Gonçalo Guerreiro fixo as delicias do públicos asistente interpretando o papel do Lobo Bobo (ou novo). As súas historias de sempre, escenificadas e contadas desde a perspectiva actual, mativeron a nosa atención ao longo dunha hora. A preciosa escenografía, con portas e ventás que se abrían e pechaban e a música completada coa voz do actor, fixeron unha magnífica mañá de conto teatralizado.

A profesionalidade de Gonçalo é a proba do éxito que sempre consegue. A en hora boa a Elefante Elegante polo seu bo facer. Como complemento da actividade tivemos á man a obra literaria infantil de Manuel María, unha pequena exposición da súa biografía en paneis, e mais seguiuse a nosa eterna campaña de dinamización de uso da lingua galega co reparto de chapas que levan o lema: “Con galerna ou encalmada fala galego”.

O sábado 14 de maio ás 12:00, na sala infantil da Biblioteca municipal de Chantada tivemos a Larraitz cos seus Babacontos con Manuel María. Actividade con poesía, contos e música.

Con motivo do día das Letras Galegas, os nenos de Vilasantar, viaxaron polo mundo coñecendo  outros contos e paises, da man de Solidaridade Internacional de Galicia

O pasado venres 13 de maio Trinke trinke, tras visitar en Cambados as demais axencias de lectura, fixo unha parada en Oubiña, para que os nenos desta parroquia coñecesen tamén a súa versión ratoniana de Riciños de Ouro. Os rapaces e pais que participaron puideron gozar dunha sesión moi divertida e chea de sorrisos… velaí van algunhas fotos que así o reflicten:

Interesantísima charla de Concha Blanco “Manuel María, profesional da palabra, pero sen soldada”.

Un grupo nutrido de nenas e nenos participaron activamente na proposta narrativa de Raquel. Diferentes historias de diversos países do mundo onde, a xeito de fábula, os animais son os protagonistas. Utilizou obxectos do cotián, títeres e música que imprimiron un gran dinamismo a esta contada.

O luns 9 de maio, na biblioteca Monte Alto, tivemos un obradoiro tan divertido como instructivo: resolvemos un caso criminal, o roubo dun valiosísimo manuscrito. Grazas os restos biolóxicos que deixou o ladrón, e tamén os coñecementos de biotecnoloxía que adquirimos con Manuel Vicente, e so usando material de cociña, descubrimos ó culpable e recuperamos o libro roubado.

As nenas e nenos do CPI de Zas recibiron a visita de Paco Nogueiras que lles presentou o seu libro-cd “Brinca Vai, de Aquí a acolá”

O xoves 12 de maio tivemos na actividade “A Biblioteca dos pequeños” a Marisa Irimia con “Contos de marmeleiro, anís e limón”. Realizou unha sesión de contacontos con bonecos e cancións para bebés  moi entretida e divertida. Os asistentes quedaron moi contentos coa actuación.

Paco Nogueiras ( e a súa amiga “máquina”) presentáronnos o seu “libro-disco-DVD” aos nenos e nenas do CEIP Labarta Pose de Baio. Cancións moi divertidas que nos fixeron mover e rir a esgalla. O samaín, o magosto, xogos tradicionais, o apalpador… para recordarnos que “noso o mundo é” e invitándonos a seguir lendo e falando en galego.