Continuando coas actividades especiais do Mes dos Libros, e dentro do noso programa ABRILUSTRADO, o venres 24 de abril contamos con Xosé Tomás que nos veu falar e facer banda deseñada. Nesta ocasión asistiu o alumnado de 3º C do IES David Buján de Cambre.

Xosé Tomás introdúcenos no mundo da banda deseñada, comezando pola palabra que o define, buscando o seu significado e as distintas acepcións nas diferentes línguas. Fai un percorrido histórico dando a coñecer á vez a súa propia linguaxe: liñas cinéticas, a importancia dos silencios, as viñetas e as súas variadas formas, os globos ou bocadillos, a elipse, os planos…

Unha actividade moi ben valorada polos asistentes e Xosé Tomás excelente, coma sempre.

Seguindo coas actividades do Mes do Libro, dentro do programa ABRILUSTRADO das Bibliotecas Municipais de Cambre, o propio 23 de abril contamos na Biblioteca Central con David Prieto (GoChi) que nos trasladou a Xapón, para introducirnos nas ensinanzas do MANGA. A tavés de vídeos foinos mostrando todo o proceso de creación: materiais utilizados, tanto os distintos tipos de plumas para os traballos en blanco e negro, como toda a variedade de rotuladores coas súas amplas gamas cromáticas; as distintas tramas empregadas sobre os debuxos e o seu proceso de raspado, os distintos tipos de profesionais que interveñen nun determinado traballo, as publicacións, etc.
Dirixido ao alumnado de 3ª B da ESO, do IES David Buján. Resultou un obradoiro moi entretido.

David Prieto achegounos ao MANGA cun obradoiro moi interesante no que foi mostrando a través de vídeos, como se traballa en Xapón: as técnicas, os estilos, os distintos materiais que empregan para entintar, para colorear, os formatos de edición, a distribución… e o resultado final.
Dirixido ao alumnado de 3º A da ESO, do IES Afonso X de Cambre.
Na Biblioteca contamos cun interesante fondo de banda deseñada que estes días está a ser moi utilizado.
Os obradoiros de MANGA solicitadoS a través de Ler conta moito, están enmarcados no programa Abrilustrado, das Bibliotecas Municipais de Cambre.

As celebracións do día do libro transcorrían na BPM de Baiona. Ás 18. 00 h vinte e catro nenos puxéronse en marcha da man de Luís para facer un animalario propio inspirado na gran gran obra do doutor Revillod o gran científico descubridor. Durante hora e media percorremos os límites do mundo real e a ficción.

Co gallo da celebración do Día do Libro, na Biblioteca de O Carballiño tivo lugar a actividade “Pan e auga? Sopas!!! da compañía Xandobela. Dita actividade consta de dúas partes:

A primeira parte é unha contada baseada nas historias que narraba o avó Casiano á súa neta, narracións moi entretidas que levan un pouquichiño de retranca e moito humor. Acompañan a estas historias cantigas de base popular e tradicional, que unidas ós enredos e brincadeiras fan que o público se vaia entregando pouco a pouco ata estar completamente introducido na función.

A segunda parte é un pequeno obradoiro de cociña creativa, na que todos os asistentes quedan gratamente sorprendidos.

Coincidindo co 500 aniversario da publicación da segunda parte de “El Quijote”, adicada ao  Sétimo Conde de Lemos, o xoves 23 de abril celebramos o Día do Libro na biblioteca Poeta Lois Pereiro de Monforte. Da man de Elena Carracedo  Leirós un grupo de nenos e nenas de entre 6 e 12 anos dramatizaron un episodio da obra, e despois, nun obradoiro  creativo confeccionaron un marcapáxinas lupa .

Pasaron unha tarde moi divertida e quedaron con ganas de repetir.

Obradoiro de banda deseñada programado para o alumnado de 3º A de ESO do IES David Buján de Cambre.

Santy Gutiérrez logra que os rapaces e rapazas realicen a súa propia páxina de cómic.

Preséntalles o Guión técnico e a partir de ahí vai desenvolvendo o deseño de personaxes, distribución de textos, bocadillos… manexando toda a linguaxe do cómic: liñas cinéticas, distintos tipos de planos, onomatopeias…

Cada participante levou o seu propio cómic. A actividade resultou moi ben valorada polo asistentes.

Estes obradoiros desenvólvense dentro do noso programa ABRILUSTRADO.

Dentro das actividades do mes dos libros, na biblioteca de Covelo tivo lugar o “Obradoiro de marionetas de papel” a cargo de Viravolta Títeres para os nenos de 9 e 10 anos. Durante hora e media disfrutaron facendo marionetas aplicando os principios da papiroflexia  e levando os seus traballos para casa.

Biblioteca P.M. de Covelo

Obradoiro de Marionetas de Papel – Viravolta Títeres

Tarde de ledicia e cociña na Biblioteca de Betanzos. Os nenos/as disfrutaron co contacontos e as receitas de Antón e Tomasa

Os nenos e nenas de Xermade desfrutaron e aprenderon coa titiriteira Mirari Urruzola, e con este obradoiro onde elaboraron suculentos personaxes orixinais a partir de froitas, verduras e froitos secos.