O Xoves 19 de maio rematamos a programación con motivo das letras galegas con Magín Blanco e o seu contacontos musical.

Unha actividade moi creativa que tivo lugar na bibioteca do CSC de VIte do Concello de Santiago,  na que a través da técnica  dos caligramas e dos poemas de Florencio Delgado realizáronse bolsas de Tea e traballallouse a expresión artística. Todos os participantes quedaron moi satisfeitos co resultado

O pasado xoves, Bea e Manuel de Migallas estiveron na Biblioteca de Carral cos máis pequenos da casa.
Cantaron, contaron e entusiasmaron ós pequenos espectadores que nos acompañaban.
Non foi doado mantelos sentados!! A sesión rematou cun baile e pedindo…. OUTRA OUTRA! Un dez para Migallas, como sempre…

OQO achegou á biblioteca do Grove o seu espectáculo “Contos da Leiteira” con varias historias de empoderamento femenino, ás veces con mulleres de carne e óso, e outras, representadas por animais; como a galiña do conto “O galo traganoces”, outras veces con marcados clixés e tradicionalismo; como no conto “A máscara do león”, que agocha unha crítica a todos aqueles que viven as súas vidas conforme ao que os demais agardan deles.

“Os contos da Leiteira” no Grove

Tamén alertaron das dificultades de alcanzar algo tan esencial como é a identidade persoal, o recoñecemento a ser un mesmo.

Na Biblioteca de Coristanco festaxamos o día das Letras Galegas na compañía de Antía Yáñez, quen nos sorprendeu cun obradoiro cheo de experimentos e fitos misteriosos. Maxia e ciencia uníronse neste taller onde as matemáticas e as reaccións químicas protagonizaron estes “encantamentos”.

O 16/05/2022 

O venres 20 de maio na B.P.M. de Láncara A Xanela do Maxín presentou o seu espectáculo de títeres “U-la Lúa”, unha proposta escénica baseada no conto de  Lúa que trata sobre a igualdade onde a violencia non ten cabida e a ilusión fai dos soños unha realidade. Esta actividade celebrouse no Salón de Actos da biblioteca e asistiron 9 neno/as e 4 adultos.

Trinquetrinke recalou en Porto do Son este fin de semana, onde o sábado 21 encandilaron ós nenos (e mesmo ós maiores) na Biblioteca Municipal coa actuación “Os Ratos de Lonxedetodo”, representación teatral cómica amenizada con lecturas de libros infantís e actuacións musicais.

Que ben o pasamos e canto aprendemos na biblioteca de Moaña cos contos de Marta Ríos de Talía Teatro. Xirou a bola do mundo para que puidésemos escoitar historias doutras latitudes que nos fixeron viaxar coa nosa imaxinación.

O pasado venres 20 de maio a mocidade de Sada pasouno moi ben na xornada de creación de personaxes e historias da man de Santy Gutiérrez no obradoiro de banda deseñada, co cal celebramos que o 1 de maio foi o día da banda deseñada. Foi na sala xeral da Biblioteca Ramón Suárez Picallo de Sada, e agardamos que se repita máis veces! Moitas grazas, Santy!