Magnífico espectáculo de maxia no que o tema da igualdade se incardina perfectamente en cada xogo máxico e no que o público gozou moitísimo.

“A Maga Leo Leiño, e a súa axudante, Cris Chisgarabís, traen moita maxia, e mediante xogos coñeceremos as mulleres que loitaron polos nosos dereitos. Faremos espallar polo mundo dunha forma increible a igualdade. Como Houdini, liberarase das cadeas que lle quitan a liberdade, e faran que con ilusión e traballo, os nosos mellores desexos se fagan realidade.”

O venres ás 17:00 tivemos una actividade de escape room baseada en Alicia no país das marabillas. Marabillosa ambientación e moita tecnoloxía para resolver os enigmas plantaxados.

En colaboración co CEIP Plurilingüe Santa María de A Fonsagrada, levamos a cabo o obradoiro de escritura creativa O poder das non tan pequenas cousas. Grazas a Andrea Barreira Freije que guiou ás alumnas e alumnos de 4.º, 5.º e 6.º de primaria deste centro para que imaxinaran e crearan outras historias posibles para os contos clásicos. Así logramos desarmar estereotipos aceptados que moi a miúdo impiden a educación na igualdade de dereitos das nenas e nenos.

A actividade de animación á lectura levada a cabo polo Mago Paco foi unha mixtura de contos e maxia. As diferentes historias narradas: Capitán Calabrote, A caixa dos tesouros, Antón e Pompón e as cores, Son unha artista….serviron ao Mago Pato para sorprender a nenos e maiores cos diversos trucos. A complicidade foi total e os nenos colaboraron cando llo pediu. Fixose corta a sesión.

= (Igual) quere concienciar os/as cativos/as e mozos/as da necesidade da igualdade na nosa sociedade, tratando temas diferenciadores cotiáns coma as cores, os traballos, os xoguetes ou a roupa.

Na tarde de onte os nenos e nenas da parroquia de Corvillón, en Cambados, desfrutaron e aprenderon con historias sobre mulleres que foron invisibilizadas ao longo dos anos; da man de Ana da Asociación Cultural Lisístrata.

Grande participación de nenos/as na biblioteca pública de Taboada neste espectáculo de cantigas de Martín Códax coa súa música orixinal.

Juste narrou contos para educar na igualdade e na diversidade. O eixo central das historias que escenificou é a fada Menta, personaxe do “Libro das emocións para nenas e nenos”, da autora Gemma Lienas, que autorizou á compañía Juste Kamishibai, papel y teatro para representar os seus contos en Galicia. As técnicas utilizadas para a representación foron os despregables Pop-Up e o teatro de papel.

Hoxe visitounos en Bergondo Yolanda Castaño coa súa actividade “Muller, poeta, en galego.. e polo mundo!

Os preto de 140 escolares de 2º, 3º e 4º de secundaria participaron das contadas de Yolanda sobre o seu traballo, quen o realizou dunha  forma moi amena , tan importante para a rapazada. Destacable a labor que fixo, afondando no pensamento crítico da rapazada en relación ao tema da igualdade de xénero.