Seguindo coa programación de Ler Conta Moito deste ano 2015 en BiblioPazos tivemos con nos o pasado venres 15 de maio, ás 11:00 da mañá, aos alumnos de 5ª de Primaria do Centro Público Integrado “Curros Enríquez” de Pazos co obxecto de celebrar o Día das Letras Galegas. E fixémolo co obradoiro “Imos xogar con Xosé Filgueira Valverde” dos nosos amigos de Eduvia.

Durante unha hora e media a través de dirvertidos xogos por equipos (“Maria Mariño”, “Rosalía de Castro” e “Anxel Fole”) no que lanzando un dado enorme, por quendas, os participantes ían realizando as probas indicadas -pictionary, a crear, sorpresa…- todas relacionadas co Día das letras Galegas, coa súa historia, e cos autores homenaxeados ao longo do tempo, con especial atención ao deste ano, o historiador, escritor, político e etnógrafo Xosé Fernando Filgueira Valverde.

Unha divertida, animada e participativa forma de aprender cunha actividade na que o pasamos moi ben.

Aquí deixamos unha mostra…

…

Coñecemos a través do xogo e as letras a obra do autor Xosé Filgueira Valverde.

O mércores 13 de maio, a compañía Os Quinquilláns pasou pola Casa de Cultura de Cee para ofrecer un espectáculo cheo de diversa e apaixonantes historias, que fixeron dos cativos/as uns auténticos mergulladores para que nunha especie de “expedición marina” foran descubrindo a lenda de por que a auga do mar e salgada.

     Desde un primeiro momento a función  logrou arrincar os sorrisos e exclamacións de asombro dos 290 nenas e nenas do 1º e 2º ciclo de primaria dos diferentes centros educativos do Concello; cativos que grazas a “dous investigadores, sumerxíronse no medio mariño” , despertando a súa curiosidade sobre o tema da salinidade dos oceános.

Obra teatral de pequeno formato, divertida e amena, recomendada para nen@s menores de 12 anos.

O día 7 de maio fixemos un obradoiro para os nenos de 10 a 12 anos a cargo de Patricia Martínez, para celebrar o día das letras galegas e en especial o autor homenaxeado este ano, Xosé Fernando Filgueira Valverde

A través dun divertido xogo por equipos os participantes descubriron a orixe e o significado do Días das Letras Galegas. Unha actividade donde os nenos participaron e disfrutaron dunha forma moi divertida e traballaron en equipo toda a sesión.

Imos Xogar con X.F.Filgueira Valverde

Biblioteca P.M. de Covelo

Nenos e nenas de 5 e 6 anos disfrutaron cos seus profesores dun espectáculo que, entre humor e cancións, promove os hábitos saudables na alimentación a través dos contos e o fomento do uso da biblioteca e da lectura.

O espectáculo encandilou a tódolos asistentes.

O 24 de outubro celebramos o Dia das bibliotecas cunha actividade de animación á lectura titulada “O príncipe predestinado” de Mª Eugenia Muñoz Fernández. Os nenos pasárono ben cunha audiovisual, un contacontos e un obradoiro no que realizaban unha viaxe ao mundo dos xeroglíficos exipcios a través dun misteriososo papiro esnaquizado.

O luns, días 27 de outubro, tivemos a Nita na nosa biblioteca con dous obradoiros de ciencia.

O primeiro ás 17,00 hs. para nenos e nenas de entres 2 e 4 anos. Unha mezcla de contos e experimentos científicos destinados á súa idade.

O segundo obradoiro foi ás 18´30 hs. para nenos e nenas de 5 a 8 anos. Tamén foi un éxito, como é lóxico tanto os contos como os experimentos eran máis complexos e acordes á súa idade.

Excelentes obradoiros nos que con cousas moi sinxela que todos podemos ter na casa se fan experimentos que parecen cousa de maxia.

Ao longo de catro xornadas (13,17,20 e 24 de outubro) de 90 minutos cada unha, tivemos connosco a Gargallando co taller “Bibliotecas Animadas”.

Neste obradoiro ensináronnos como  facer imaxes en movemento. Partindo dun conto os asistentes ao taller tiveron que debuxar e colorear aos protagonistas, asi como os diferentes fondos onde ubicar as escenas. Posteriormente se fotografiaban cada escena e se gravan as voces.

Todo iso se somete a un proceso de montaxe e teremos a nosa propia película de animación.

O pasado sábado 18 de outubro, Cambados celebrou por todo o alto o 4º aniversario das novas instalacións da súa biblioteca municipal, na Casa dos Fraga. Grazas ao programa de animación á lectura Ler conta moito puidemos gozar do bo facer de Migallas Teatro.

O Concello de Cambados quería agradecer así  un ano máis a todos os seus socios e usuarios a súa asiduidade e amor pola lectura. Sobre todo, querían facelo cos máis implicados, os nenos e nenas do municipio…e a resposta non puido ser mellor!

Asistiron máis de 70 pais e rapaces ao espectáculo “Merenda con pan de millo”. Baseado no Libro-disco Pan de millo, editado pola Editorial Kalandraka , os asistentes puideron divertirse coas cancións, co proceso de elaboración do pan de millo como fío condutor. Os temas musicais que se interpretaron foron: “Pinocho”, Pan de millo, O piollo e a pulga “Unha vella tiña un can”, “Que cousa, cousiña é?” e “Miña Abuela Manuela”.

Sen dúbida a celebración foi todo un éxito!

Onte, 14 de outubro, O Carballo con botas continuou a súa “tournée” por Cambados, e fixo unha paradiña para repostar risas e aplausos no centro cultural de Corvillón. A súa axencia de lectura encheuse de pais e nenos que quixeron coñecer como é unha titiricleta e as historias que nela se contaron non defraudaron a ninguén. Un día máis, continuamos coa celebración do mes das bibliotecas en Cambados…mañá será o turno da axencia de lectura de Oubiña…pero mentres ai van unhas fotos!