O pasado sábado, 8 de xullo, a ilustradora Estefanía Padullés visitou a carpa da Praza dos Libros de Carballo e ofreceunos toda unha clase maxistral de debuxo para presentarnos o seu último traballo “A miña cadeliña”, escrito por Francisco Rodríguez Iglesias e editado por Hércules.
Contounos a historia do libro cos seus debuxos en directo e foi interactuando cos asistentes, que quedaron marabillados co seu talento.
Na Praza dos Libros de Carballo, ademais de presentacións literarias e concertos infantís tamén facemos obradoiros!
Neste caso, a cargo de Antía Yáñez, que nos visitou á carpa da feira para ensinarlles a un grupo de 15 nenos e nenas un lote de experimentos científicos do máis sorprendentes, nos que as reaccións químicas dan lugar a verdadeiras curiosidades e efectos vistosos. Cantas aplicacións ten a ciencia!
CIENTIFICAS MEDRANDO
As nenas e nenos que participaron no obradoiro de Cientificas medrando, fixeron o seu propio libro pop-up, sobre a biografía dalgunhas mulleres galegas que foron pioneiras da ciencia.
O venres 2, tivemos na Biblioteca de Culleredo a actividade “Con papel e máis papel, como Picasso pintarei”, na que Electra achegou aos rapaces á figura e obra de Picasso. Despois, eles tiveron que facer as súas obras de arte de utilizando papel.
Alba ensinou os nenos e nenas de Cabana de Bergantiños un obradoiro creativo para aprender a debuxar letras .
Este luns 22 de maio na Biblioteca Municipal Mª José Ruso de Dorneda (Oleiros) tivemos un didáctico e creativo obradoiro de pintura, da man de Babaluva Teatro. As nenas e nenos participantes puideron coñecer a obra de mulleres artistas coma Maruxa Mallo, Sonia Delaunay ou a fotógrafa Ruth Matilda Anderson, para despois crear o seu propio autorretrato. Foi unha tarde na biblioteca chea de imaxinación e moito arte!!.
Este ano Cristina Piñeiro axudounos na organización das Letras Galegas camariñás. Pistas, candeados e códigos encriptados conducíronnos cara as lendas, cancións, narracións e cultura galega. Una sala de escape moi ben configurada onde non hai gañadores nin perdedores e triunfa o valor da cooperación, única ferramenta para acadar o tesouro das Letras.
Os cativos de Culleredo conmemoraron o Ano Picasso cunha divertida e maravillosa actividade. Foi na Biblioteca Municipal, sita no lugar de O Burgo, o día 11 de maio. Despois de percorrer a infancia na Coruña do artista, e tamén coñecer as diferentes etapas da súa pintura, fixeron figuras de cartolina de estilo cubista, e foi xenial! 
O pasado 10 de abril, a Biblioteca Municipal de Coristanco adicouna ao investigador e á investigadora científica cun obradoiro de Robótica no que os asistentes descubriron os principios da ciencia, a tecnoloxía, a enxeñería e as matemáticas (STEM), participando nunha experiencia de aprendizaxe divertida e práctica.
Da man de “A nube de Artear” deseñaron e deron vida a diferentes robots co obxectivo de incentivar a creatividade e a curiosidade, proporcionando oportunidades para construír e probar prototipos de obxectos, animais e vehículos cun enfoque do mundo real.
ROBÓTICA CREATIVA
Un obradoiro para disfrutar creando alfabetos en branco e negro e cor no que poden compartir aprendizaxes tanto adultos como nenas e nenos.
Séguenos