Onte “paseamos con Elas” polas rúas de Compostela, da man de Rosa Leiro que nos fixo unha ruta moi interesante e participativa na que “Elas ” foran as grandes protagonistas, mulleres de moi diversos eidos que traballaron intensamente a favor da defensa da nosa cultura e na loita pola igualdade da muller. Foi unha tarde moi entretida na que non faltou a lectura, os cantos e os novos coñecementos. Desexando repetir máis paseos como estos.

A historia protagonizada por distintos materiais escolares (un lapis, unha goma, calculadora, etc.) fomentou diversos valores como por exemplo a igualdade, responsabilidade, humildade, xustiza…entre os máis cativos.  Ademais , os pequenos participaron  activamente no conto.

Usuarios da biblioteca escoitando historias , debuxando e cantando ao ritmo da pandeireta no Ano Castelao

O xoves 29 de maio tivo lugar na B. P.M. de Láncara unha actividade de robótica creativa que consistiu  na elaboración de coches eléctricos autónomos. Os rapaces desfrutaron na elaboración dos vehículos e así como na carreira que organizaron ao remate do obradoiro.

Os cativos de Ponteareas coñeceron moitas cousas interesantes sobre Galicia

O mercores 28 de maio tivo lugar na Biblioteca Municipal de Ponteareas o espectaculo infantil titulado “As Josefas”.

Preparados para concursar no “Galicia, cada día máis linda máis linda”? Dúas irmáns quixeron  demostrar que o galego está máis vivo ca nunca e viñeron ver canto coñeces ti da nosa terra. A música foi o principal neste espectáculo que xunto con lendas e contos nos fixeron cantar e bailar, pero sobre todo aprender de Galicia. Mediante este contacontos o numeroso público infantil aprendeu moitas cousas sobre a nosa terra

O venres 30 de maio tivemos a Tropa de Trapo na Biblioteca de Moaña. Tropa de Trapo esta formado por Marta Ortiz e Brais das Hortas e xuntos contaron e fixeron rir ao público asistente co seu espectáculo 4 monos.
Hai moitos anos, no Lonxano Oriente, naceu un símbolo que viña do poder para reprimir ao pobo: os Tres Monos Sabios. Un mono non oía o que pasaba ao seu redor. Outro non quería ver o que tiña diante. E o último calaba a boca para non dicir todo o que pensaba.
Eles déronlle a volta, os seu monos van escoitar, ver e falar. Van pensar, van actuar… e van ser catro!

Hoxe foi tarde de escape room na biblioteca de Esgos. Distribuídos en 4 equipos resolveron todos os enigmas dos “Misterios da biblioteca” para chegar a solucionar a proba final.

O martes 27 de maio recibimos a María da Pontragha na nosa biblioteca. María contounos historias cotiás de mulleres, que inspiran e provocan tenrura, e algunha lenda dun tempo pasado da nosa terra dun xeito tan divertido que nos fixo rir ás gargalladas. A través destas historias, María amosa a forza, a valentía, a insubmisión, a solidariedade, o apoio… que estas mulleres teceron nunha sociedade tan cativa que as limitaba. E aínda tivo folgos para cantar algunha pequena canción e regueifa que fixo, se cabe, máis amena a narración. Pasámolo xenial, moitas grazas!

Recibimos a Ana Meilán, autora de moitos contos que temos na biblioteca, que veu contar aos nenos e nenas a historia de Simón, un neno con fama de chorón que decide gardar as súas bágoas debaixo da cama.