Estes catro sábados pasados na BPM de Santa Comba, realizamos un obradoiro que por medio dunha técnica de animación chamada StopMotion os nenos e nenas que participaron fixeron a súa propia animación. Debuxando en cartolinas, plastilina etc, para que despois coa cámara e fotografando os debuxos crear a animación.

Este pasado venres día 20 de outubro tivemos a actuación de Xurxo Souto coas Cantigas terrícolas e o audiovisual “Dos gaiteiros do mar”. un percorrido sobre contos dos mariñeiros en Terranova, Irlanda.. acompañado polo grupo Os Larpeiros de Foz, que cantaron as cantigas propias dos mariñeiros de esta vila. Unha actividade moi entrañable cunha boisima comunicación entre público e artista. Ao finalizar o acto tivemos a sinatura do libro “Contos do mar de Irlanda”.

Hoxe, na biblioteca Monte Alto, tivemos a Solidaridade Internacional de Galicia contándonos historias de África. Tanto os peques coma os adultos quedamos marabillados cos contos, as lembranzas, a vida cotiá e os costumes que fomos descubrindo grazas a María. Unha sorte tela connosco.

Iniciamos o taller cunha mini escenificación do achado dun cadáver na biblioteca e coa recollida de mostras biolóxicas polos participantes.

A continuación empezan as pescudas e o proceso de investigación, seguindo paso a paso as instruccións do monitor para poder extraer o ADN  e dar co culpable.

Os nenos/as aprenderon como se pode coñecer a ciencia dun xeito distinto grazas os coñecementos de Manuel Vicente García.

Tarde didáctica, entretida e divertida.

O día 17 de outubro, o actor Santi Prego presentou na Biblioteca de “O Froxel” de Arteixo, un repertorio para nenos pequenos, con contos tradicionais.

O pasado venres, 20 de outubro, tivemos o pracer de recibir a visita de Charo Pita na biblioteca de Mera (Oleiros).  As nenas e os nenos escoitaron marabillados as  historias que nos contou e cantou Charo, que engaiolou ao seu público dende o primeiro momento.

“Arte nos Libros: Luís Seoane” a  cargo de Crearte Servizos

Imaxes artísticas, lecturas  e actividades plásticas conformaron este divertido obradoiro no que as rapazas e rapaces observaron, dialogaron, xogaron e crearon a partir de imaxes artísticas e textos literarios e estableceron divertidas conexións entre artes visuais,  a  literatura, a historia e mesmo a ciencia.

Todo isto a través do personaxe de  Luís Seoane  para coñecer o xeito de pensar e crear deste polifacético  artista galego, amigo de Picasso e de moitos outros artistas, que serviu de  inspiración para facer a súa  propia paisaxe mariña.

O sábado 21 de outubro, tivo lugar na Biblioteca de Burela a actuación de Teatro dos Ghazafelhos coa obra ” Camiñando entre estrelas”,un contacontos que nos ilustrou dun xeito ameno e pedagóxico a formación dos planetas, estrelas e demais astros… apo-iado cunha pequena escenografía onde se mostra os distintos obxetos celestes.Pepablo Patinho fixo unha viaxe incrible cos seus personaxes e os seus contos.

A Biblioteca de Burela con LER CONTA MOITO 2017.

Este sábado tivemos a visita de Fran Campos e a súa compañeira Filipa. Xuntos cantamos, escoitamos contos e pasámolo xenial nunha sala chea… Que máis poderiamos pedir?

Pablísmo engaiolou aos asistentes con contos que empezan ao revés, contos con moitos finais, contos de nunca rematar, fábulas, cantares de cego, contos minúsculos, adiviñas…