Documento sin título

Contacontos ‘A Orixe’de Raquel Queizás 15/08/2014
	Contacontos ‘A Orixe’ (El Origen) de Raquel Queizás. Será nas piscinas descubertas de Verín (no caso de condición climáticas desfavorables trasladarase á Biblioteca de Verín). Durante o mesmo unha exploradora compartirá as historias que escoitou nas súas expedicións polo mundo a través da manipulación de obxectos e monicreques. Esta iniciativa, organizada pola Biblioteca Pública Municipal de Verín e a Xunta de Galicia, enmárcase no programa ‘Ler conta moito’, que tamén trouxo a Verín a Raquel Galavís e Xanela Ocio.

Na Biblioteca Forum Metropolitano da Coruña tivemos a sorte de desfrutar dun Obradoiro de ilustración. Os ilustradores de OINK!– a revista do Xabarín Club- (neste caso Ana Santiso) puxéronse mans á obra para dar a coñecer o mundo da banda deseñada á xuventude a través dun taller creativo que tivo lugar do 18 ao 20 de agosto na sala infantil da propia biblioteca onde os rapaces e rapaces de 10 a 15 poideron desfrutar das clases maxistrais a cargo de Ana Santiso.

Despois de coñecer as distintas escolas (as máis coñecidas) e as diferencias entre ambas (a americana, a europea e a xaponesa) os artistas puxéronse man á obra e crearon as súas propias tiras.

Eugenia Muñoz fíxonos viaxar ao Antigo Exipto a través dos xeroglíficos e dun papiro esnaquizado que encerraba un misterio. Tamén realizamos unha figura dun escaravello e un marcapáxinas que contiñan unha mensaxe.

Minia Regos e os nosos nenos internáronse no mundo do cine, transformaron contos da nosa biblioteca en curtos de animación.

Obradoiro de creación de imaxes en movemento a partir de debuxos e imaxes fixas feitas de plastilina

Da man de Xanela Ocio, os/as nenos/as de Verín, no servizo de Bibliopiscina foron transportados a un mundo de ilusión e ledicia grazas a música  dunha discoteca móbil, coa que bailaron e realizaron xogos lúdicos e educativos. Ao longo dunha hora e vinte minutos, todos e todas gozarán dun tempo de lecer no que os soños se converterán en realidade, e no que os/as menores serán os verdadeiros protagonistas.

Lili Gruyère , unha ratiña de biblioteca amante dos libros, deleitou as nenas e nenos carnotáns cos seus dotes artísticos e culinarios. Dende a aldea de Lonxedetodo, tróuxonos  divertidas historias, protagonizadas por personaxes sorprendentes, e preparounos un menú saudable e creativo, capaz de curar todos os males.

…por Fátima Fernández

“As historias flotan no aire e transmítense co vento, pero, que pasaría se unha desas historias cha susurrasen ao oído soamente a ti? Para escoitar as historias a través dos meus “susurradores” deberemos estar en silencio, coas orellas abertas e limpas.”

O pasado mércores, diá 6 de de agosto tivo lugar en Palas de Rei a actuación de Maxicosons, onde Álvaro Muras e Martín guiaron ao nenos a través de xogos de maxia e co apoio da música, indicándolles todas as cousas que se poderán atopar nas bibliotecas, todo o que poden aprender e se poden divertir.

O mércores 6 de agosto Olga Abad Prieto, da compañía Intres, tróuxonos a historia “O sono do rato”. A través dun teatriño de sombras e marionetas contounos diversas aventuras protagonizadas por este pequeno animal.