Compartimos con vos as fotos do obradoiro de onte!  Foi unha actividade moi orixinal na que creamos contos, fixemos ilustracións e finalizamos cun marcapáxinas moi orixinal e personalizado!

O menú cheo de contos foi toda unha sorpresa e a camareira e o seu axudante súper atentos! A conta foi pagada con moita alegría.

Moitas grazas ás persoas asistentes, coma sempre e moitas grazas aos amig@s de Andamiaxe porque nos fixeron pasar unha tarde moi divertida.

Na mañá do 5 de outubro Teatro Babaluva estendía  a súa “Alfombra máxica” na biblioteca F.D.G. do Barco. os meniños deixábanse engaiolar polo tacto, sons e olores deste singular tapiz, un divertido espazo de xogo no que podían moverse libremente e experimentar ao seu gusto

Onte, na axencia de lectura da parroquia de Castrelo en Cambados, os nenos e nenas desfrutaron dunha tarde moi entretida grazas ao talento de Pablo Sánchez. Levou a cabo un contacontos multidisciplinar, onde fixo unha reflexión divertida sobre a igualdade, que captou a atención de cativos/as, nais e pais.

O mércores, 9 de outubro, o grupo Aldaolado conseguiu que os rapaces e rapazas que acudiron á biblioteca a ver o seu espectáculo pasasen do silencio máis absoluto a grandes explosións de risas. A ovella Engracia e a súa compañeira de rabaño estaban durmidiñas cando entrou o público na sala. Fíxoo en silencio para non espertalas. Unha vez que estiveron todos e todas dentro, as ovelliñas foron espabilándose e empezou o show!!!

Engracia é unha ovelliña moi curiosa que quere saber o que pasa coa lúa cando se pon. Para descubrilo, terá que traspasar varios inconvenientes debido á súa condición feminina. Dunha ovella só se espera que estea xunto ao seu rabaño pastando no prado durante o día e ao resguardo durante á noite. O can que as cuida do lobo, sí que pode andar ceibe todo o día e vivindo aventuras. Así que, Engracia terá que romper moldes e pexuizos para cumprir o seu soño. Un espectáculo con moi boa posta en escena, no que a música foi a encargada de dar o efecto lúdico á xornada.

O pasado venres  día 4 de outubro a Biblioteca Pública municipal de Ponte Caldelas acolleu o espectáculo” Elas Pintan Moito” de Migallas Teatro, onde un público entregado formado por nenos e nenas acompañados polos seus pais pasaron unha tarde divertida facendo unha viaxe polo mundo a través da vida e obra de catro pintoras. A través das artistas abordouse a cuestión da igualdade entre homes e mulleres en todos os ámbitos da vida, desde o máis cotián ata o da creación artística

Os rapaces de Colexio Insua Bermúdez de Vilalba disfrutaron hoxe das historias de Marta Ortiz co espectáculo Cores

Ana Hermida da Asociación Lisístrata este mércores 9 de outubro estivo connosco coa súa actividade “Contando en Feminino”.

Historias contadas desde a perspectiva de xénero e igualdade, onde o rol feminino sexa igualitario, onde o final pode cambiar e a protagonista non se vexa como algo inferior e sempre coas mesmas identidades.

Xogou e contou con rapazada de primeiro de primaria da escola de Galán.

A fibra óptica, a visión das abellas, interacción da luz nos corpos…. maravillosa e divertida tarde. Gracias Vicente!

Fantástica tarde con María Píntega!!

O mércores 9 de outubro tivemos a Charo Pita coa súa proposta para bebés.

Foi un rato moi ameno e divertido, xa que os bebés desfrutaron tanto coma as nais, avóas e pais.

Coa familia Papaventos coñecemos a moitos animais, cantamos cancións, bailamos e rimos.

Moitas grazas a Charo Pita pola súa visita!