LER CONTA MOITO
O 17 de outubro chegaron a Biblioteca os alumn@s de 3º e 4º de Educación Primaria, pero tamén chegou Alba Bermúdez de Galeatro coa obra “Comechíns, segundo prato”. Fíxonos descubrir como a lectura pode abrir o apetito e sobre todo que cousas convén comer para saciar ese apetito.
LER CONTA MOITO
Día 10 de outubro: Dentro do programa Ler conta moito que patrocina a Consellería de Cultura e Deporte da Xunta de Galicia e o Concello de Pontecesures recibimos a visita dos alumn@s de 2º e 3º de Educación Infantil do C.P.I. Contamos para a animación con Anxo Moure (Carballo con botas), que trouxo unha bicicleta cargada de libros, libros que nos ensinan a coidar a terra e a querela.
LER CONTA MOITO
O pasado día 3 de outubro visitaron a Biblioteca os nen@s da Escola Infantil Muncicipal e os alumn@s de 1º de Educación Infantil do C.P.I. Asistiron a unha sesión de contacontos : “Unha árbore ven a vernos” (Contos para abrazar ás árbores). Chegan as árbores (teixos, freixos, bidueiras, buxos…) para contar as súas historias e nos temos que aprender a coidalas, querelas, abrazalas. Non emporcar os bosques, non queimalos…
O 26 de setembro os alumnos/as de 1º e 2º de Educación Primaria do CPI, visitaron a Biblioteca para disfrutar da actividade de animación a lectura de Andamiaxe, coa obra “Un banquete con moito conto”
Un banquete no que a comida principal eran os contos, servidos por unha camareira moi especial. Unha servilleta… papiroflexia… e nela os rapaces crearon o seu propio prato (conto). Fixeron unha crítica gastronómica do que comeron. Chamaronlle a Biblioteca, Bibliorestaurante. Pagaron a comida, deixando propina. Calificaron o restaurante de sobresaínte, excelente, fantástico con notas superiores a mil e quedaron en volver moi pronto.
Anxo Moure rarrou os nenos e nenas de Antas contos de defensa da nosa natureza e como querela e cuidala.
A actividade tivo lugar nos xardín da biblioteca o que facilitou a ascenificación das narracións e tódolos nenos e nenas rematarón a actividade con abrazos nas árbores
LER CONTA MOITO
O 24 de outubro, Día da Biblioteca, visitounos Juan Jesús Freire Pérez de Ciencia en ruta. Levou a cabo un “Obradoiro de submarinos” para alumn@s de 1º e 2º de E.S.O. do C.P.I. de Pontecesures. Autores da literatura de ciencia-ficción e científicos confluen neste obradoiro de danlle forma a unha actividade para comprender o concepto de flotabilidade. Jules Verne, Arquímides e Antonio Sanjurjo Badía introdúcennos na idealización e construción dun submarino. Unha actividade ideal para promover o interese pola lectura, a ciencia e o traballo en equipo.
A tarde do 30 de outubro deu moito de si. Cargada de ilusións, sorrisos, dinamización e fomento da lectura para todas as idades na biblioteca do centro social e da terceira idade.
O mago Pedro Bugarín non deixou a ninguén sen sorprender na tarde do Samaín. Completamos os libros dos animais onde cada un e cada unha elixía o seu preferido, a súa cor e o lanzaba cara o libro máxico.
Os trucos de cartas, cordas en tempos actuais nunca fallan.
Que ben o pasamos lendo, contando, xogando ás cartas e facendo maxia na tarde do 30 de outubro, con motivo do Samaín. O mago Pedro Bugarín conectou con nenos e nenas, papás e mamás e avós e avoas para participar nesta actividade tan animada e divertida.
Pasamos algo de medo con algún dos trucos deste mago pero tamén se trataba dunha tarde noite de terror!
Encontro con Paula Carballeira
Novo Encontro para pais, nais, fillas e fillos, nos que tentamos achegar varias temáticas baixo unha visión sinxela, amena, con humor e empregando os recursos dos que dispón a biblioteca xunto á colaboración de diferentes profesionais.
Nesta ocasión a nosa invitada foi Paula Carballeira. Pometeunos acompañarnos, coñecer algún medo, algunha terra de lonxe, algo dela e da súa familia. Prometeunos sorpresas, aventuras e sorrisos e conseguino de cheo.
Coma sempre un pracer!
Biblioteca Municipal Os Rosales
Biblioteca De Pontecesures
Biblioteca De Pontecesures
Séguenos