Santy Gutiérrez ofrécenos na biblioteca, o mesmo día 25 de abril, un segundo taller dirixido ao alumnado de 3º D do IES Afonso X O Sabio.

Este obradoiro abarca desde como se elabora un guión e deseñan os personaxes, ata o traballo último de rotulación. Fai fincapé nos distintos tipos de expresións, así como en certos trucos ou recursos que se utilizan na banda deseñada e que nos van a axudar a dar información ao lector. Os participantes fan prácticas constantemente, de diversas situacións, con distintos planos… Remata coa realización dunha páxina de cómic, partindo dun guión que se lles facilita.

É moi interesante, ademais, o percorrido que fai polos principais mercados do cómic a nivel mundial, valéndose dos fondos de banda deseñada existentes na biblioteca: o cómic europeo, americano e o manga xaponés. Propón ademais unha serie de lecturas recomendadas. Serve moi ben para dinamizar, a partir de aquí, o fondo da biblioteca.

O día 25 de abril de 2013, dentro da programación Abrilustrado para conmemorar o mes do libro, contamos na biblioteca con Santy Gutiérrez que imparte un obradoiro de banda deseñada ao alumnado de 3º C do IES Afonso X O Sabio.

Fai un percorrido por toda a linguaxe do cómic: bocadillos, tipos de viñetas, diferentes tipos de planos, encadres, a importancia das onomatopeias…

Santy Gutiérrez realiza un taller eminentemente práctico, dinámico, activo e participativo, onde non hai tempo a aburrirse.

O día 16 de maio viñeron visitarnos á ALM de Os Tilos os Ratos de Lonxedetodo da man de Trinketrinke Teatro. O Rato levou á biblioteca nunha caixa, os tres ratiños mais novos de Lonxedetodo. Son moi trastes e desobedentes e ténos que coidar.Tenta calmalos contándolle contos especiais para ratiños,pero non é doado!.

Os contos da sesión foron seleccionados de dúas obras de Arnold Lobel editados por Kalandraka: Contos de ratiños e Sopa de rato.

Pero aínda quedaba unha sopresa final. Os Ratos de Lonxedetodo deixaron unha das súas casa como expositor para que os máis peques puideran desfrutar das lecturas preferidas dos ratiños desta aldea tan afeccionada á lectura.

O día 17 tivemos na biblioteca Matapiollos coa a actividade de maxia titulada “Abrapalabra”. Os números de maxia foron moi divertidos, os nenos e os pais o pasaron moi ben

Actividade na que a Duende “DADA” deleitou os presentes cun repertorio de contos nos que os protagonistas eran unha serie de animais, entre eles o tan coñecido “lobo”. Con esta divertida actuación os nenos aprenderon a respetar a natureza e o amor polos animais, finalizando con unha canción moi xinxela en lingua africana, na que participaron todos:

Paké tume tume papa paké tume tume pá

Tutué tutue tata tutué tutue tá …

Participaron os alumnos do Colexio Pablo VI-Fátima do Concello

Actividade desenvolta no marco do programa de celebración da semana das “Letras Galegas “

Na tarde do 2 de xuño veu Fuco o rato de Lonxedetodo a traer os contos preferidos dos ratos da biblioteca.
Cun feixe de contos de ratiños pequenos e outros animais pasamos unha tarde estupenda con Trinketrinke e as súas sempre boas animacións á lectura. Os nenos disfrutaron das historias tanto, que as quixeron levar despois para as súas casas.
Deste xeito tan divertido despedimos os contacontos e as actividades ata despois do verán, para repoñer forzas e voltar no outono con máis actividades na biblioteca.

Actividade na que Manuel Solla mediante un libro “Pop Up” foi  relatando o conto da “princesa labios de fresa” de seguido algúns nenos voluntarios deron vida os persoaxes do conto-en forma de teatro exprés- dirixidos polo animador. Os nenos quedaron moi intrigados co número de maxia, na que mediante a concentración e as palabras máxicas “ABRACADABRA” de todos os participantes, podian facer desaparecer e de novo aparecer as letras e as imaxes do libro, primeiro en branco e negro e para terminar a toda cor.

Participaron alumnos do Colexio Pablo VI-Fátima do Concello

Actividade desenvolta no marco do programa de celebración da semana das “Letras Galegas”

O día 20 de maio celebramos as letras galegas na Biblioteca de Fene co contacontos de un clásico “Onde viven os monstros” de Maurice Sendak narrado por Sherezade Bardají e que acompañou cunhas sombras chinesas.
Para a grande maioría dos nenos e nenas asistentes foi todo un descubrimento esta narración chea de monstros e sorpresas.

A actividade desenrolouse coa lectura e ilustración de 3 contos: os dous primeiros-o señor “Ramón e a señora Ramona” e  “a maceira que daba calquera cousa menos mazás”- contados e ilustrados conxuntamente polos dous animadores. O terceiro – a princesa do Caurel- ilustrado por nenos voluntarios do público asistente, que mediante un sorteo iban sacando elementos que tiñan que debuxar para de este xeito  ir dando forma  o conto.

Actividade desenvolta no marco do programa “Semana do Libro”

Participaron os nenos da ludoteca municipal acompañados polas educadoras e otros nenos acompañados polos país.

No día do libro pasamos unha tarde divertida cos “Contos de sobremesa” de Pablísimo, cos seus contos breves cheos de elementos visuais que acompañan as historias, fixo que nenos e adultos disfrutaran dun bo feixe de narracións algunhas coñecidas e outras non tanto.