O Xoves 27 de setembro  na ALM de Castrelo de Cambados, dentro do programa “Ler conta moito”, contou coa actuación de Carmen Domech, co seu espectáculo “Contos para pasalo de medo”.

Os nenos/as e as nais e pais quedaron abraiados cos contos de medo da señora Antonia, que a través de cinco historias, achegounos a un mundo de tebras onde, co humor,  o amor e o terror, pasámolo de medo. Todos  disfrutamos e non tivemos tempo de aburrirnos.

Cris de Caldas e Xabi do Camiño compartiron na Biblioteca Os Templarios música, xogos de mans, retrousos, poemas, contos… Todo esto e moito máis para intentar que o seu bebé comera… Tardou, pero á fin comeu, claro que comeu!

Nenas, nenos e público adulto contribuiu a que o bebé comera.

Unha fermosa actividade para disfrutar en familia onde Cris coa música de Sabi vai combinando tradición oral e libros de reciente publicación.

Cris de Caldas demostra ser unha gran profesional, excelente transmisora da nosa  tradición oral

Actividade motivadora e entretenida a través da música

Mentres agardamos ao nacemento do paxariño, Vanessa, dende o seu xardín, vainos contando historias acompañada pola música de Tito Barbeito.

Na mañá do sábado 22 de setembro houbo “Raposadas” no xardín da Biblioteca De O Rosal, coa colaboración de “Raquel Queizas”  levounos a un lugar de conto cheo de rapasiñas e rapasiños listos coma allos!!!

Cos contos de tradicion oral, con obxectos e monicreques, cantando co galo, contando contos da señora Lea, ensinando adiviñas coa galiña, xogando con carozos de millo, paus e pedras, danzando……

Un día de fantasía e fantastico!!!

Onte, xoves 27 de setembro, na Biblioteca Pública Municipal de Ponteareas puidemos gozar coa sesión “Contos Pop-Up” con Fátima Fernández.

Contounos moitas historias entretidas que os cativos e os seus pais desfrutaron e participaron activamente dos fermosos Pop-Ups dos contos, escollidos pola artista, amosando os diferentes personaxes.

Este non é un restaurante normal, é un restaurante de contos. Nenas o nenos difrutaron dun exquisito menú literario neste “Banquete con moito conto” de Ramón Torrente.

Obra de teatro do grupo Ghazafelhos. Nesta actividade acudiron aproximadamente 90 persoas entren pais e nenos. Esta actividade gustou a todas as persoas que participaron do acto. Desenvolveuse o 21 de setembro de 2018 na Casa da Cultura de Pontedeume.

O mércores 26 de setembro tivemos unha tarde máxica na Biblioteca Central de Cambre. Visitounos o Mago Pedro Bugarín que ademais de realizarnos xogos de maxia, ensinounos algúns trucos moi sorprendentes…

Trucos sinxelos a partir de obxectos cotiás como gomas elásticas ou palillos, xogos de mans… que despois os nenos e nenas poden compartir con outros neos e nenas.

Pedro Bugarín comeza demostrándonos as súas extraordinarias habilidades con algún truco realmente sorprendente que demostra gran profesionalidade.

Cartas asinadas polo público e que logo se trasladan e saen moi dobradiñas da súa boca…ou outras ben escondidas e baralladas aparecen cando o Mago quere…Cordas que despois de cortalas aparecen enteiras,.. Follas de libreta que só se lle cortan a el e ninguén dos asistentes é quen de rompelas, como se forna de plástico…

Actividade moi recomendable para pasalo ben no momento e despois, e para visibilizar e dinamizar os libros de maxia da biblioteca.

Este xoves, 27 de setembro estivo connosco Olga Abad desenvolvendo un obradoiro: As nosas historias.

Esta actividade consistiu en facer sombras chinesas e contar historias baseadas nas mesmas. Olga mostrou os nenos e nenas participantes os efectos que se podían facer, debuxaron personaxes en cartolina e recortáronos posteriormente pegándolles un pau, despois con estas figuras representaron o conto “O galo Quirico”, o mesmo tempo que facían a representación un compañeiro ía narrando o conto.

Os participantes pasaron unha tarde divertida e fíxoselles curta a duración da actividade (1 hora e 15 minutos).