Os nenos de Vilasantar disfrutaron dun espectáculo de maxia e música entre libros, con Alvaro Muras e Martín

María Salgueiro e Sé Rial (Nanoteatro) escenificaron dous contos, “Ajdar”, de Marjane Satrapi, autora da famosa novela gráfica Persépolis, e o máis tradicional “Papamedos”. Contaron co apoio entusiasta dun nutrido grupo de nenos e nenas crédulos e entregados

Gran actuación que mantivo embelesados os nenos e maiores, mantendo a atención e faeendoios participes delas, narrando, contando, imitando… orixinal entretida e moi divertida.

Para recomendar e para volver a repetir!!!

Participación intensa e continua dos nenos, sen duvida capta a sua total atención.

A actuación foi excelente en todo o momento, quedando con ganas de mais.

A Biblioteca do CEIP Xose Luis Taboada da Barrela foi o lugar elexido para deixarnos levar pola imaxinación cos “CONTOS AO REVÉS”. Durante unha hora @s nen@s de Primaria interactuaron co rei dun lonxano pais no que as bruxas e os lobos eran bos, os príncipes feos e o rei da selva era unha muller e non un home.

A través desta sesión, uns 50 nenos e nenas traballaron dun xeito divertido e ameno a igualdade e o respecto.

Hai algúns anos a Biblioteca Municipal Os Rosales tivo a oportunidade de coñecer a Fran Buceta e a Marta Faílde (Avoa Youja Teatro) e a súa obra “Viaxe en colo”. Nesta ocasión, acudiron ao convite do Bbencontro Os Rosales co seu novo espectáculo titulado “Soñei que era unha árbore”. Unha vez máis achegaron os máis pequenos e as súas familias, á música en vivo e en directo e á maxia do teatro. Coma sempre un pracer.

Narración oral, tal e como a contaban hai máis de 2.000 anos en Galicia.

Leva ós nenos a un mundo imaxinario, sorpréndeos coa súa orixinalidade, consegue transmitir emocións, ás veces sorpresa, ás veces medo, coas súas descricións de personaxes e situacións variopintas, todo acompañado de moita tenrura.

O sábado pola mañá tivemos unha sesión de contacontos a cargo de Marisa Irimia “Contos de marmeleiro, anis e limón” .Historias cheas de maxia e emocións. Contos doutros tempos e outras falas, contos que nos fixeron  gozar .

Pola tarde tivemos unha conferencia arredor da figura de Xosé Mª Díaz Castro por Concha Blanco “Entrando no calendario”.

O mércores, 21 de maio, a Mago Richard durante aproximadamente unha hora, cativou co seu espectáculo “Tecnomaxia” a 160 rapaces e rapazas do 3º Ciclo de Primaria dos diferentes centros educativos do Concello.  Sesión de maxia na que misturou o ilusionismo co pragmatismo científico, ofrecendo unha actividade lúdica pero tamén de gran contido didáctico.

Actividade chea de incribles trucos e apaixonantes historias, que fixeron voar a imaxinación a un público que desde un primeiro momento conectou fenomenalmente co desenvolvemento do espectáculo, acadando dun xeito moi ameno que os rapaces gozasen dunha tarde repleta de suspense e sorrisos.

Onte pola tarde, na biblioteca municipal de Monte Alto, gozamos da compañía de Tareixa e Xacobe, os contacontos de Pavís Pavós, quenes, con moito, moitísimo agarimo, foron debullando contiños, rimas, poesías e cancións.

A pesar da tarde chuviosa, eles conseguiron facer da biblioteca un lugar cálido e seguro. Descubrimos canto lles gusta xogar á lúa e o sol; canto come o Polo Pepe e o gordecho que se está a volver; cantos amigos fixo o señor Coc mentres intentaba descubrir quen era. E tamén cantamos cancións coa axuda dos nosos dediños e duns axóuxeres artesáns que Xacobe e Tareixa prestáronnos para a ocasión.

O único que lamentamos foi ter que despedirnos dos nosos novos amigos. Esperamos poder velos pronto, pero mentres tanto levámonos á casa un montón de libros para seguir gozándoos en familia.