A Axencia de Lectura Municipal de Areas tivo o espectáculo “Contiario” do artista “Os Contos de Pablísimo” narrado por Pablo Sánchez o pasado 28 de abril ás 18 horas co motivo do Día Internacional do Libro.

Un espectáculo completo e cheo de diversión que engaiolou a pequenos e adultos dende o minuto cero e fixo espertar a curiosidade polos libros. Contos máis raros, interesantes e exóticos do mundo! Contos que empezaron ó revés, contos con varios finais, contos de nunca rematar, uns máis curtos outros máis longos, contos con letras A E I O U, contos con animais, trabalinguas que provocaron risas entre o público, fábulas, cantares de cegos, contos-cancións acompañados por instrumentos musicais e orixinais e coa participación dos nenos.

O GRUPO “POLO CORREO DO VENTO”   estivo na BPM de Ordes o venres 24 de abril e contáronnos unha curiosa historia: “O misterio do pirata Benito Soto”.  Cando remataron co conto, conseguiron facer de nós uns verdadeiros artistas, pois dibuxamos e coloreamos piratas ata transformar a biblioteca no Mar do Caribe.

“O misterio do pirata Benito”

Raquel Queizás fixo gozar a grandes e pequenos con este espectáculo de contacontos onde nos trasladou a outros continentes a través de historias e lendas de pobos descoñecidos. Trátase dunha actividade de gran calidade e os asistentes, que por outra banda participaron de forma activa na mesma, trasladáronnos opinións moi positivas.

O sábado 25 de abril pola mañá, estiveron na Biblioteca Pública Municipal de Santa Comba a compañía de teatro Trinketrinke coa obra “Non máis guerras” dentro do programa Ler conta moito.

A través dos personaxes Lillí Gruyere e Fuco amosaronlle os nen@s a  resolución pacífica de conflitos, os contos como medio de recoñecemento de situacións conflitivas  e as cancións dos ratos  de Lonxedetodo e La muralla. Tamén explicaron o funcionamento da Biblioteca os Nen@s.

Nen@s participando nunha resolución pacífica dun conflito.

Nen@s participando nas cancions “La muralla” e “Lonxedetodo”

Os nen@os de Burela achegáronse aos  contos máis raros, interesantes e exóticos do mundo!

Contos que empezaron ao revés, contos con moitos finais, contos de nunca rematar, fábulas , cantares de cego, adiviñas, contos-cancións…!

Nesta sesión familiar de “Contiario”, Pablisimo fixonos espertar a curiosidade polos libros  .

O sábado 25 de abril a Biblioteca Municipal do Grove foi o escenario do espectáculo O cociñeiro Antón e a pasteleira Tomasa a cargo de Talavera Teatro.

A actividade deu comezo ás 18.00 h e constou de dúas partes: en primeiro lugar 50 nenos e nenas e outros tantos adultos puideron divertirse coas aventuras e desventuras amorosas do cociñeiro Antón e a pasteleira Tomasa.

A continuación, a rapazada participou nun obradoiro de decoración de galletas con pasta de azucre Fondant

Fantástica velada de sábado na que grandes e pequenos pasaron unha tarde de lecer na compañía do cociñeiro Antón e a pasteleira Tomasa

Dentro das actividades programadas para conmemorar o Día do Libro 2015, a biblioteca pública municipal de Brión organizou un serán conta contos a cargo de Raquel Queizás, que presentou o espectáculo “A maleta da avoa”. Unha divertida sesión con historias dirixidas a nenos e nenas maiores de 3 anos de idade, con obxectos e monicreques.

Esta actividade foi patrocinada polo programa “Ler conta moito” da Rede de Bibliotecas de Galicia e celebrouse na sala infantil da biblioteca municipal cunha asistencia duns 26 persoas, entre nenos e adultos.

O día 21 de abril a Biblioteca de Lourenzá coincidindo coa semana na que se celebra o día do libro mergullouse cos Quinquilláns nos mares e océanos dos libros para descubrir a lenda de por qué a auga do mar é salgada.

O pasado luns 21 de abril, a compañia de Títeres Cachirulo, fixo desfrutar a maiores e cativos, cunha fantástica adaptación deste conto clásico. Cheo total!

Paco Nogueiras visitou a nosa biblioteca co seu espectáculo “BRINCA VAI! de aquí a acolá” e moita xente visitounos para gozar del.

Mesmo houbo pais e nais que quedaron fora para que todos os pequenos poideran entrar a cantar o Brinca vai!

Un exitazo¡¡ A verdade é que é fantástico, moito ritmo, distintos instrumentos, moi divertido, os nenos (todos bastante pequenos) pasárono bomba. Acabaron todos, nenos e pais, levantados, bailando e cantando.