasou grandes momentos nun espectáculo que destaca pola calidade dos seus títeres.

María Faltri animou a festa friqui do barrio de Conxo. Nesa xornada adicada ó fomento da banda deseñada conseguiu que a rapazada, a maior parte caracterizados como super heroes, perdesen a vergonza e danzasen con ela.   Unha mañá de moito colorido na que esa colleita musical foi toda una pilula anímica para o comezo do outono.

O pasado 29 de outubro Lucho Penabalde e Tero Rodríguez, Os Quinquilláns, chegaron a Vilanova co obxectivo de facer pasar unha boa tarde a todo o público, infantil e adulto, que encheu a Pastoriza (tivo que trasladarse esta actividade da Biblioteca Municipal Irmáns Camba a esta debido á gran afluencia de participantes).

Os Quinquilláns levaron a cabo un obradoiro teatral baseado na “Fábula do Espantallo Amigo” do autor Xosé Neira Vilas no que todas as persoas puideron participar activamente da representación dun espectáculo musical que ensina valores e ensinanzas variadas e promove ao mesmo tempo o uso do idioma galego.

Unha actividade coa que se deu coñecer e visibilizou o traballo de grandes pintoras coma Maruxa Mallo, Menchu Lamas, Remedios Varo…

A actividade consistiu nunha breve explicación sobre que son as cores e como se producen, mentres visualizamos as obras máis representativas de estas mulleres.

esión de contacontos para a infancia na que se pon atención na respiración, nas posturas de ioga e na creatividade para, entre todas as crianzas participantes, contar a historia coa voz, co corpo e coa iMaxinación.