Tivemos a sorte de poder celebrara as Letras Galegas coa actividade “Rúa Francisco Fernández del Riego”. Foi moi divertida e os cativos disfrutaron e aprederon moito.

O pasado xoves dentro do noso programa Xoves na Biblio achegouse ás Pontes David Méndez co seu espectáculo Maxia de aquí e de acolá. Como nos sucede sempre cos espectáculos de maxia volveusenos a quedar cara de absoluta sorpresa e incredulidade ao asistir aos diferentes “trucos” que nos ofreceu o mago. Un bo espectáculo para nenos e nenas, que tamén desfrutaron os adultos.

Alba ensinou os nenos e nenas de Cabana de Bergantiños un obradoiro creativo para aprender a debuxar letras .

O venres 26 de maio , Carmen Domech presentounos a obra de Picasso dende os seus primeiros debuxos  na súa infancia na Coruña, ata os cadros da sús etapa cubista. Foi unha actividade na que as personaxes dos cadros tomaban vida. Remataba a sesión creando os nenos participantes a propia galería de cadros para a nosa biblioteca.

O pasado 18 de maio Ignacio Vilariño visitou As Pontes co seu espectáculo “A viaxe de Ramón Sanfiz”. Foi un pracer escoitar os contos da viaxe, as cantigas e romances e revivir con el o personaxe de Francisco Fernández Del Riego. Especial ilusión nos fixo o conto sobre O flan chino mandarían, a boa conta que o seu artífice foi o pontés, José Ferro. Moitas grazas Ignacio por facernos pasar unha tarde tan divertida.

O mércores, 17 de maio, con motivo da celebración do Día das Letras Galegas, recibimos na B.P.M. de Vilar de Santos a visita de Fran Campos, acompañado da súa guitarra e da súa amiga Filipa.

Pasamos unha tarde moi  divertida e amena con esta sesión de contacontos, da que desfrutaron moito tanto nen@s como adultos.

Unha actividade moi recomendable para todas as idades.

O pasado martes 16 de maio, Sole estivo na Biblioteca coa súa proposta para festexar as Letras Galegas!

Nenos e nenas, mamás e papás, e algunha avóa, asistiron a unha sesión que nos achegou á figura do homenaxeado deste ano, Francisco Fernández del Riego. Soubemos de que lle gustaba facer fotografías, escribir, defender a cultura galega…e tamén comer rosquillas 😉

Deu tempo para rir, pedir desexos, escoitar historias…en resumen, disfrutar dunha tarde moi amena.

Moitas grazas coma sempre a Sole Felloza! 🙂

O pasado venres 19 de maio visitou a biblioteca municipal a compañía Trémola Teatro. Un grupo de nenos e nenas acompañados dos seus pais gozaron coa actividade de contacontos “A gran aventura dos animais”. Acompañamos a Emilia nunha viaxe diferente e divertida con música e baile. Unha tarde movida  na biblioteca!

O día 16 de maio, ás portas do Día das Letras Galegas, visitounos Luis Vallecillo para traer o seu libro-disco Cantamos? polo seu V Aniversario. Adapta musicalmente varios contos tradicionais nun espectáculo no que a interacción co público é moi importante

Na mañá do 18 de maio, escolares da Rúa visitaron a Biblioteca Pública Municipal para celebrar o Día das Letras Galegas participando na actividade ‘A Ruleta das Letras’.

Os asistentes tiveron que poñer a proba as súas habilidades para saber quen se agochaba tras cada panel da ruleta. Por medio deste divertido e dinámico xogo de coñecemento, descubriron máis sobre os escritores e escritoras máis importantes e as súas obras. En definitiva, coñeceron máis sobre a literatura galega.