Os rapaces e rapazas das Pontes tiveron ocasión o pasado xoves 26 de asistir aos trucos de maxia do Mago Richard. Ademais coñecimos a aportación de moitas mulleres relevantes ao mundo da ciencia e da tecnoloxía. Foi un pracer para todos e todas.
Pablo Díaz chegou á Biblioteca Municipal de Lugo cunha chea de contos.
Pero ademais, ao final, regalounos algunhas das súas cancións máis coñecidas, coas que os nenos e nenas gozaron cantando e bailando.
O mago Pedro Bugarín achegou maxia, fantasía e imaxinación aos escolares da nosa parroquia, onde alumnado de 5º e mais de 6º de primaria dos tres centros de ensino da parroquia, e mais os estudantes de 1º da ESO pasárono en grande cunha sesión de maxia emocionante e divertida.
A Biblioteca municipal Xela Arias de Chapela ofreceu a actividade Maxia para Todxs dentro do programa Ler conta moito Igualdade.
VER + NO NOSO BLOG: https://bibliotecasredondela.blogspot.com/2019/09/maxia-en-igualdade-para-os-centros-de.html
A voz de Iria Mejuto e a guitarra de Richie Rozas fixeron emocionarnos en Láncara grazas á coidada selección de cancións e autoras, e a súa interpretación no concerto “Voces de muller”.
Os feitos máis destacados das biografías das cantantes compoñían un relato introdutorio a cada tema, onde se reflectían as dificultadas da muller no mundo cotiá e no mundo da música. E despois, as cancións que xa formaban parte da nosa vida, pero que puidemos gozar en vivo, e das que agora xa coñecemos á muller e a historia detrás delas.
Unha sesión musical para entender e valorar como influíron as mulleres non só na música, senón tamén nas humanidades e no feminismo. Un espectáculo inesquecible.
A carteira de Augas Claras (Carmen Domech) chegou á Biblioteca Municipal de Lugo para entregar tres cartas e contar tres contos.
Os contos eran: Artur e Clementina e Rosa Caramelo, de Adela Turin, e Yo voy conmigo, de Raquel Díaz Reguera. Contos para á igualdade que contados por Carmen Domech, aínda nos gustan máis.
Pola Igualdade dende a Maxia, de Leo Leíño gustou tanto aos cativos de Corcubión que pasou o tempo voando.
Un lote de trucos de maxia, algúns consellos para explicar a igualdade entre homes e mulleres aos máis pequenos, e unha visita moi especial dos nen@s do Proxecto Lecer, que se celebraba no verán en Corcubión, fixo que esta mañá na Biblioteca fora así de divertida.
Deica outra!
Onte martes, tivemos a sorte de ter a Raquel Queizás na Biblioteca e desfrutar da súa proposta de igualdade, enmarcada dentro do programa de promover a igualdade e loitar contra a violencia de xénero.
Foron máis de sesenta cativos e cativas os que se achegaron á Biblioteca de Portonovo para participar nesta actividade. Porque ademáis de desfrutar e axudar, actuaron e riron con ganas, protestaron e cantaron… todo para comprobar que os homes e as mulleres somos iguais.
Da man de Queliña viaxamos para correr aventuras e contar historias, e demostrar que somos iguais de valentes e sensibles.
Unha proposta moi boa de Raquel que fixo as delicias dos cativos, pero tamén dos maiores que se achegaron, ou dos que por alí pasaban.
Ó remate da sesión os rapaces do PaiFill@Nai quixeron darlle as grazas cunha aperta grupal.
Agradecer a Raquel Queizás a súa visita á Biblioteca de Portonovo. Foi un pracer!
Teatro de marionetas Trécola achegou ata a biblioteca municipal do Grove o seu espectáculo “Lolo e a ratoa”
A rapazada dos campamentos de verán pasaron unha divertidísima mañá na compañía de Lolo e a ratonciña que se “colara” no espectáculo.
Os contos de Pavís pavós transmiten os valores necesarios para crecer sen dogmatismos nin prexuizos. Contos sobre o racismo, e a homofobia, o machismo e as desigualdades.
O sábado 12 de abril Xanela Ocio visitou a Biblioteca Ánxel Casal e isto foi o que nos trouxo:
Contos en galego adaptados ao revés. Nos contos de Xanela Ocio, as bruxas son boas e os príncipes feos.
Traballamos a igualdade e o respecto polos demais e polo medio que nos rodea de xeito ameno, divertido e educativo.
Consultar o enlace ao evento no Facebook da biblioteca
Séguenos