O sábado 21 de maio tivemos unha actividade moi interesante para todos e todas os interesados/as nas nosas tradicións, para os grupos folclóricos da vila, para a xente dedicada ao mundo da costura e o deseño..

A actividade “Cóntoche un traxe” dirixida a público adulto, mocidade e rapazada a partir de 6 anos.

Montse Rivera, dunha forma amena, orixinal e divertida, levounos nunha viaxe no tempo para ver como era o vestiario dos nosos ancestros. Con catro voluntarias do público foi amosando e describindo unha a unha todas as pezas do noso traxe

Os integrantes de Polo Correo do Vento achegaron ata a Axencia de Lectura de San Vicente o contacontos ilustrado “O Poeta do Miño” unha homenaxe a Manuel María.

Grandes e pequenos disfrutaron coa narracións, as ilustracións e os versos. Tamén aprenderon a debuxar a caricatura de Manuel María.

O coelliño Branco (da Compañía Trinketrinke) interactuou con 53 persoas na Biblioteca Municipal de Ribadumia ante un público familiar, dentro do Programa Ler Conta Moito.

Os nen@s nenas de Ribadumia, en total 17, crearon os seus contos animados grazas ao Programa Ler Conta Moito.

Esta a tarde remataron os Talleres da Excursión Arqueolóxica con Floro dentro do Programa Ler Conta Moito.
Un total de 16 nen@s disfrutaron dos nosos castros e das vivencias dos catrexos.

O venres día 20 os nenos/as de Oroso recibiron a visita de Barriga Verde e a súa barraca.

Ademáis de desfrutar das aventuras de Barriga Verde tamén puideron ver de preto os monicreques.

O pasado xoves 19 de maio os rapaces de Oroso tiveron a posibilidade de recuperar cantigas tradicionais galegas.  

Foi unha actividade moi divertida xa que  ademáis de aprender as cantigas, cantáronas e bailáronas.

ACTIVIDADE ALEGRE DIVERTIDA , ANIMADA E INCENTIVA O CUIDADO DA NATUREZA

Coincidindo coa Semana das Letras Galegas, visitáronnos Os Viqueiras co seu  Gaiteiro Cabezudo. Despois dunha introducción para coñecer os nosos instrumentos, acercaron a música tradicional galega ós asistentes , os cales cantaron e bailaron co Gaiteiro Cabezudo

Celebramos o Día das Letras  Galegas na Biblioteca Pública da Coruña Miguel González Garcés con Marisa Irimia.

Vinte nenos e nenas cos seus pais e nais estiveron na sala infantil escoitando a música de violín e os poemas de Manuel María. Combinábanse e entrelazábanse nunha madeixa de historias que se ían desfiando de vagariño.

Unha boa actividade de difusión da obra de Manuel María aos cativos que bailaron, molláronse coa choiva e mesmo sopraron para despertar ao sol.

Máis información no blog da sala infantil: BLOGGIT