Onte día 14 de outubro, visitou a Biblioteca do Froxel “Fco. A. Vidal” de Arteixo, BETTY QUEIRO coa súa proposta de atopar o teu camiño. Unha actividade baseada nun conto “podes atopar ou teu camiño” dun grupo de estudantes que atopan seu camiño a través de ideas valiosas grazas a súa curiosidade e creatividade naturais, e aprendendo inglés e galego nunha actividade musical moi divertida e interactiva coa rapazada.

Ao final da actividade os nenos e nenas, todos xuntos, realizaron un debuxo con moito colorido e imaxinación.

Este martes tivemos a ocasión de disfrutar da actividade que levaba por título “Estrebillos”.

María da Pontragha trouxo contos e cancións para xogar coas palabras e as emocións. Historias de pouca volta nas que xogamos co ritmo, coas palabras a través de estrebillos e contos que nos contaban as avoas.

A tarde foi moi entretida e amena, xa que os participantes, tanto cativos como maiores, xogaron e cantaron, con moitas risas e aplausos.

Moitas grazas María por unha sesión tan divertida.

Moito desfrutamos o pasado venres en Carnota con Pablo Díaz e o seu “Cantacontos para bebés”, un espectáculo que combina música en directo e narración oral e que aborda temas e rutinas especialmente adecuadas para a primeira infancia.

Cantamos cos libros da colección “Do berce á Lúa”, bailamos ao son da guitarra e gozamos a mais non poder coas historias do gato lambón e do ratiño Paco.

Pasámolo de marabilla!

A través dun teatro moi dinámico e musical, 2PLicas fai un dúo cun profe que coñece todo sobre o mundo das abellas e unha abella que desconoce todo sobre o seu mundo dun xeito moi divertido e despistado. Os/as nenos/as do Valadouro aprenderon moi do mundo das abellas e pasarono xenial.

Betty Queiro presentou “Podes atopar o teu camiño”, unha historia chea de curiosidade e creatividade que encantou ao público.

As meniñas e meniños (20) acompañadas de persoas adultas (19),  asistiron e gozaron lendo e cantando mentres aprendían inglés e galego, nun ambiente alegre e participativo; demostrando que aprender tamén pode ser unha aventura.

Onte día 7 de outubro, visitou a Biblioteca de O Froxel de Arteixo, Antón Ke, presentando “A Gaita Galega”.

Actividade baseada na obra “A gaita galega” de Xoan Manuel Pintos, na que por medio dun conto adaptado da obra e poemas musicados ao ukelele reflexionou cos cativos sobre a importancia do uso da nosa lingua.

O martes, 7 de outubro, desfrutamos con “1 mar de cores” dunha sesión de contacontos e obradoiro sensorial que encantou ás familias de Oleiros.

Un agradable estímulo para os sentidos  que puxo  en valor en todo momento a nosa relación co medio natural.

Na tarde de onte na B.P.M. de Fene, tanto nenos/as como pais e nais, gozaron duha historia que comeza cun grande desgusto da galiña Xosefina, cando ésta se decata de que na casa de Pepe se usan ovos para facer tortillas; pero nada que non teña solución grazas á axuda da súa amiga a pata. Unha historia na que se traballa a amizade e a empatía.

A actividade desenvolvida resultou ser un éxito rotundo no que todo o público participante implicouse de forma activa, facendo que a experiencia resultase enriquecedora e emotiva. O contacontos, acompañado dunha selección musical, fixo que a historia cobrara vida dun xeito especial, animou, emocionou e, sobre todo, fixo bailar a todos os presentes, grandes e pequenos. Sen dúbida quedará no recordo de todos, para repetir!!

Actividade de narración, o conto foi O pequeno cavernícola de Julia Donaldson, mesturado con música e algúns efectos como fume ou pombas de xabrón.

O público asistente disfrutou moito da actuación.