O mércores 19 de marzo, ás 18.30 h. Ana Hermida da Asociación Lisistrata visitounos na Biblioteca de Santa Cruz co espectáculo “Contando en feminino.”

A partir dos seguintes contos : “Historia dos bonobos con lentes”, “A princesa Carlota e o seu dragón mascota”, “Artur e Clementina” e “As cores”, contados desde a perspectiva de xénero e igualdade, xógase cos roles femininos, de xeito que non estean representados só os que son tradicionais nos contos, senón algo igualitario nos que as/os protagonistas o sexan desde o punto de vista da igualdade e da cooperación en todas as facetas da vida.

A actividade completouse coa mostra bibliográfica que sobre “Libros para a igualdade, libros de Adela Turín” espúxose na sala infantil da biblioteca.

O venres 11 de outubro realizouse un obradoiro que tivo como finalidade a realización dunha curtametraxe, Xes Chapela foi o monitor encargado de impartir esta actividade aos nenos e nenas de 6º de primaria do CEIP Parga Pondal de Santa Cruz, que participaron no programa Ler conta moito a través do Sistema de Bibliotecas do Concello de Oleiros.

Aprenderon os principios básicos da linguaxe audiovisual, as fases na producción audiovisual. Pasaron por grupos pola biblioteca para buscar un libro que se  axustara aás súas expectativas, para facer o guión da curtametraxe. Elaboraron a sepnose da obra, puxeron son e imaxe a cada toma.

Repartíronse os papeis que cada un xogaba na grabación, desde os cámaras, axudantes de son, script, productor, localizador de exteriores, maquilladores, decorados, director e actores.

Ensaiaron as esceas, mentras os encargados do material técnico aprendían o seu manexo.

Para pasar a “acción” e comenzar a rodaxe.

Por fin montaron as esceas e comprobamos os resultados que foron moi satisfactorios.

O xoves, 10 de outubro, os alumnos de 5º de Primaria do CEIP Parga Pondal de Santa Cruz (Oleiros) asistiron no Teatro das Torres, anexo á Biblioteca a un encontro co escritor Ramón Caride Ogando, á actividade “Como se fixo un libro”  incluída no programa Ler conta moito da Consellería de Cultura en colaboración co Sistema de Bibliotecas do Concello de Oleiros.

Comenzaron co proceso de creación dun libro desde que a idea xorde ata que chega a editorial, corríxese, ilústrase, imprímese e  ponse en circulación. Caride faloulles de varios libros que podían ser de interés para eles.

Foi unha actividade moi participativa, previamente os nenos e nenas recibiran a través da biblioteca, un artículo dunha revista científica que lles enviara o escritor para a súa lectura na clase, sobre estas ideas escribir un texto e despois facer unha posta en común coas súas aportacións e as do propio Ogando.

Analizaron o libro Exogamia 0.3 de Caride Ogando, a partir das ilustracións de cada un dos relatos, e discutiron situacións relativas ao medioambente, a natureza, traballo infantil, problemas que acarrexa o consumismo, a dopaxe no deporte, as cacerías profesionais de animais e a boa utilización dos avances da ciencia, e decir trataron sobre  a realidade social coa que conviven todos os días.

O mércores 9 de outubro visitounos na Biblioteca “Rosalía de Castro” de Sta. Cruz (Oleiros) Nita Romero cargada cun montón de contos e divertidos experimentos que fixeron as delicias de nenos e non tan nenos. A primeira sesión que comenzou ás 5 da tarde estivo dedicada a nenos e nenas de 0 a 3 anos, comenzamos sentados todos na alfombra escoitando o conto do “Globo vermello” para pasar as mesas e experimentar con globos inflados con vinagre e bicarbonato, facer maxia cun globo que cortamos coas tesoiras e despois inflou Nita, cantamos a canción da Lúa e escoitamos o conto da Estrela de Laura, para debuxar estrelas con paliños e acuarelas e facer arcos da vella con xabrón.

Na segunda sesión para nenos e nenas maiores de 3 anos, escoitamos contos , descubrimos a electricidade estática e a lámpada de lava que nos fixo brilar con luz incandescente, o papel que non se molla na auga…

Unha actividade moi divertida na que os nenos e nenas desfrutaron cos sinxelos experimentos e comprobaron que a ciencia está presente en moitas tarefas da vida cotiá.

Como en todas as actividades que se fan na biblioteca temos unha exposición na entrada da sala infantil onde os asistentes poden consultar información ou levar en préstamo os diferentes libros sobre experimentos, fisica e quimica, natureza aconsellados para cada unha das idades.

O mércores, 2 de outubro, a ilustradora María NoelToledo acercouse á nosa biblioteca para compartir, con 18 nenos e nenas ansiosos de crear novos mundos de plastilina, o seu taller de plastilina creativa.

Comenzaron formando grupos de traballo, prepararon o material, María Noel explicoulles como utilizar cada material, non só a plastilina formou parte desta actividade, tamen se crearon escenarios onde moverse as personaxes con cartulinas e papeis diversos, esbozaron debuxos, fixeron argumentos para o seu peculiar mundo de plastilina, misturaron cores e despois comenzaron a xurdir como por arte de maxia verdadeiras esculturas que cobraron vida nas mans dos pequenos e pequenas artistas.

O obradoiro durou dúas horas de 18.30 ata 20.30 h, pódese destacar como moi positivo sobre todo no campo da cooperación, do fomento da creatividade dos nenos e nenas que se encamiñou pero nunca se recortou, e da planificación do traballo.

Coincidindo coa actividade temos na entrada da biblioteca unha pequena mostra de material relacionado coas manualidades e o reciclaxe, asi como os libros nos que colaborou María Noel Toledo e que temos dispoñibles para o préstamo.

O mércores, 25 de setembro visitou a nosa biblioteca de Sta Cruz un personaxe moi divertido, que chegou no seu “foguete” viaxeiro o que máis lles chamou a atención aos nenos e nenas que estaban esperando por unha chea de contos, foi o aspecto un tanto luxado da cara do noso personaxe, asi que o primeiro foi adiviñar a que se dedicaba este “Fogueteiro” : mineiro, limpador de chemineas..? pois non, polo seu sombreiro e a súa maleta adiviñamos que era un gran aventureiro, explorador de historias que nos traía baixo o seu paraugas, desde países moi remotos porque a súa misión era levarnos a un mundo onde a imaxinación e a fantasía nos fagan soñar e divertirnos. O aspecto da súa cara era só producto dos gases ocasionados polo foguete na aterraxe.

Viaxamos a Italia, á Toscana cun conto popular arxentino adaptado polo propio Fogueteiro e vivimos as aventuras do Neno mosquito.

Aistiron 38 nenos e nenas e 23 pais e nais.

Resultou ser unha actividade bastante interesante.