Cando o sol se deita
Espectáculo de Vicente Mohedano que entretivo e iniciou á ciencia ós estudiantes de
primeiro e terceiro de primaria do CPI Cabo da Area de Laxe.
Espectáculo de Vicente Mohedano que entretivo e iniciou á ciencia ós estudiantes de
primeiro e terceiro de primaria do CPI Cabo da Area de Laxe.
Con motivo da celebración do Día das Letras Galegas a biblioteca programou o espectáculo que leva por título, “Poemas e contos con Manuel María” no que os contos e as historias pivotan ao redor dos poemas de Manuel María, que figuran como eixo conductor, acompañados da música de violín.
Marisa Irimia achéganos á poesía e á narración oral dun xeito musicado e lúdico, onde todos participan.
O luns 9 de maio, na biblioteca Monte Alto, tivemos un obradoiro tan divertido como instructivo: resolvemos un caso criminal, o roubo dun valiosísimo manuscrito. Grazas os restos biolóxicos que deixou o ladrón, e tamén os coñecementos de biotecnoloxía que adquirimos con Manuel Vicente, e so usando material de cociña, descubrimos ó culpable e recuperamos o libro roubado.
A biblioteca Municipal Luís Rei organizou un “maxical”, ou alomenos así o definiron Alvaro Muras e Martín Camiña… esto é un espectáculo de maxia e música que xirou en torno á figura que este ano é homenaxeada con motivo das Letras Galegas, Manuel María.
Varios coles de Cambados xuntáronse no Auditorio Municipal para, a través desta divertida sesión, coñecer dun xeito diferente a vida e obra deste autor. Mentres Álvaro facía soar co seu baixo unha melodía, en paralelo Martín manipulaba cartas, papeis rotos e recompostos, cordas que se xuntaban… todo cunhas notas de humor e coa participación dos pequenos espectadores.
Un espectáculo a todo ritmo que conseguiu entreter e divertir a case 500 escolares… velaí vai a proba:
Seguimos coas actividades do programa Ler Conta Moito 2016, hoxe visitáronnos Xiana Lastra e Olga Brañas co espectáculo ” Pitusa Semifusa”.
Esta vez tocoulles aos mais pequeñiños do Colexio Padre Feijooo de Allariz, os nen@s de 3, 4, e 5 anos de educación infantil.
Gozaron dun espectáculo con música e voz en directo que achegounos a coñecer un pouco mais os instrumentos musicais e as súas familias, dun xeito lúdico, dinámico e moi participativo.
A actividade que se realizou o venres 8 e sábado 9 de abril no espazo infantil da Biblioteca do CSC de Vite consistiu na realización de distintos experimentos científicos que foron introducidos tras ler os contos infantís relacionados. Desenvolveuse en dúas sesións tendo en conta a idade que amosaban as nenas e nenos asistentes. Ana Romero buscou a participación dos cativos, mantendo o seu interese en vilo ante os fenómenos casi máxicos que lles foi mostrando ós asistentes. Foi unha forma moi amena de aprender e de pasalo ben. Por outra parte facilitounos o desenvolvemento da actividade en días distintos . Asistiron 24 nenos e 5 adultos
As ALM de Cambados decláranse fans de Pablísimo e as súas sesións de contacontos sempre tan orixinais e creativas!
O pasado martes iniciou o seu periplo por Cambados, na ALM de Castrelo, onde os pequenos, e non tan pequenos, puideron gozar das divertidas historias que saen das súas… Mans!
Máis de 70 persoas achegáronse a pasar un rato agradable e a seguir celebrando que abril é o mes dos libros.
Velaí van algunhas fotos…
Este ano a Biblioteca Pública Municipal de Ribadavia leva a cabo un proxecto relacionado co mundo do teatro, tan importante na vila, proba delo é a Mostra Internacional de Teatro de Ribadavia e o grupo Abrente que foi pioneiro no teatro galego. Por iso queríamos promover os fondos de teatro infantil para que os nenos empecen a encariñarse xa de cativos con ese mundo. Por elo, levamos a cabo unha exposición de libros de teatro infantil dispoñibles na Biblioteca e complementámolo con duas representacións de contacontos teatralizados o dia 2 de abril (O traxe novo do Rei) e o 23 de abril (Madame Bechamel e Signorina Bolognesa).
Estas son as fotos da mostra bibliográfica ou exposición:
Para celebralo Día da Auga, recibimos na ALM de Os Tilos (Teo) o espectáculo da compañía BocAberta, Carmiña Miudiña, a pinga que quería ser científica
No día do seu aniversario, Carmiña Miudiña inicia unha fantástica viaxe. Carmiña é unha pinga de auga pequerrechiña, moi miudiña, de cor azul pero cun sorriso moi grande. Vive nunha nube gris alá no alto do ceo, nunha casiña en forma de botella de auga con toda a súa familia. Ela de maior quere ser científica, como a súa avoa Filiberta. E é por iso polo que, no día do seu aniversario, a súa avoa lle agasalla un paracaídas para poder baixar ao mundo dos humanos e poder facer fantásticos experimentos. No camiño, diferentes elementos da naturaleza fan que a nosa Carmiña Miudiña percorra o ciclo da auga. Como apoio do espectáculo, fixemos un centro de interese con obras relativas ó ciclo da auga. Tivo moi boa aceptación entre o público e a artista soubo adaptarse moi ben á idade dos nenos e das nenas que asistiron
Foi unha actividade amena e divertida onde os nen@s de Xermade aprenderon outros xeitos de buscar información en Internet, usando metabuscadadores e outros recursos descoñecidos para eles. A través dun entretido xogo de pistas e cos nenos distribuídos por equipos equilibrados foron conseguindo as respostas para resolver a clave final que lles permitiu chegar ao tesouro.
Séguenos