O sábado 20 recibimos a Magín Blanco na BPM de O Grilo. Alí levounos as historias de viaxes de “A Nena e o grilo”, da locomotora María Fumaça, ou de “Rosalía pequeniña”. Pero tamén tivemos algunha sorpresa e visita dalgún dos protagonistas das cancións e o público puido pedir algún tema que quería que cantasemos e bailasemos. Toda unha festa entre libros
O pasado venres 19 de xuño celebramos na biblioteca unha nova sesión de Os contos do Chupete, dentro do ciclo Entre Arrolos e Contiños.
Bea Campos e Davide González ofrecéronnos unha sesión como sempre estupenda na que gozamos cos Versos vegetales de Antonio Rubio, o baño do oso Chispa, as andanzas do gran Polo Pepe ou a Ratiña Fachendosa… e tamén coas fantásticas cancións e melodías coas que amenizamos esta fantástica tarde de contos!
Leo Leíño e a súa compañía foi a responsable dunha tarde de sábado chea de diversión e sorpresas na que o público asistente o pasou en grande participando activamente nos trucos de máxia que fixo na Biblioteca Municipal de Carballedo.
Un magnífico Paco Nogueiras presentou un espectáculo mezcla de música e tradición que fixo as delicias de pequenos e maiores. Repasamos o máis significativo das nosas festas: o nadal, o entroido… dun xeito amable e divertido.
Marta Ortiz, da compañía “Tropa de Trapo”, ofreceu o venres 5 de xuño ocontacontos musical “Cores” con obxectos de reciclaxe e música.
Deste xeito conmemoramos o Día Mundial do Medio Ambiente e aproveitamos para facer a entrega dos premios do concurso de fotografía medioambiental e relato curto impulsados dende o centro de lectura.
OLYMPUS DIGITAL CAMERA
Os nenos escoitaron os contos e bailaron ao ritmo da música cuns pasos aprendidos previamente.
O pasado venres día 5 de xuño tivemos en BiblioPazos a Leo Leíño co seu espectáculo “Maxia cómica” e contamos coa participación dos alumnos de Infantil do Centro Público Integrado “Curros Enríquez” de Pazos.
Velaquí unhas imaxes dun marabilloso e divertido día:
Álvaro Muras e Martín Camiña, aunan música e maxia para homenaxear a Filgueira Valverde e promocionar a animación á lectura
Hoxe disfrutamos dun contacontos con música e títeres.
O venres, 22 de maio, tivemos a Manuel Solla na nosa biblioteca contándonos contos sobre animais que tiñan poderes, ratos de biblioteca ou libros que, por arte de maxia, enchíanse de debuxos.
A actuación foi moi participativa facendo interactuar aos nenos e nenas que gozaron co espectáculo.
Séguenos