Hoxe visítanos en Celanova o Mago Paco, e ven para facer pasar un bo rato a grandes e pequenos. A mestura de contacontos e efectos máxicos parecen unha boa combinación para celebrar o Día da Biblioteca.

O luns 23 de outubro Trinke trinke fixo unha parada en Oubiña, para que os nenos desta parroquia coñecesen tamén a súa versión ratoniana de Os ratiños da caixa. Os rapaces e pais que participaron puideron gozar dunha sesión moi divertida e chea de sorrisos… velaí van algunhas fotos que así o reflicten:

Ó principio, Electra, presentoulle ós asistentes Rosiña, a galiña poñedeira que vai ser o fío condutor da actividade.
Electra ensínolles os ovos que puxo no seu curral Rosiña. Eran a imaxes de personaxes de contos: Caperucita, a avoíña, Pinocho, a Sirenita, un cerdito….
Despois os nenos asistentes, seguindo unha receita que lles deu Electra, crearon os seus propios personaxes.

O Concello de Marín e a Biblioteca Púbilica Municipal “Vidal Pazos”, celebraon o día 21 de outubro, un acto para os nenos e nenas con motivo do Día da Bbilbioteca.

Representouse o pequeno musical “Lúa en Vila dos Libros” a cargo da compañia Gua Gua Teatro.

Obra destinada a nenos e nenas en idades comprendidas entre os 2 e 7 anos. Nesta representación mestúrase o teatro e a música dirixida aos pequenos.

Marín súmase así aos actos que se levaron a cabo, dentro do programa Ler Conta Moito da Xunta de Galicia.

Con motivo do Día das Bibliotecas Escolares e mais do Día da Ciencia en Galego, a Biblioteca Municipal “Varela Jácome” de Lalín acolleu o pasado 21 de outubro a actividade “A ciencia é divertida”, de Nita, dentro do programa da Xunta de Galicia “Ler Conta Moito”. Foron dúas quendas, a primeira para nenos e nenas de 2 a 5 anos, e a segunda para cativos e cativas de 6 a 9 anos; en total, 41 rapaces e rapazas puideron experimentar como a ciencia está presente na súa vida e foron capaces de comprobar que o proceso de aprendizaxe pode ser tamén un proceso divertido.

Día 20 de outubro de 2017 das 10 da mañá ata a medianoite, na biblioteca de Escairón

O día 24 celébrase o Día da Biblioteca, e na biblioteca, debido ó éxito acadado en anteriores edicións (esta é a cuarta), decidimos adiantar a celebración ó venres e non pechar en todo o día. Así tivemos actividades de moi diverso contido, empezando con visitas escolares ó longo de toda a mañá e non rematando ata a medianoite.

Ás 10:00 chegou o primeiro dos grupos escolares (4º, 5º e 6º de Infantil do colexio de Escairón) e ás 11:15 chegou o grupo da Escola Infantil Municipal,  que viñeron coñecer a biblioteca e que se entretiveron e divertiron cos contos prohibidos Hola, cartero, Pezzettino ou Soy el más guapo.

Ás 12:00 chegaron os alumnos de 1º, 2º e 3º de Primaria e ás 12:45 os de 4º, 5º e 6º de Primaria, que despois de repasar o aprendido sobre O Saviñao na visita do ano pasado (fixemos exame e non se libraron tampouco os profes, que xa están avisados para a próxima), continuaron vendo como é que un libro pasa a formar parte do fondo da biblioteca e se pón a disposición do público: como lle poñemos o identificador de código de barras para facer o empréstito no novo Sistema de Xestión Bibliotecaria. Por grupos, identificamos e etiquetamos varios libros da sección xuvenil, que xa están colocados onde lles corresponde. Ademais aproveitamos para recordar que había máis actividades pola tarde.

De 14:00 a 17:00 reservamos tempo para as visitas guiadas á biblioteca.

Ás 17:00 a nosa primeira sesión “oficial” de Contos Prohibidos da tarde, na que cada quen mirou e remirou os títulos que temos dispoñibles.

Ás 18:30 (despois da merenda) coñecemos A superavoa de Antón da Organización Meu Rei (que colabora coa Fundación Meniños de Galicia)(a partir de 3 anos e público familiar), que rematamos cun obradoiro artístico. Un breve resumo é este:

Toda a tarde estivo chea de contos, moitos deles que foron prohibidos. No obradoiro d’A superavoa de Antón, creamos unha chea de personaxes en pedra entre a hora da merenda e a da cea!

Ás 19:30 a segunda sesión sesión “oficial” de Contos Prohibidos durante a que vimos novamente Hola, cartero, Orellas de bolboreta, e outros varios que representamos por grupos: Pezzettino (en italiano), Mi perrito quiere bailar ballet, ou Soy el más guapo.

Ás 20:30 Xogos por equipos e unha apetitosa cea para que a fame non acabara coas ganas de diversión.

Ás 22:00 vimos que As cousas pequenas contan (do repertorio do programa Ler conta moito). Con el soubemos que calquera obxecto nos pode servir para crear personaxes e inventar historias. Coas historias inventadas durante o obradoiro fixemos un precioso conto!

A partir das 23:00 relaxámonos con música e baile, e non faltou o karaoke!

As cousas pequenas contan leváronnos a inventar personaxes e historias, coas que se fixo un libriño que podedes atopar na biblioteca. Rematamos con baile e karaoke.

A medianoite despedímonos con poucas ganas de marchar para a casa.

Esperamos que o pasarades moi ben e que sigades con ganas de visitar a vosa biblio. Nós xa estamos pensando a ver como o celebramos o ano que vén.

Agradecemos de corazón a participación nas actividades e alegrámonos de que o pasarades tan ben que non quixerades marchar para a casa.

En Ponteareas, para celebrar o día da biblioteca contamos con Fran de Bandallo Azul que durante a sesión de contacontos mesturu cancións en directo, con contos e xogos.

O público gozou especialmente coa monicreque FLIPA, unha simpática anciá que divertiu a todos.

O venres, día 20 de outubro, visitóunos na BPM de Tenorio, Pablísimo co seu espectáculo Mans.

Pablísimo conseguiu atraparnos no seu mundo imaxinario no que os contos son como pegadas visuais nas que as mans son o fío conductor.

Os títeres e as sombras chinesas dan vida a pesonaxes sinxelos cos que os nenos axiña  empatizan  e que acaban dando, no desenrolo de divertidas situacións, grandes leccións de vida