O sábado 20 de xullo o Mago Teto trouxo ata a s Pontes os 4500 anos da histora da maxia. Fixemos ese percorrido pola historia máxica a través de números de maxia nos que participou o público asistente. Estes días co bo tempo sacamos a biblioteca ao parque e desfrutamos alí das actividades de animación e da lectura.

O pasado mércores, o mago Javier Muro e os seus pequenos e pequenas aprendices inundaron de maxia a ALM de Carnota, co espectáculo Xogando coas palabras. O factor sorpresa e o humor son son dúas das claves deste espectáculo de maxia infantil, creado a partir de palabras e números elixidos ao chou, co público como auténtico protagonista.

Expresión Produccións achegou ata a Axencia de Lectura de San Vicente un divertido  espectáculo de animación á lectura con varios ingredientes: maxia, contos, monicreques, adiviñas, participación  diversión e moito máis que que fixeron as delicias do público asistente.

Todos os membros da familia foron introducíndose no mundo máxico dos contos coa axuda dunha maleta máxica e da man dos seres fantástico que nela habitan

Primeira actividade desta temporada, cun éxito total. Leo e Cris (Leo Leiño) engaiolaron a pais, nais e sobre todo aos nenos e nenas que desfrutaron, mirando entre asombrados e temerosos o que iba  suceder no instante seguinte, esa era a impresión que tiñas observandoos.

A partir dunha serie de libros moi coñecidos : O principiño, Viaxe ao centro da Terra e por suposto o mundo máxico de Harry Potter as nenas e nenos viaxaron a través da fantasia, nun universo de sorpresas e ilusións que tamen poden atopar cada día nos andeis da biblioteca.

Ninguén queria que “aquelo” rematara, será a varita máxica que Leo Leiño regalaron a cada neno e nena o que lles fará non esquencer este momento único.

O pasado mércores, 22 de agosto, o Mago Paco volveu encher de maxia a ALM de Carnota, nesta ocasión con Maxia Divertida 2.0, un espectáculo repletiño de sorpresas, que combina contos, xogos, maxia e moitísimo humor.

Quedamos con gana de máis!

Onte, 28 de xuño,  tivemos ao Mago Richard na Biblioteca Fórum Metropolitano da Coruña con Maxia # Lab, un espectáculo interactivo no que fixemos un percorrido pola historia da ciencia, e no que nos demostrou que maxia e ciencia poden ir da man.

O xoves 11 de maio, ás 19:00 horas visitounos Martín Camiña co seu espectáculo de maxia. Os asistentes quedaron encantados con esta actividade do máis divertida que consistiu nun espectáculo de maxia na que se intercalaba información sobre algunhas das obras de Carlos Casares.
Público asistente:
cativos: 16
adultos: 21

O pasado venres, 5 de agosto, o Mago Paco visitou a Axencia de Lectura Municipal de Carnota con Divermaxia, un espectáculo de A Illa d@s nen@, do máis dinámico e interactivo, que mestura narración oral, xogos e ilusionismo con grandes doses humor. Sen dúbida, recomendable. Que ben o pasamos!

Cando chega o verán, a biblioteca Monte Alto sae a rúa para achegar a lectura e a biblioteca aos veciños do barrio. E unha boa forma de darnos a coñecer é facendo actividades de calidade para todos os públicos. Nesta ocasión, convidamos ao Mago Paco a acompañarnos o pasado 8 de xuño. Durante toda a hora tivo ao público pendente das dúas verbas; fíxonos sorrir, usando os contos e as historias como fío condutor dos seus xogos e trucos de maxia. Unha tarde inesquecible. Grazas, Mago Paco!

O día 20 de Maio na Biblioteca Infantil e Xuvenil da Coruña, celebramos o día das Letras Galegas  2016 rodeados de música e maxia nas mans de Martín Camiña e Álvaro Muras, respectivamente. Estes dous artistas fixeron un percorrido pola vida e obra de Manuel María combinando estas dúas disciplinas.

Resultado “máxico” cumplíndose o obxetivo: Homenaxear a Manuel María con motivo das Letras Galegas.

A participación das familias e a implicación do público en xeral foi moi satisfactoria. Sorprendeunos a todos a combinación de literatura, maxia e música.

Para acompañar a festa, dende a Biblioteca elaboramos unha mostra bibliográfica da obra de Manuel María. Quedounos así de bonitiña.