Onte, mércores, 4 de outubro dentro do Programa Ler Conta Moito na Biblioteca de Santa Cruz visitounos Elefante Elegante co espectáculo “O Xigante”. Representación magnífica por parte de Gonçalo Guerreiro deste clásico da literatura infantíl, embelesou coa súa posta en escena a maiores e pequenos. É un espectáculo de pequeno formato, onde a narración está acompañada con moito acerto, cunha música axeitada a cada escea, ademáis das palabras, as accións mímicas, os xestos dan grandiosidade a narración oral. A destacar tamén os valores traballados de solidariedade, amizade, e sobre todo amor a natureza e coidado do medioambiente.

As viaxes dun home

Onde vive un xigante que non deixa a ninguén xogar alí

A primaveira non chega ao xardín do xigante…

O xigante faise amigo dos nenos e nenas…

O home segue a viaxar buscando árbores con libros e xardíns para habitar…

Este mércores, 26 de outubro visitaron a biblioteca as marionetas do grupo Trécola.

Cunha excelente e suxestiva posta en escena, Ero e Isa transportáronnos ata máis aló do universo na procura dunha estrela que como non atopamos tivemos que crear, cunha receita moi especial de cachiños de papel prateado do chocolate da merenda dun neno, migallas de biscoito de chocolate e moito, moito, amor.

Coa estrela xa conseguida, as tres raíñas magas atoparon o camiño ata a cova onde Jesusete acababa de nacer, entregándolle un montón de presentes para el e todos os nenos da aldea.

Presentación

Creamos a estrela

As tres raíñas van de camiño

Moi boa ambientación, os bonecos dos títeres eran espectaculares para disfrute de todos os alí presentes coas aventuras de Melchora, Baltasara, Gaspara e os seus camelos.

O mércores, 5 de outubro, na sala de actividades da biblioteca de Santa Cruz, realizouse un obradoiro creativo de divulgación científica a cargo de Efervescencia.

A actividade titulábase “Biotecnólogos” e empezou coa representación, por parte das/dos rapazas/rapaces, previo reparto de papeis, dunha historia onde unha das rapazas- bibliotecaria atopa un cadáver cando abre a biblioteca. Os rapaces-detectives terán que atopar á/ao culpable do crime. Para iso, recolléronse mostras “biolóxicas” para analizar posterioromente.

As/Os científicas/os traballando

facendo ciencia

Explicando a ciencia

Deuse paso ao experimento para sacar o ADN das mostras recollidas. As/os nenas/os empregaron líquidos inofensivos, pipetas e probetas seguindo as instruccións do monitor. Pasouse á explicación, a través dunha proxección, de como descubrir á/ao criminal segundo ás cores do ADN. Enseguida, ás/ós rapazas/rapaces máis maiores  decatáronse das concordancias e declarouse unha culpable. Ao final cada un das/dos asistentes levou para casa unha mostra do líquido que “contiña” o ADN e unha pipeta.

O pasado mércores, 28 de setembro na sala de contacontos da Biblioteca de Santa Cruz, tivo lugar a actividade de Bibliocanta, as nenas e nenos disfrutaron un montón coas cancións e os xogos de Chío, cantaron, bailaron, coñeceron o seu corpo dunha forma lúdica, disfrutando das cancións máis tradicionais da nosa lingua, retahílas, cancións de “botar a sortes” ou de “toca”, aplaudiron con aplauso e aplauso e medio, ata converterse en fogos artificiais que estouparon na sala de contacontos e que fixeron as delicias de pequenos e maiores.

Dedín Dedán….

BIBLIOCANTA

Vamos bailar….

As  cancións : Os parruliños, O polo, Palmiñas, Carrasquiño, Pésdelan, Dedín Dedán,…. permitiron a pequenos e adultos coñecer ou recordar as cancións tradicionais da nosa lingua, un xeito de recuperar a oralidade dunha forma lúdica e creativa.

O mércores, 21 de setembro, a Biblioteca de Santa Cruz de Oleiros encheuse de maxia, de diversión e de boas lecturas.

Xogos e Maxia na Bilioteca Rosalía De Castro De Santa Cruz

O Mago Paco conseguiu que o público asistente se mostrase entusiasmado e participativo en todo momento, conseguindo crear momentos de sorpresa durante os trucos de maxia, de auténtica diversión durante os xogos e de atención nas narracións dos contos.

