O venres 20 de setembro tivemos na biblioteca unha actividade moi interesante. A partir do cartón dunha caixa de zapatos puidemos construir dragóns de moi diferentes tipos, tamaños e cores.

Só precisamos o cartón, un rotulador, tesoiras, cinta de papel adhesiva e unhas directrices que sabiamente nos proporcionou Antonio Rodríguez Arenas, de Mircromina Teatro de Títeres.

Ao remate do obradoiro nenas e nenos comprenden con claridade o paso de 2D a 3D, como se pode lograr unha figura tridimensional partindo dunha tira de cartón.

Cada participante deixou voar a súa imaxinación e personalizou as figuras ao seu xeito.

Un obradoiro moi creativo e moi ben conducido por Antonio.

Todos levaron para a casa as súas creacións.

O sábado, 21 de setembro, tivemos “A cidade violeta” de Anxo Fariña na biblioteca de Xermade; un obradoiro de ilustración e creatividade para tratar de acadar a igualdade, onde se trataron temáticas como o compartir as tarefas do fogar, a crianza e coidado dos meniñ@s, ou de como son algunhas actitudes da sociedade e de como deberían ser para acabar coa violencia de xénero e chegar á igualdade plena.

Día 20 de setembro de 2019 ás 18:00, na biblioteca de Escairón

O pasado xoves 19  “taller abierto, gestión cultural” fixeron na biblioteca de Soutomaior un obradoiro baseado na obra plástica de Luis Seoane, coñeceron como manexa o cromatismo e a xeometría nas súas composicións, e adentraronse no seu universo representando cada un a súa propia obra.

Velaí o resultado…

Fantástico obradoiro segundo o método zentangle no que se decorou un poema de Gloria Fuertes sobre a igualdade.

Xa tivemos a oportunidade de contar con Elisabet Hillerud en outras ocasións e soamente podemos dicir que foi un auténtico luxo poder gozar da súa arte unha vez máis.

“Poema zen”fixo as delicias de tódalas participantes🤩🤩🤩

Cando se sae dunha actividade con ansias de que durase máis e máis, é que foi un éxito e gozouse unha chea😀; así, no obradoiro de iniciación á caligrafía chinesa co que os clubs de lectura iniciaban o novo curso.
Moitas grazas ao profesor, Miguel Cortés, por descubrir en cada un de nós ao chinés que levamos dentro ☺️☺️☺️☺️

Carballo con Botas visitou a Biblioteca Pública Municipal de A Fonsagrada coa súa Fábrica dos corazóns de papel reciclado. Grazas a ela convertemos malas novas sobre a violencia de xénero en corazóns de loita e esperanza.

As persoíñas e persoas participantes uníronse con el nun berro de ilusión pola igualdade de xéneros e contra a violencia machista!

O venres 13 de setembro levouse a cabo na biblioteca municipal de Lourenzá ” Juana Ibarbourou ” unha actividade que levou por título ” papiroflexia. Unha arte delicada”; onde os asistentes desfrutaron co artista Miguel Cortés facendo unhas preciosas figuras de papel con esta técnica oriental.

O sábado 14, tivemos a visita de Antía Yáñez, que acompañada de Lúa, contounos a historia de convivencia e  respecto á igualdade dentro do patio dun colexio.

O venres 13 de setembro o contacontos Carballo con Botas visitou a nosa axencia de lectura para contar sobre a igualdade e facer un obradoiro de corazóns con novas de xornais reciclados. Foi unha actividade lúdica coa que disfrutamos todos/as os asistentes a na que nos concieciou sobre a temática da igualdade.