Onte un grupo de pais e nenos pasando unha tarde entretida con unha sesión de contacontos titulada: “Contos para levar no peto”. No salón de actos da Axencia Municipal de Lectura aquí en San Pedro de Muro.

 

Nunha mañá do campamento de verán, organizado pola biblioteca de Sober, os nenos e nenas participantes asistiron a un obradoiro de debuxo realizado por Xosé Manuel Fernández Montes. Aplicando as técnicas que lles explicou o creador, os participantes utilizaron lapiceros e rotuladores para conseguir representar os diferentes personaxes dos cómic ( Superman, Lisa Simpson…) dunha forma doada e divertida. Ao remate lemos  o conto “A toupiña que quería saber quen lle fixera aquilo na cabeza” a partir das fermosas viñetas realizadas por Xose Manuel.

Rapaces de Culleredo desfrutaron  desta actividade de novo, con Iria Mejuto. Foi na Axencia de Lectura Municipal Xosé Cardeso Liñares de Vilaboa, Culleredo, o xoves  22 de xullo. Pasárono moi ben reciclando vellas caixas,  convertíndoas en agasallos. 

O mércores 21 Xoan Cuiriel chegou a Santiso para contarnos a través do seu concerto unha chea de aventuras. Bailamos, cantamos, xogamos… Pasamolo xenial!

Anxo Moure achegouse ata Esgos co espectáculo Pes de lobo, un home lobo na biblioteca. Pasamos unha mañá chea de contos e cancións sobre animais, reciclaxe, coidado dos bosques…

Onte os rapaces e rapazas das Pontes riron de boa gana co espectáculo de Moc Moc, A verdadeira historia de Hamelin. Ademais da narración oral do conto tradicional, versionado por Moc Moc, tivemos oacasión de asistir aos seus números de malabares e clown, que foron do máis divertido e que entretiveron a grandes e pequenos. Un pracer contar con actividades deste nivel.

O día 21 de xullo tivo lugar na nosa biblioteca Miguel González Garcés, duas sesións de “Robótica educativa”, levada a cabo por dos magníficos monitores de A Nube Animación. Os nenos crearon tres tipos de robots e manexaron a través de tablets. Saíron encantados.

María achegounos a  Guatemala a través dos 5 sentidos. Explicounos onde está, a que ule, a que sabe, as roupas e costumes das súas xentes… Todas as nenas e nenos recibiron como agasallo un exemplar  da colección Contos do Mundo para seguir traballando a interculturalidade.

Que ben o pasamos e canto aprendimos!!!!

O pasado martes día 20, Lucas foi o encargado de traer a superheroína e a ultralimento a nosa axencia de lectura para que os nenos e nenas disfrutasen e coñecesen o valor dos alimentos.

O día 14 de xullo 9 rapaces e rapazas de idades comprendidas entre os 9 e os 14 anos crearon o seu robot coa empresa Átomos. Os rapaces e rapazas pasárono en grande.