O mércores, 7 de outubro, visitou Leo Leiño a biblioteca co seu espéctaculo de maxia divertida e sorprendente. Destacar en primeiro lugar o gran montaxe escénico de música e luces que captou a atención do público familiar que abarrotaba a sala. Xogos sorprendentes que obrigan a abrir os beizos nun primeiro Oooohhhh¡¡¡…. que xa non remata ata o final do espectáculo.

Maxia Cómica. Leo Leíño

Leo transpira pasión pola maxia e eso é o que transmitiu aos nenos e nenas que onte asistiron á sesión na biblioteca, toda esta pasión convertiuna,  nun último xogo visual, en enerxía que o público lle achegou en forma de pequenas boliñas máxicas de cores que Leo enguliu, deste xeito retornará noutra ocasión á nosa biblioteca con enerxías renovadas. Todo dun xeito gracioso con grandes doses de humor.

O mércores, 30 de setembro como ven sendo habitual nesta biblioteca tivemos a primeira actividade no inicio deste novo curso, desta vez optouse por un obradoiro de marionetas de papel a cargo de Viravolta Títeres, dentro do Programa Ler conta moito. Actividade dirixida por Anxo García  que con verdadeira calma e templanza foi conseguindo que cada nena/o realizara os pasos a seguir (doblar, recortar, pegar, etc..) de xeito que o resultado final fóra unha estupenda marioneta de papel.

O primeiro paso foi o recoñecemento da utilidade do papel, na construcción dos libros para pasar a outras utilidades no campo da papiroflexia, realizando con habilidade a súa primeira figura de papel, un “comecocos” que resultou a cabeza da futura marioneta, agora só fixo falta engadirlle ollos, cellas, pernas, brazos, etc.. para conseguir un “feitiño” boneco de papel.

Un obradoiro moi completo, ben conseguido e ben dirixido.

A Tripulanta Rías Baixas e o Tripulante Norai son dous investigadores mariños que teñen distintas hipóteses para dar explicación á orixe do sal na auga do mar. El cre as teorías científicas pero ela fai máis caso dunha lenda cuxos protagonistas viviron hai moito tempo nas proximidades da biblioteca onde se celebra o espectáculo. Tras representar a lenda, os dous tripulantes organizan unha grande expedición aos fondos mariños levándose consigo a todo o público e facéndoos partícipes de importantes descubrimento. Nenas, nenos e maiores disfrutaron a tope dunha boa narración oral teatralizada e da expedición aos fondos marinos nos xardíns que rodean ao edificio onde se ubica a biblioteca, onde puideron observar cabaliños de mar, peixes que emitían luces para poder nadar nos fondos mariños, mantas raia… para despois comprobar cientificamente o proqué da salinidade do mar na exposición de    libros sobre o mar.

O mércores, 22 de outubro dentro das actividades organizadas polo Sistema de Bibliotecas de Oleiros en colaboración co Programa Ler Conta Moito da Xunta de Galicia visitou a Biblioteca de Santa Cruz a espectacular maxia de Chrystyan Magic, co seu espectáculo “Na senda da serpe alada”.

A actividade levouse a cabo no Teatro das Torres, anexo á biblioteca, onde un público entregado disfrutou cunha xornada de animación á lectura e de dinamización da nosa lingua. Chrystyan Magic creou un ambiente de maxia e ilusión, de sonrisas e risas que encantaron a grandes e pequenos. Espectáculo que esta baseado nos libros de Ana María Fernández e Xoán Babarro, que narra as aventuras de Chrystyan e o mago Bosco.

O luns, 9 de xuño, ás 18.30 h. a narradora Charo Pita deleitounos no Teatro das Torres anexo á biblioteca , co seu traballo “Contos de amor, erotismo e morte”, unha sesión de contacontos para mozos/as, adultos/as.

Cunha fermosa melodía modulada coa súa voz, comenzou as historias da tradición oral que sobre a vida, o amor e a morte, con certos toque de fino erotismo relatou durante unha hora. Un rosario de contos que fixeron as delicias do público que asistiu ó acto, maioritariamente asistentes ás tertulias literarias (clubs de lectura) que teñen lugar no Sistema de Bibliotecas do Concello.

A actividade que forma parte do programa Ler conta moito da rede de Bibliotecas de Galicia en colaboración co Concello de Oleiros, completouse cunha pequena exposición das obras que temos na biblioteca de Charo Pita, tanto infantís como de adultos.