O venres 26 de outubro, na Biblioteca Municipal Xabier P. Docampo pechamos as celebracións do Día da Biblioteca coa actividade de Luis Vallecillo e Celtia Millán.

Música, contos, cancións e canta-contos, intercalados con historias das bibliotecas. Facendo mención especial á primeira biblioteca, a de Alexandría. A modo de conto sitúannos na época de Alexandro Magno, das táboas e dos pergameos, así ata chegar á actualidade e falar da nosa biblioteca, que leva 20 anos compartindo historias cos lectores e lectoras dende aquel 20 de febreiro de 1998, data na que o goberno municipal daqueles anos a inauguraba, en presenza do recentemente desaparecido Xabier P. Docampo, de quen leva o nome.

Apagamos as velas en cantamos “parabéns para ti”…

E rematamos con torta de cumpreanos para compartir entre o público asistente.

Pasamos unha tarde divertida na que Luis Vallecillo lembraba constantemente que a esta actividade viñamos sobre todo a pasalo ben. E así foi.

Actividade moi axeitada para poñer en valor as bibliotecas, nesta semana dedicada a elas.

Continuando coas celebracións do Día da Biblioteca, o xoves 25 de outubro visitounos Xiada Sanlés para buscar o vento na Biblioteca Municipal Os Templarios.

Xiada representa a Tareixa, que anda a ver onde está o vento, pois o que máis lle gusta no mundo é xogar cos seus muíños de vento e como non hai vento, deixaron de xirar.

Cunha estructura encadeada, uns personaxes van levando a outros na procura do vento. Tareixa pregunta polo vento primeiro a unha formiga, que non ten nin idea, pero dílle que quizais a flor o saiba. Aparece unha vistosa Flor e tampouco sabe onde está o vento. Dille a Tareixa que seguro o León o sabe… Despois o Rato Suso, a Bolboreta Lareta, o Barquiño, o Peixe Namo…Así ata que se atopa co Paxaro Navarro que a levará ata as nubes e será Nube quen lle explique por que non hai vento.

Con cada personaxe que aparece canta unha canción onde participa o público infantil e adulto, con retrousos pegadizos e sinxelos.

Excelente actividade para ofrecer a grupos de 0 a 3 anos. Magnífica posta en escea, chea de colorido, música, baile, narración oral, coñecemento, ecoloxía…

Os muíños de Tareixa acaban voando…Aparece de novo o vento e cantamos a canción de que todo vai cambiar, a contaminación acabarase e o vento seguirá a soprar…

Xiada Sanlés, extraordinaria profesional e voz prodixiosa.

Onte, na biblioteca Monte Alto, pasamos unha tarde de fábula con David Ballesteros, da asociación científica “A ceo aberto”. Ao fío das películas e dos libros de Harry Potter, puxemos en dúbida e comprobamos co método científico as escenas máis máxicas e incribles. Ademais de divertirnos moitísimo aprendemos unha chea de cousas. Moitas grazas, David!

O 24 de outubro cometeuse un crime na Biblioteca Municipal do Grove, asasinaron á bibliotecaria e roubaron un manuscrito de incalculable valor.

Un grupo de biotecnólogos se achegou ata a biblioteca para resolver o crime e analizar as probas

O día 24 de Outubro, “Día da Biblioteca”, os alumnos de segundo e terceiro ciclo do C.E.I.P. de San Ramón de Moeche, xunto cos seus Mestres, acudiron á chamada da Biblioteca Pública Municipal e alí, asombrados, comprobaron por sí mesmos como a maxia que aparece en películas e espectáculos non é tal, senon puras propiedades da materia e a enerxía.

A ciencia como explicación a fenómenos misterios capturou a atención de rapaces e adultos que saíron encantados e un pouco máis sabios.

O día 23 de outubro de 2018, na biblioteca de O Froxel “Fco. A. Vidal” de Arteixo, os nenos de 4 a 11 anos, tiveron a sorte de disfrutar creando debuxos cos seus dedos da man de Isabel, a monitora da entidade “Menos da unha pedra”,  na sesión do Obradoiro con pinturas “Autores con Pegada”. Foi todo un éxito.

Nita contou dous contos e fixo varios experimentos científicos

Actividade moi interesante para divulgar o coñecemento e a experimentación.

A modo de Museo onde está PROHIBIDO NON TOCAR, preséntannos unha serie de obxectos que espertan a curiosidade do público, non só infantil.

Os nenos e nenas teñen oportunidade de experimentar, tocar e comprobar a súa “maxia”.

Este Museo está magníficamente guiado por Xesús Fernández e Lana Rodríguez que saben transmitir e contaxiar a curiosidade de cada experimento.

Un dos maiores atractivos foi a Bola de Plasma, que algúns xa pensan pedir aos Reis…

Tamén o Motor Stirling lento, que funciona tanto cun foco de enerxia quente como fría, ou o Móvile, elemento que permanece nun movemento continuo.

O pédulo de Newton, que nos explica a transformación da enerxía potencial en cinética, os Patos Bebedores, ou a evolución que podemos apreciar nas Memorias informáticas. Tamén está presente a lei de Moore, o Principio de Arquímedes e o de Pascal a través do Diábolo de Descartes.

Non faltan panais de abella ou os estudios da Divina proporción, coa sucesión de Fibonacci…

Remata o percorrido cun divertido experimento dun vaso con auga, boca abaixo e só suxeito cun pedaciño de folio.

Actividade moi ben valorada por todos e todas as participantes.

Da man de Patricia Ramírez de Eduvía desfrutamos dunha tarde en familia moi especial na Biblioteca Forum Metropolitano da Coruña.

A través dos contos as familias aprenderon un pouco máis das súas emocións, a identificalas, recoñecelas e poñerlle nome. Éstas son as bases para que aprendan a controlalas, xestionalas e utilizalas a través da intelixencia emocional.

Prestar atención ás emocións e saber adestralas permitará afrontar o día a día familiar dun xeito máis eficiente, e levará como garante que os nenos e nenas se convirtan nun futuro en persoas adultas máis felices.

A actividade estaba enmarcada dentro dun ciclo temático “Cre en ti”, un ciclo pensado para axudar a mellor a nosa calidade de vida acadando metas e obxectivos mudando hábitos e comportamentos e sobre tomando conciencia do momento presente. A mostra abrangue diversas actividades e a selección dun fondo documental específico.

O martes 16 de outubro “As parábolas de Pakolas” chegaron a nosa Biblioteca da man de Paco Cerdeira.

Os nenos e nenas poideron bailar, cantar e coñecer instrumentos musicais, como o theremín e a guitarra eléctrica.

Paco interpretou temas a ritmo de rock e máis estilos, alternando coa narración das historias que nelas se recollen.