A través dunha pequena representación, uns investigadores relatan un descubrimento a través da caixa de pandora facendo, ó final , unha rememoración das mulleres que realizaron algún tipo de descubrimento.

Encantadísimos quedamos todos co espectáculo ofrecido por tan grandes profesionais. Os cativ@s asistentes non deixaron de prestar atención nin un só minuto -e os adultos…. tampouco!-. Incluso houbo público que se animou a colaborar cos artistas…

Moi recomendable a función!

Paco Nogueiras inaugurou hoxe a programación do “Outubro, mes da biblioteca” coa presentación en Brión de ”Extra!”, un espectáculo para toda a familia baseado no libro-disco do mesmo título editado por Kalandraka. Ler máis →

Estupendo espectáculo de Chuches Amil en Camariñas. Contos e música de moi boa calidade. Conseguiu crear un ambiente moi animado e participativo, só tedes que mirar a imaxe!. Volveremos a vernos Chuches Amil!

A bandoleira máis temida da contorna, Pepa a Loba, chega á biblioteca de Aldán buscando refuxio. Máis tamén ven chea de contos e fantásticas aventuras.

Grazas a Cristina Collazo e ao seu alter ego, cativos e maiores pasamos unha tarde moi divertida.

O día 29 de setembro, ás 18.30 h, as crianzas asistiron a unha actividade chea de cancións na que tiveron unha participación moi activa e o resultado foi estupendo.

Pakola e Laura Romero cantaron, contaron e debuxaron as aloucadas historias de Ramona Órbita coa súa máquina do tempo.

O martes 28 de septembro, na Biblioteca de O Froxel “Francisco A. Vidal” de Arteixo, Ian & Elisa trouxéronnos maxia e sombras chinescas usando contos e fábulas como fío conductor facendo que grandes e pequenos disfrutasen dun fermoso e entretido espectáculo onde se fomenta o hábito da lectura como método para facer voar a imaxinación.

Caramuxo Teatro fixo gozar ás e aos máis cativos, e tamén aos seus pais e nais co seu espectáculo Zapatos, onde descubriron todas as historias que os zapatos de tódolos tamaños e cores levan dentro.

Pepa a Loba chega buscando refuxio nunha taberna de Cerceda, e quere comprobar se o ansiado tesouro do que lle falaron está agochado nela, para elo, buscan que lle axude a procuralo. En Cerceda atopou moita axuda, e acabaron atopandoo, que sorte!!!