Día 24 de outubro de 2023 ás 10:00, biblioteca de Escairón

Celebramos o mes das bibliotecas coa actividade do programa Ler conta moito…

Contacontos sensorial

da man de Eduvía (Vías para a Educación)

o 24 de outubro, ás 10:00 na biblioteca

Reunímonos pais, nais e profesoras cos bebés na sala infantil da biblioteca ó redor de Patricia, que co seu Contacontos sensorial nos achegou ás sensacións que sons, olores e tacto provocan en nós en contacto cos nosos bebés.

A través de xogos, cancións, sons, ulindo e tocando cousas ou persoas, fixemos unha auténtica viaxe cos sentidos.

Levamos un fermoso recordo das sensacións que nos produciu, ademais dun pedazo da sesión: unha flor, unha pluma, un talo de menta para ulir,…

Ademais coñecemos os materiais para bebés que temos na biblioteca, e que se pode consultar no catálogo da Rede de Bibliotecas de Galicia [consulta aquí os libros da Bebeteca]

O venres 29 de setembro o grupo “Trémola Teatro” representou a súa obra “Leo e as cores ” na nosa biblioteca. Unha vez máis éxito total entre o público infantil e adulto. Marabilloso!

O pasado 5 de Outubro, a rapazada de  O a 3 anos pasárono  xenial, cos contos de BICHOCADAS,  donde había contos, marionetas e música.

Un  anaco moi divertido.

Este sábado 8 de outubro,  tivemos con nós a Pavís Pavós co espectáculo “Este queixo queixolán” cunha sesión de contos, arrolos, cantos, xogos e ladaíñas para bebés e acompañantes onde todos participaban.

Unha actividade moi dinámica.

Unha divertida sesión de contos, a cargo de Marisa Irimia,  gozaron os bebés de Moeche o sábado, día sete, ás once e media. A espléndida e luminosa mañá, animounos a saír á zona exterior da Biblioteca Pública Municipal

Contacontos que diriximos a nen@s de 1 a 4 anos protagonizado pola ra, un monicreque, “Nano”. Através de diferentes contos, cantigas, enredos, dun xeito lúdico, os nen@s aprenderon sobre o mundo que os rodea e moitas cousas sobre uns animais tan especiais como son as ras.

Nen@s e adultos acompañantes, gozaron moitísimo con “Chimpo de ra”. Facía moito tempo que non oiamos rir tanto nunha actividade. Deliciosa e completísima sesión de contacontos con Raquel Queizás.

Este martes a Biblioteca Xela Arias celebrou un contacontos para cativos de 1 a 3 anos.

“Unha tarde especial con Dori”, da man de Batucado & Emusin, achegoulles a ledicia das historias próximas e a emoción dos estímulos sensoriais xoguetóns e sorprendentes.

Cancións, pompas de xabón, un globo viaxeiro… todos son elementos para xogar, contar e extasiarse.

Con esta actividade a biblioteca quere convidar aos máis pequenos das casas a achegarse aos nosos servizos, e facelos lectores (ou pre-lectores) da colección de contos e historias que temos preparadas na nosa Pequeteca.

+ INFO NO NOSO BLOG: https://bibliotecas.redondela.gal/unha-tarde-especial-cos-cativos-na-biblioteca

Onte tivemos na Biblioteca de Culleredo un conto para bebés a cargo de Charo Pita. Foi unha sesión moi divertida e interactiva, onde os adultos e pequenos desfrutaron.

Este xoves 28 na Biblioteca Rialeda puidemos gozar con CINCO RATIÑOS DE CONTO de Migallas.  Bea montou unha mesa con diversas pezas e foi expoñendo os libros nos que se baseaban as historias dos libros A que sabe a lúa? ou A ratiña presumida a medida que ía contándoas. Cantou e fixo participar ao público infantil e tamén adulto.

Onte, xoves 21 de setembro, a Biblioteca Municipal Os Templarios acolleu un fermoso espectáculo de artes escénicas dirixido a estimular ao noso público pre-lector de 0 a 3 anos e ás súas familias.

Ler máis →