Encontro coa literatura brasileira

Co motivo das celebracións do Día Internacional do Libro Infantil e Xuvenil dedicado a Monteiro Lobato e específicamente á literatura do Brasil, Felipe Díaz e a Trastenda dos Contos adaptou unha proposta en relación á literatura portuguesa e/ou autores brasileiros premiados co Hans Christian Andersen para o tramo de idade de 9 a 13 anos.

Celebrámo-lo día do libro infantil e xuvenil con “Dada o duende” da compañía Eduvía. Unha actividade sinxela e vital para un público heteroxéneo, nenas e nenos de 3 a 5 anos e mailos seus pais, que quedou cautivado desde o primeiro minuto polas curiosas historias de Dada.

O 15 de abril comezamos as actividades do programa Ler Conta Moito 2016 coa visita de Jorge Juncal e María Faltri co espectáculo “Fantasía coas palabras”.

Encheron o noso salón de actos os nen@s de 1º, 2º e 3º de educación primaria do Colexio Padre Feijoo de Allariz.

Gozaron dun espectáculo musical cheo de humor, cuns fantásticos músicos en directo e a preciosa voz de María Faltri que nos fixeron recorrer o abecedario.

Pasámolo moi ben e os nenos marcharon encantados.

Xa estamos esperando a seguinte actividade.

A actividade que se realizou o venres 8 e sábado 9 de abril no espazo infantil da Biblioteca do CSC de Vite consistiu na realización de distintos experimentos científicos que foron introducidos tras ler os contos infantís relacionados. Desenvolveuse en dúas sesións tendo en conta a idade que amosaban as nenas e nenos asistentes. Ana Romero buscou a participación dos cativos, mantendo o seu interese en vilo ante os fenómenos casi máxicos que lles foi mostrando ós asistentes. Foi unha forma moi amena de aprender e de pasalo ben. Por outra parte facilitounos o desenvolvemento da actividade en días distintos . Asistiron 24 nenos e 5 adultos

O pasado xoves Pablísimo visitou  a ALM de Vilariño. Nenos e pais puideron gozar dunha ristra de contos do máis diverso… e divertido coas mans como protagonistas!

Achegamos algunhas das imaxes…

Para celebrar o Día Internacional do Libro Infantil e Xuvenil, onte, mércores 6 de abril, de 11:00 a 13:30 horas da mañá, tivemos en BiblioPazos a Olga Abad Prieto co obradoiro de Sombras Chinescas “As nosas historias”, no que se buscou fomentar a creatividade dos nenos, a escoita, e dar a coñecer ás novas xeracións a narración oral galega máis antiga.

Os rapaces que asistiron a este obradoiro foron os alumnos de 1º e 2º de Primaria do CPI “Curros Enríquez” de Pazos de Borbén gozaron coa actividade realizaron os debuxos das personaxes en cartolina e recortáronos posteriormente pegándolle un pau para despois representar o conto de “O galo Quirico” mediante a técnica de sombras chinescas, mentres un compañeiro ía narrando o mesmo.

Velaquí unhas imaxes.

As ALM de Cambados decláranse fans de Pablísimo e as súas sesións de contacontos sempre tan orixinais e creativas!

O pasado martes iniciou o seu periplo por Cambados, na ALM de Castrelo, onde os pequenos, e non tan pequenos, puideron gozar das divertidas historias que saen das súas… Mans!

Máis de 70 persoas achegáronse a pasar un rato agradable e a seguir celebrando que abril é o mes dos libros.

Velaí van algunhas fotos…

O pasado 2 de abril a Biblioteca Enrique Rivera Rouco celebrou o día internacional da literatura infantil e xuvenil xunto a Paco Nogueiras. O músico contounos e cantounos os temas do seu libro-disco Brinca vai! Foi moi numeroso o números de rapaces e rapazas de As Pontes que bailaron e cantaron ao son do Brinca vai! Unha maneira estupenda de celebrar un día tan sinalado.

Para conmemorar o Día do Libro Infantil e Xuvenil, recibimos na Biblioteca Municipal do Grilo-Cacheiras (Teo) a Fuco, o ratonciño de Páxina oficial de Trinketrinke que non solo veu contarnos o conto de Riciños de Ouro, tamén falounos do seu fogar, das prantas que alí podes ver e cantar e xogar con nós. Unha auténtica delicia na que maiores e pequenos desfrutaron e participaron con este simpático roedor. E aínda deixounos de agasallo tres osiños feitos con globos… Non se pode pedir mais para celebrar este día.