Onte, xoves 21 de setembro, a Biblioteca Municipal Os Templarios acolleu un fermoso espectáculo de artes escénicas dirixido a estimular ao noso público pre-lector de 0 a 3 anos e ás súas familias.
O alumnado e familias da Escola Infantil de A Fonsagrada desfrutaron de contos e cantigas con Caxoto na Biblioteca Pública Municipal de A Fonsagrada. Esta función está chea de animais, pequenas historias e cantos no día a día na granxa de Xan.
Na tarde do xoves 20 de outubro, Pablo Díaz visitou a Biblioteca Municipal Os Templarios (O Temple-Cambre) para ofrecer unha deliciosa sesión de contos, coa música como fío condutor. ‘Cantacontos para bebés’ serviu de estímulo para os máis cativos, tratando temas e rutinas adaptadas e propiciando un estupendo ambiente familiar na biblioteca de O Temple.
Síntese do desenvolvemento da actividade:
Teatro para bebés de 0 a 3 anos con xogos musicais e de son moi interesantes. Vestiario moi chamativo para atraer a atención dos nenos. Os materiais utilizados estaban feitos con obxectos da vida cotiá facilmente replicables polas familias. A comunicación entre elas era non lingüítica, imitando o proto linguaxe dos bebés. Ao final da actividade deixaron os materiais que empregaron para que as crianzas puidesen explorar coas familias. En xeral unha actividade recomendable, onde podemos percibir que os bebés desfrutan.
Mira máis fotos e vídeos da actuación aquí.
O martes 16 de outubro e seguindo coa nosa programación do Mes das Bibliotecas, tivemos os “Contos do chupete” da man de Migallas Teatro na nosa biblioteca onde o pasamos de rechupete. Foi unha sesión de contos para bebés na que se integraron música en directo, literatura infantil, expresión dramática e tradición oral.
Foron moitos os bebés que xunto con pais e nais quixeron pasar unha tarde tenra e familiar, e disfrutar cantando, tocando palmas e facendo sons. Non hai máis que ver as súas caras de disfrute 😉
E como parecía que non lles chegaba a sesión 🙂 , Bea e o seu compañeiro ofreceron unha derradeira no exterior da biblioteca aproveitando a boa tarde que quedou. Alí, xa libremente, os cativos que non tiveron que marchar, achegáronse a tocar os instrumentos musicais e disfrutaron un bo anaco.
Moitas grazas a Migallas Teatro por esa tarde tan familiar e divertida. Un pracer teros connosco e ata outra!
Onte, luns 17 de setembro, os máis pequenos tiveron a súa primeira experiencia co mundo máxico dos contos nun bebecontos da man de Migallas Teatro, no que a mistura da música e a narración oral engaiolaron a tódolos asistentes.
Grazas Migallas!
O mércores 4 de outubro, Charo Pita visitou a Biblioteca de Portonovo co seu espectáculo para bebés.
Os bebés que, xunto cos seus pais, se acercaron á sesión, disfrutaron dun rato divertido e moi tenro. Charo Pita engaiolounos coas súas cancións, rimas e contos, e foi moi bonito ver os papás, sempre máis serios, sonrir e disfrutar cos seus cativos no colo.
Cando rematou a sesión, os pais estaban moi agradecidos por participar e sorprendidos de que algo así acontecese na biblioteca. De feito, para moitos era a súa primeira visita á biblioteca e descubriron tamén os servicios que temos para ofrecerlles.
Dende aquí o noso máis agarimoso agradecemento a Charo Pita!!!
O xoves, 28 de abril, recibimos na Biblioteca Municipal de Lugo aos nosos usuarios máis pequenos que acudiron a participar no contacontos de Sherezade Bardaji “Palabras confeitadas”.
Xunto á narración, sons, cores e formas, conseguiron captar o interese de nenos e nenas e mesmo dos seus pais e nais.
Para celebrar a festa final dos Bbencontros na Biblioteca Municipal Infantil e Xuvenil da Coruña, que mellor que contar ca presenza dun contacontista e músico como é Pablo Díaz, autor de libros como Tic Tac editado por Kalandraka ou Toc toc editado por Galaxia, que usamos e recomendamos nas nosas sesións.
Con él puidemos contar e cantar moitos contos que fixeron voar a nosa imaxinación, e como non podía ser doutra maneira o seu rítmo fíxonos erguernos e poñernos a bailar e dar palmas.
Pablo deleitounos con historias como a de Paco, un rato que foi capaz de chegar a lúa, ou o delirante descubrimento dun ovo, que acaba sendo un rato ou un Becho estraño.
E así, entre notas musicais e contos, fumos pasando unha tarde divertida e inesquecible, para deixar un bo sabor de boca ata a nova temporada que ben.
Que teñades un bo verán cheo de contos!!
O 6 de maio, na biblioteca municipal Monte Alto (A Coruña) puidemos gozar da tenrura do artista Pablo Díaz. Contounos contos, ensinounos poemas e cantamos cancións do seu último traballo: “Xente miúda moita fartura“.
Pablo Díaz é un dos nosos artistas favoritos. Sabe tratar os nenos con paciencia e agarimo, atendelos e xogar con eles. Bebés e maiores quedamos encantados coa súa visita, esperamos volver a velo pronto. Grazas, Pablo!
Séguenos