O contacontos de Soledad Felloza estivo xenial¡  Asistiron unhas 60 persoas de tódalas idades e disfrutamos todo@s moito coa actuación. Foi moi dinámica e amena, xa que adaptou moi ben as propostas ás características do público asistente, tamén divertida.
Durante estas últimas semanas no centro estivemos a traballar a temática do Samaín, das emocións e especialmente do medo a través de diferentes actividades, tanto de animación á lectura coma de ludoteca, polo que entroncou moi ben coa dinámica da actividade.

O pasado, 27 de outubro, para conmemorar o Día da Biblioteca recibimos na Axencia de Lectura Municipal de Areas (Ponteareas) a “Os Contos de Pablisimo” coa actividade “¡RÁS! Contos Batracios”, cunha serie de contos curtos donde os animais son os protagonistas, entre eles “Raniñas nun coche”, “Sapo e Sepo”, etc, participando os nenos cantando e repetíndoos co artista.

Contos batracios sobre a amizade, a solidariedade, a ecoloxía e biodiversidade, contados a través de monicreques, Kamishibai, láminas, cancións e miniaturas.

Ao final recalcou que tódolos contos que contou están na biblioteca co cal animaba a tódalas/os nenas/os e aos papás que vaian sempre á biblioteca a ler ou coller un conto.

Durante os 40 minutos que durou a sesión pequenos e maiores pasámolo moi ben e participamos activamente da súa actuación. O resultado foi excelente.

O día 21 Magín Blanco trouxonos á nosa biblioteca os seus libros e cancións facéndonos pasar una tarde moi amena e participativa.

O sábado 24 de outubro, para festexar o ” DÍA DA BIBLIOTECA”, chegaron a Mos o Cociñeiro Antón e a Pasteleira Tomasa. A modo de teatro fixeron os nenos-as asistentes partícipes da súa romántica historia de amor. Para rematar estimularon a creatividade dos cativos-as cun obradoiro de pasta de azucre, aprendéndolles a decorar magdalenas coa novedosa pasta de azucre “fondant”.

 O 27 de outubro tivemos una tarde chea de música e ledicia en Oleiros coa grata visita de Magín Blanco, consagrado músico e compositor da Rúa.

Amenizounos cun montón de cancións e historias: A nena e o grilo, Gatuxos, María Fumaca, Xiqui Xoque, Fiúfiú,  libros- cds do artista ou colaboracións del.

O día 27 de outubro, recibimos na Biblioteca de O Froxel “Francisco A. Vidal”, a Fran Alonso coa súa obra “Poetízate”. Poesía que conecta a propia realidade con pequenas doses de fantasía, sobre temas de amor, natureza, sobre Galicia, sobre a terra, sobre a saudade, que gustou moito os nenos e os pais, amosando que é un xénero moi entretido e que transmite moitos sentimentos.

O pasado día 26 de outubro, os rapaces e rapazas, así como os adultos que os acompañaban, disfrutaron na Biblioteca de Oseiro “Dora Vázquez”, do espectáculo “Contos para un caldiño” de Baobab Teatro. Con música, teatro e danza, os grandes protagonistas foron os asistentes, que participaron activamente da actividade.

O día 16 de Abril, tivemos a ocasión de disfrutar cos “Contos ao revés” de Xanela Ocio na Biblioteca Pública Municipal de Miño, traballando a igualdade e o respeto, con historias nas que as bruxas son boas e as raiñas se volven reis..

.

O pasado día 21 de Maio, os rapaces e rapazas de Miño, disfrutaron co espectáculo de Pavís Pavós, “Palma e repalma, contos para bebés”

Os libros da miña casa tolearon por completo. A cada un aconteceulle un suceso incrible e viaxan nunha maleta de acá para alá querendo contar cadaquén a súa historia. Hainos de todo tipo: tímidos, divertidos, intrépidos, deliciosos, ¡pero… ai! Coidado e prudencia, con cautela temos que escoitar algún dos seus relatos, tamén cousas escalofriantes contan estes libros, pois de todo lles pasou.

E con todo, todiño, divertímonos unha chea na Axencia  Municipal de Lectura de Chapela, conmemorando o Día da Biblioteca con Carme Domech e as historias que cada libro “persoalmente” íanos contando