A tarde do venres 27 de outubro, tivemos a biblioteca Ánxel Fole de Oleiros, chea de nenas/os e as súas familias para ver o espectáculo ” Pan de Millo” de Migallas.
As cancións e a narración oral, co proceso da elaboración do pan como fío conductor, fixeron o deleite de pequenos e maiores.
Entrega absoluta e complicidade do público cos artistas.
Tarde impresionante para lembrar e repetir
Moi recomendable.
O venres, 27 de outubro, tivemos o pracer de acoller o espectáculo “O Xigante”, a cargo da compañía Elefante Elegante, na biblioteca de Mera (Oleiros).
Pequenos e maiores permaneceron atentos á historia excelentemente narrada e interpretada por Gonçalo Guerreiro e na que destacou tamén a constante presencia da música.
Ana Leira co grupo Leira Trío presentou en Laxe o seu espectáculo “Relatos en clave de Fa” o día 15 de outubro. Os nenos máis cativos escoitaron contos musicalizados e colaboraron participando da animación.
O pasado 22 de outubro Solidariedade Internacional Galicia achegoulle ós nenos de 8 a 10 anos a realidade de Guatemala. As súas xentes, a súa economía e en xeral a súa idiosincrasia. Os nenos disfrutaron con este achegamento que rematou cun conto tradicional.
Este sábado 28 de outubro, ás 17:00 hs tivo lugar un obradoiro de “DIVERMAXIA”, co que festexamos o Día da Biblioteca.
Os nenos e nenas estiveron encantados con esta actividade a cargo do Mago Infantil Paco, na que se mesturaron contos e xogos variados cheos de maxia. Prodúxose unha gran participación por conta dos participantes, interactuando en todo momento dentro dos trucos de máxia levados a cabo polo Mago.
Tratouse dunha actividade moi didáctica na que os protagonistas tiveron oportunidade de incrementar a paixón pola lectua.
Grazas o Mago Paco por esta tarde que compartimos tan máxica e chea de risas.
Moi recomendable.
Trinke Trinke rematou a súa ruta por Cambados na ALM de Vilariño, onde puideron gozar do contacontos mesturado con música e xogos.
A actividade, que resultou moi divertida, enmárcase dentro da programación adicada o Día das Bibliotecas.
Ata a próxima!!!
Este venres 27 de outubro tivo lugar o obradoiro de improvisación en verso: regueifa e brindo na Biblioteca. As persoas asistentes gozaron da posibilidade de desafíarse entre elas nesta difícil arte.
Actividade interdisciplinar, moi interesante e orixinal. Lectura, expresión plástica, fotografía e traballo en equipo conforman estes obradoiros.
Póñense en relación dous mundos: cinema e literatura.
É unha actividade organizada en catro sesións. Na primeira comezase cunha introducción á técnica de animación do Stop Motion (foto a foto) e cómo o cinema e literatura están máis unidos do que parece. Con todos os conceptos claros, as/os participantes comezaron a traballar en dous proxectos de curtametraxes diferentes, con historias sacadas de libros infantís.
Durante todas as sesións foron creadores en todas as fases, dende o deseño e creación dos personaxes e escenarios, á adaptación dos guións, pasando pola realización de fotografías e a dobraxe.
Todo o proceso moi ben desenvolto por Minia Regos. O resultado é impresionante e ademais cada participante leva gravada a curtametraxe na que participou.
Pablo Díaz fíxonos pasar unha tarde marabillosa. Contos contados e cantados, sempre coa música como fío conductor. Comeza con Paco, de Paula Carballeira, interactuando desde o primeiro momento co público asistente. Logo os de Antonio Rubio e Óscar Villán, Lúa, Crocodilo, Piñeiro… Tamén Boas Noites, ese conto tan inolvidable en forma de maleta. E na última parte da sesión as súas propias cancións do libro-disco Toc-Toc.
Hai que destacar a gran calidade desta actividade. Pablo Díaz consegue un clima estupendo entre público infantil e adulto, coa participación activa das familias en todo momento.
Moi, moi recomendable. Fantástica.
Séguenos