Fátima Fernández   deleitou ao pequenos cunha serie de contos moi divertidos. Os nenos e nenas pasaron un rato moi divertido.  Foi unha boa proposta de animación á lectura na que a autora interactuou moitísimo cos pequenos e pequenas.

Os contos de Pavís pavós transmiten os valores necesarios para crecer sen dogmatismos nin prexuizos. Contos sobre o racismo, e a homofobia, o machismo e as desigualdades.

Contos que deixan pegada nos pequenos e nos máis pequenos que estiveron moi atentos a todo o que se lles narraba.

Para saber máis sobre este evento, premer aquí.

Manuel Solla, de Expresión Produccións, ofreceunos todo un espectáculo, non só contando contos se non tamén de maxia. Primeiro fixo unha pequena introdución moi amena, dirixida sobre todo aos pais, de porque é tan importante contarlle contos aos nenos e nenas, e de como hai que tratar os libros.

Moitos libros despregables e moita participación por parte dos nenos e nenas, que estaban encantados de colaborar con Manuel. Houbo moitas risas nun espectáculo moi entretido e divertido.

Para saber más sobre este evento, premer aquí.

O pasado 15 de maio co gallo da  semana das letras galegas visitou a Axencia de Lectura Municipal de Xinzo en Ponteareas Pinga Teatro co espectáculo o Recuncho dos Contos. 

Viñeron moitos nenos que quedaron moi satisfeitos  coa actuación pois foi animada e divertida

O sábado 20 recibimos a Magín Blanco na BPM de O Grilo. Alí levounos as historias de viaxes de “A Nena e o grilo”, da locomotora María Fumaça, ou de “Rosalía pequeniña”. Pero tamén tivemos algunha sorpresa e visita dalgún dos protagonistas das cancións e o público puido pedir algún tema que quería que cantasemos e bailasemos. Toda unha festa entre libros

Ana Hermida entretivo aos pequenos e non tan pequenos coa posta en escena do contacontos “Contando en Feminino”. Os asistentes aprenderon imaxinando e deixando atrás o rol feminino que teñen os contos de sempre cara algo mellor, cheo de igualdade e respeto.

Ana foi moi divertida e cercana co público asistente!

Recibimos na nosa biblioteca a Montse Rivera que traia unha proposta: que coñeceramos a roupa que empregaban os nosos devanceiros, que a probasemos e incluso que nos levasemos unha fot de recordo

O pasado venres 19 de xuño celebramos na biblioteca unha nova sesión de Os contos do Chupete, dentro do ciclo Entre Arrolos e Contiños.

Bea Campos e Davide González ofrecéronnos unha sesión como sempre estupenda na que gozamos cos Versos vegetales de Antonio Rubio, o baño do oso Chispa, as andanzas do gran Polo Pepe ou a Ratiña Fachendosa… e tamén coas fantásticas cancións e melodías coas que amenizamos esta fantástica tarde de contos!

O día 20 celebramos o fin de actividades do centro sociocultural do concello de Bóveda (Lugo), coa presencia de Paco Nogueiras e o  “Brinca vai, de aquí acolá”.

Unha actuación chea de música marchosa que fixo moverse a grandes e pequechos/as.

Divertida e de moita calidade, creativa e musical.