O día 6 de outubro, chegaron á nosa Biblioteca,  dous investigadores mariños,  Tero e Lucho, da compañía “Os Quinquilláns”, que  deleitaron ó público contando ás distintas hipóteses para dar explicación á orixe do sal na auga do mar. Tras representar o espectáculo, os dous tripulantes organizaron unha expedición aos fondos mariños levándose consigo ó público, onde descubrimos unhas fantásticas e luminosas especies mariñas.

Este luns, días 28 de setembro, na Biblioteca pública municipal “Mª José Ruso” de Dorneda, Concello de Oleiros, tivemos a gran sorte de porder contar con Maumarela que nos deleitaron co seu obradoiro Crea Fósiles de Dinosaurios.

Cubríronse todas as prazas e máis que tiveramos, os nenos e nenas aprenderon o que era un fósil e como podían eles facer un. De feito todos saíron co seu fósil e levaron tamén outro a medio facer que terán que rematar na súa casa nuns días, despois de que lles explicaran como e cando facelo.

Todo un éxito, Maumarela.

O pasado día 19 nas Pontes aprendimos algún trucos da man do Mago Richard e da súa Tecnomaxia. Os rapaces estiveron ben atentos tomando nota para despois poder repetir os trucos na súa casa. Foi toda una experiencia. Grazas ao mago Richard por facer que o pasásemos tan ben.

Os pasados venres 3 e 10 de xullo realizamos a través do programa Ler Conta Moito unha xincana fotográfica sobre un dos cambadeses de pro máis importantes, Ramón Cabanillas.

A través da fotografía, dous equipos de 14 nen@s en total, percorreron as rúas de Cambados relacionadas coa vida e obra do bardo de Fefiñáns, superando divertidas probas ao tempo de coñecían algo máis deste insigne escritor.

Ao remate, todos recibiron un diploma pola súa participación, desexando volver a repetir pronto esta interesante proposta.

Co título “É o cosmos”, na Biblioteca Municipal Forum Metropolitano da Coruña organizamos para os meses de maio, xuño e xullo unha selección dos mellores materiais relacionados coa Astronomía, incluíndo as mellores novelas e películas de ciencia ficción. Ademáis realizamos unha serie de actividades complementarias para achegar a Astronomía a todos os públicos.

Entre elas, dentro do Programa Ler Conta Moito, o 18 de xuño ás 18:30 h. tivemos o obradoiro de ciencias “Quero ser Astronauta!. Impartido por David Ballesteros de Ceo Aberto. Ao obradoiro asistiron un total de 17 rapaces con idades de 9 a 13 anos.

Acehgámosnos ao mundo da astronáutica mediante experiencias físicas, dificultades e requisitos que debemos cumprir para converternos nun astronauta. Tras unha breve introdución sobre a historia da astronáutica, coñecimos os procesos de selección aos que debemos someternos para converternos nun astronauta. Moito experimento e animación á lectura para uns rapaces moi motivados.

Coincidindo co Día Mundial do Medio Ambiente tivo lugar na Biblioteca de Carballiño o espectáculo de maxia “Ciencia Ilusión. A ilusión da ciencia”, espectáculo que mestura o misterio e a espontaneidade da maxia co poder da ciencia para lograr un único obxectivo: A ilusión.

O público foi moi variado, a pesar desta dificultade engadida, o artista adecuou a actividade ás distintas idades e conseguiu entreter e sorprender tanto a maiores coma ós nenos.

Álvaro Muras e Martín Camiña, aunan música e maxia para homenaxear a Filgueira Valverde e promocionar a animación á lectura

Triatreros veu á Biblioteca Ánxel Casal a contarnos contos sobre como e que comer e tamén dalgúns dos trastornos máis habituais da alimentación.

Coa lectura dramatizada de contos sobre comida, coñecemos os tipos de alimentos, as intolerancias alimentarias e aprendemos a comer de todo. A través das historias mergullámonos nun mundo de fantasía no que a verdura, a froita e as legumes foron as protagonistas.

Para saber máis sobre este evento clicar neste enlace.

O día 23 de maio os nenos disfrutaron dun taller sobre o proceso de ilustración dun libro impartido por Óscar Villán, explicando o proceso de ilustración dun libro a través do seu traballo e con debuxantes con estilos e puntos de vista diverxente, coa intección de mostrar o amplo abano de posibilidades que ofrece o mundo do debuxo.

Dunha maneira divertida os nosos lectores e lectores achegáronse ó mundo dos nosos antergos a través do traxe rexional.