O pasado venres gozamos na Axencia de Lectura Municipal de Carnota dunha tarde repleta de contos en clave de igualdade, da man de Talía Teatro. Rosa Caramelo, e outras historias é un espectáculo teatral creado a partir dunha serie de contos contos de Adela Turín para lles dar unha volta aos roles e estereotipos de xénero. A historia dos bonobos con lentes, Artur e Clementina e Unha feliz catástrofe, integran esta montaxe, máis que recomendable para  desmontar prexuízos sobre actitudes e aptitudes de mulleres e homes. 

Día 8 de outubro de 2021 ás 18:00, biblioteca de Escairón

Antía Yáñez foi relatando o seu conto A Reconquista aos nenos e nenas asistentes, explicándolles a historia de Lúa e a súa motivadora historia reivindicando un espazo común onde os desexos de todos os nenos/as tiveran cabida e estiveran representados no tempo de lecer do seu cole.

Asimesmo xogou cos máis peques tentando adiviñar animais ocultos nas páxinas do conto de Antía.

Tamén mesturou o seu contacontos coa proxección de videos que reflectian roles distintos aos normalmente asignados a cada xénero.

O pasado venres o Mago Paco tróuxonos á ALM de Carnota “Unha maxia diferente”, un espectáculo orientado a promover a igualdade de xénero que trata temas como a violencia ou o machismo e traslada valores como a igualdade entre mulleres e homes, o amor e o respecto. O humor e a interacción co público son dúas das claves desta montaxe, que resultou un éxito rotundo.