Onte día 7 de outubro, visitou a Biblioteca de O Froxel de Arteixo, Antón Ke, presentando “A Gaita Galega”.

Actividade baseada na obra “A gaita galega” de Xoan Manuel Pintos, na que por medio dun conto adaptado da obra e poemas musicados ao ukelele reflexionou cos cativos sobre a importancia do uso da nosa lingua.

Onte día 30 de setembro, visitou a Biblioteca de O Froxel de Arteixo, “A Fada Diana” da man de Ariadna Santana. Cun gran despregamento escénico, foron aparecendo personaxes en forma de animais, cunha temática baseada no reciclaxe e a fada diana liderando unha aventura como auténtica salvadora do mundo, acompañada de baile e canticos que fixeron gozar aos usuarios que participaron nalgúns dos contos.

Ata a bibllioteca pública municipal de Guitiriz acheoguse Lorena de Biophilia Axencia Ambiental a falarnos das bondades da cosmética e limpeza ecolóxicas.

As  persoas participantes  aprenderon de primeira man de que están feitos os produtos cos que limpas a casa e o teu corpo, así como os seus efectos sobre a saúde e o ambiente.

E tamén descubriron as alternativas naturais que podes encontrar no mercado e como facelas na casa.

O venres 26 tivemos a visita das autoras do álbum ilistrado Monstr3s, que explicaron todos os pasos que hai que dar para facer un libro, cómo facer as ilustracións, cantas persoas fan falta para que o libro chegue ás nosas mans… E por suposto puidemos coñecer a historia que contén Monstr3s.

María Lado achegouse ás Pontes para contarnos cousas arredor do mundo das cantareiras e das Letras Galegas. Ademais de explicarnos como construiu o seu libro sobre este tema, charlamos da importancia da trasmisión oral, da cultura tradicional e de literatura. Moitas grazas, María.

Unha actividade divertida, educativa e chea de curiosidades que fixo as delicias dos máis pequenos… e tamén dos maiores!

A través dun contacontos cheo de humor e imaxinación, coñecemos a Frankie Stein, un científico que nos foi guiando polo mundo da ciencia. Con el descubrimos que os experimentos non son cousa de laboratorios pechados nin de xente con batas brancas, senón que a ciencia está por todas partes!!

Os nenos e nenas convertéronse en pequenos científicos e científicas, puxeron as mans na masa  e realizaron diferentes experimentos nos que a curiosidade foi a gran protagonista. Dende reaccións químicas sorprendentes ata xogos de observación e dedución, pasárono en grande mentres aprendían sen decatarse.

Este obradoiro foi unha mostra perfecta de como a lectura pode abrir portas a moitos mundos, e nesta ocasión, abriunos as portas ao mundo da ciencia.

O martes 24 de xuño visitounos Montse Rivera para axudarnos a coñecer e poñer an valor a figura das cantareiras dentro da realidade galega. Xunto á explicación, houbo tempo para probar a tocar e cantar coma elas o facían nas foliadas

Interesante sesión na que Avelino presenta os diferentes tipos de paxaros segundo as plumas, a feitura e os trinos, enlazado con contos e cancións. Moi pedagóxico e entretido.

O xoves 15 estivemos celebrando as Letras Galegas 2025 nas Pontes. Grazas a A xanela do maxín percorrimos a historia das mulleres ás que se lles adicaron as letras para rematar coas Cantareiras, homenaxeadas este ano, aprendimos cousas da súa vida, desfrutamos dos seus escritos e da música. Que soen as pandeiretas!!

Empregando a papiroflexia as rapazas e rapaces que acudiron este sábado 10 de maio ao obradoiro de Sheila García elaboraron un fermoso caderno cun código QR co que xeraron unha peza audiovisual. Desta maneira, unindo artes plásticas e tecnolóxicas os participantes elaboraron un precioso material co que uniron a tradición e a vangarda e repasaron a poesía popular, as cantigas, as cantareiras, os instrumentos tradicionais e as figuras clave da escena musical galega. Unha actividade do máis completa e divertida!