Onde está Amelia Earhart?…na BPM do Saviñao

20/10/2022

Día 18 de outubro de 2022 ás 18:00, biblioteca de Escairón

Celebramos o mes das bibliotecas coa actividade do programa Ler conta moito…

Onde está Amelia Earhart?

da man de Andrea Barreira Freije

o 18 de outubro, ás 18:00 na biblioteca

Achegámonos á historia das mulleres na aviación.

Con Andrea aprendemos que un avión era compartido, porque era moi caro, e que ademais era raro que houbera mulleres pilotando un.

Ensaiamos equilibrio:

Despois de saber máis cousas de como era un avión na época de Amelia,fixemos os nosos avións de papel:

Despois de comprobar que voaban, personalizamos os nosos avións igual que facían os promeiros pilotos, incluso Amelia:

Unha actividade moi divertida porque os distintos modelos de avións voan distinto!

en Actividades, Divulgación do coñecemento, Nenos e nenas / por O Saviñao – B.P.M. do Saviñao

Pedras de Papel co obradoiro Papelarte na biblioteca de Meicende “Antón Castro” – Arteixo

20/10/2022

O día 19 de outubro as crianzas realizaron esculturas utilizando papel e a súa imaxinación, baixo a dirección de Electra Menéndez que en todo momento estivo pendente do traballo de cada persoa.

Por iso, nenas e nenos remataron felizmente as súas figuras.

en Actividades, Narración oral, Nenos e nenas, Obradoiros creativos / por Arteixo – A.L.M. Meicende

AL GUANELLA NA BIBLIOTECA DE O FROXEL “Fco.A.Vidal” – ARTEIXO

19/10/2022

O dia 18 de outubro, Al Guanella tróuxonos a nosa Biblioteca, unha cadeliña chamada Tana, facendo o espectáculo teatral “CONVERSAS CON TANA”, baseado na ventriloquía, coa participación da rapazada e os maiores que disfrutaron moito desta actividade.

en Actividades, Actividades de dinamización con música, teatro e danza, Divulgación do coñecemento, Narración oral, Nenos e nenas / por Arteixo – A.L.M. Froxel

“Coser e contar” con Marta Ortiz

19/10/2022

Contos, historias, coplas,…que teñen como escenario un taller de costura e cuxos instrumentos son os fíos condutores deses contos

Un espectáculo de narración oral absolutamente marabilloso, que, desde os primeiros minutos, deixou absortos tanto ao público infantil como adulto.

en Actividades, Narración oral, Nenos e nenas / por B.P.M. Valle–Inclán Redondela (Pontevedra)

O mago Paco na Biblioteca de O Froxel “Fco. A. Vidal” de Arteixo

18/10/2022

O pasado 4 de outubro, visitounos O mago Paco co seu espectáculo “unha maxia diferente”. Espectáculo reivindicativo, onde a través de historias e xogos de maxia divertidos, traballou a igualdade e a violencia de xénero sen perder o transfondo educativo.

en Actividades, Narración oral, Nenos e nenas / por Arteixo – A.L.M. Froxel

“Astrolabios” con Tarabela Creativa

18/10/2022

“Astrolabios” é un espectáculo de narración oral que, a través de historias de todo tipo, nos achega ao firmamento e os seus misterios. E todo isto, cunha estupenda recreación espacial da contorna.

Foi un éxito e, ao mesmo, tamén contribuíu a interactividade co público. Ainda que recomendado “a partir de 7 anos”, os nenos que asistiron de idades máis tempranas, quedaron ata o final e o gozaron ainda que se lles escapase algún concepto.

en Actividades, Narración oral, Nenos e nenas / por B.P.M. Valle–Inclán Redondela (Pontevedra)

BASÍLICAMENTE, A BIBLIOTECA DE DON BASILIO na B.P.M. Ánxel Fole de Nós

14/10/2022

Este venres, 14 de outubro, visitou a nosa biblioteca carlos Coira (Pinconús Teatro) que viña acompañado do seu bibliotecario favorito, Don Basilio.

Foi unha sesión moi divertida na que houbo historias , papiroflexia, poesía e moita maxia. Ademais Don Basilio recomendou libros moi bos para que nenos e nenas levasen para casa.

Unha excelente maneira de celebrar anticipadamente o Día das Bibliotecas.

en Actividades, Narración oral, Nenos e nenas / por Oleiros – B.P.M. Ánxel Fole de Nos

Carmen Domech na B.P.M. de Fene coa súa actuación “Contos para pasalo de medo”

14/10/2022

Hoxe na B.P.M. Xosemaría Pérez Parallé visitounos Carmen Domech co seu espectáculo “Contos para pasalo de medo”. Pequenos e maiores pasámolo de medo coas historias que saían do chapeu de Antonia, historias terroríficas pero con final feliz.

Grazas pola vosa asistencia!

en Actividades de dinamización con música, teatro e danza, Narración oral, Nenos e nenas / por Fene – B.P.M. Xosemaría Pérez Parallé

“Brinca vai! de aquí a acolá” con Paco Nogueiras na BPM de Portonovo

14/10/2022

Outubro, Mes das Bibliotecas!!!

“Brinca vai, de aquí a acolá” o espectáculo de Paco Nogueiras estivo o martes 11 de outubro na Biblioteca de Portonovo.

Baseado no libro-cd-dvd do mesmo nome, onde se combinan cancións, animacións e intepretacións cos ritmos e rexistros máis divertidos, foi o fío conductor dunha sesión musical, que aproveitando a boa tarde fixemos no exterior da Biblioteca.

Tanto os nenos e nenas coma os papás e mamás pasaron unha hora moi amena, cantando e bailando con Paco

con temas sobre a amizade, a ecoloxía, a poesía e con títulos como o Rap do Magosto, o Apalpador, o Entroido, Nun Libro…

Moitas grazas a Paco Nogueiras Nodar por facernos pasar unha hora moi divertida

en Actividades de dinamización con música, teatro e danza, Nenos e nenas / por Sanxenxo - B.P.M. Portonovo

TARDE DE “CIENCIA DIVERTIDA” NA BIBLIOTECA CENTRAL RIALEDA DE PERILLO (OLEIROS)

14/10/2022

A tarde do xoves visitaron a nosa biblioteca Ciencia divertida para realizar o obradoiro 20.000 leguas de lectura divertida.

A través dunha viaxe polos libros de Julio Verne, propuxeron diversos experimentos relacionados cos libros que van nomeando: Viaje al centro de la Tierra, De la Tierra a la Luna, 20.000 leguas de viaje submarino…

As nenas e nenos gozaron da experiencia de ver como realizaban os experimentos e incluso axudar nalgún deles.