As familias de Cambre coñecen os superpoderes de Lía
Este martes, a Biblioteca Municipal Os Templarios (O Temple – Cambre), acolleu un novo e inspirador contacontos, titulado ‘Os rizos de Lía’, a cargo de Patricia García Lesta.
Saltar a ligazóns de pé de páxina
Tag Archive for: Igualdade de xénero
Música Miúda chegou a Cambre para mudar o conto
O pasado martes 30, a Biblioteca Municipal Os Templarios (O Temple – Cambre) acolleu o divertido contacontos musical “Cambia o conto“, a cargo de Música Miúda.
DO TRADI AO TRAP… BAILA MORENA DA MAN DE BLANCA VILLARES
No día de hoxe a Biblioteca Pública Municipal de Guitiriz acoulle o obradoiro musical de sensibilización en igualdade e erradicación de violencia contra a infancia e as mulleres impartido por Blanca Villares.
Neste obradoiro trataronse as violencias sexuais a través das músicas nos tempos de antes e de agora, e o seu papel nas colectividades que as compoñen…e escoitan; e través delas e da publicidade ou redes socais abordouse o consentimento, o acoso e o abuso sexual.
Participaron na actividade o grupo de estimulación cognitiva do Concello de Guitiriz, capitaneados por Rocío Fanego e o grupo de adolescentes do Proxecto Kpaces do Ies Poeta Díaz Castro coa súa responsable Sandra Tenreiro.
foto
Muller, escritora, en galego e… polo mundo! na B.P.M ” Casa Habanera”
O alumnado de IES POETA DIAZ CASTRO, achegouse ata a biblitoteca municipal para participar na charla ” Muller, escritora, en galego e … polo mundo!, da man da escritora e poeta Yolanda Castaño.
Nunha charla amena, empoderadora, aderezada con anécdotas e poemas, unha das poetas máis populares e internacionais contounos como se abriu paso nunha profesión tan machista, e superou os obstáculos, prexuízos e actitudes patriarcais “.
Actividade que forma parte do programa de animación á lectura e dinamización da lingua galega da Biblioteca Pública Municipal “Casa Habanera” do Concello de Guitiriz.
Rosa Caramelo e outras historias, de Talía Teatro, na ALM de Carnota
O pasado venres gozamos na Axencia de Lectura Municipal de Carnota dunha tarde repleta de contos en clave de igualdade, da man de Talía Teatro. Rosa Caramelo, e outras historias é un espectáculo teatral creado a partir dunha serie de contos contos de Adela Turín para lles dar unha volta aos roles e estereotipos de xénero. A historia dos bonobos con lentes, Artur e Clementina e Unha feliz catástrofe, integran esta montaxe, máis que recomendable para desmontar prexuízos sobre actitudes e aptitudes de mulleres e homes.
Álex quere ser coma papá…na BPM do Saviñao
Día 8 de outubro de 2021 ás 18:00, biblioteca de Escairón
Celebramos o mes das bibliotecas coa actividade do programa Ler conta moito…
Álex quere ser coma papá
da man de Dani e Iria
o 8 de outubro, ás 18:00 na biblioteca
Achegámonos á historia de Álex con Dani e Iria, ós que xa coñecemos doutras visitas.
Desta vez, cóntannos a historia de Álex, e levamos unha enorme sorpresa ó final da historia porque descubrimos un erro no que caemos sen darnos conta: Álex NON é un neno como pensabamos!
Acabamos facendo un debuxo no que reflexionamos sobre o que pensamos ó longo do conto.
Antía Yáñez e A Reconquista no Valadouro
Antía Yáñez foi relatando o seu conto A Reconquista aos nenos e nenas asistentes, explicándolles a historia de Lúa e a súa motivadora historia reivindicando un espazo común onde os desexos de todos os nenos/as tiveran cabida e estiveran representados no tempo de lecer do seu cole.
Asimesmo xogou cos máis peques tentando adiviñar animais ocultos nas páxinas do conto de Antía.
Tamén mesturou o seu contacontos coa proxección de videos que reflectian roles distintos aos normalmente asignados a cada xénero.
Unha Maxia Diferente, co Mago Paco, na ALM de Carnota
O pasado venres o Mago Paco tróuxonos á ALM de Carnota “Unha maxia diferente”, un espectáculo orientado a promover a igualdade de xénero que trata temas como a violencia ou o machismo e traslada valores como a igualdade entre mulleres e homes, o amor e o respecto. O humor e a interacción co público son dúas das claves desta montaxe, que resultou un éxito rotundo.
Séguenos