O pasado 16 de Maio, celebramos con “Contos e Acordeóns” o Día das nosas Letras, na Biblioteca Municipal de Corcubión. Contamos, cantamos e bailamos con moitos rapaces e familias que se achegaron ata aquí.

Unha mañá moi entretida!!

Contos: “Paco”, “Nicomedes o pelado”, “Onde viven os monstros”, etc…. Todos eles, están no noso Catálogo da RBG.

Co gallo do Día das Letras Galegas, adicado este ano á figura de Florencio Delgado Gurriarán, tivemos na Fonsagrada o espectáculo “Vendimando versos” de Sole Felloza. Esta representación de versos e crónicas xira ao redor da obra e vida deste escritor valdeorrés. Embarcamonos nunha viaxe dende o Barco de Valdeorras ata México. Coñecemos unha historia de amor pola terra, a lingua e os costumes e tradicións da súa xente.

Comezamos a programación de Ler conta moito 2022, con moitas ganas e coa visita de Luis Vallecillo e o seu concerto “Cantares das letras”.

Fixemos toda unha festa para celebrar o día das Letras Galegas, cantamos. aprendemos, xogamos e bailamos pero sobretodo pasamos un rato divertidísimo coas cancións e o humor de Luis, todo un profesinal e gran músico ademais dunha gran persoa !

Grazas Luis pola túa vistita!

Xincana con trece estacións sobre a figura do escritor homenaxeado nas Letras Galegas, ben estruturada e axeitada para nenos/as a partir de 10 anos.

O venres 13 de maio na biblioteca Municipal de Lourenzá houbo unha sesión de contacontos a cargo de Ludus Tempori S. Coop.Galega , onde os rapaces e rapazas poideron desfrutar das historias de monstros, animais, a lúa ; todo isto ambientado coa música do acordeón e sen faltar os xogos tan divertidos que acompañaron a actividade.

O venres 13 de maio, visitaron a Biblioteca dos Tilos os Ratos de Lonxedetodo. TrinkeTrinke trouxo de novo as aventuras destes ratos de biblioteca que combinan contacontos con humor e música, para que grandes e pequenos desfruten do mundo dos contos.

  Espectáculo con música, narración oral e monicreques sobre a amizade e a concienciación ambiental.

A sesión presentouse en tres bloques, a partir das adaptacións dos contos “Onde viven os monstros” de Maurice Sendak, “O monstro de cores” de Anna Llenas, e que monstros podemos atopar nos alimentos precociñado que consumimos. Cos títeres percorrimos estes contos, e gozamos da posta en escea que nos mostrou Carmen Domech.

Onde viven os monstros

O pasado xoves Carmen Domech contoulles aos rapaces e rapazas das Pontes contos como Onde viven os monstros ou O monstro de cores. Tamén outros contos da súa autoría que insistiron na necesidade de comer ben. O contacontos, inserido no noso programa Xoves na Biblio, foi moi ben acollido polo público pontés.