A pasada semana, visitounos A Xanela do Maxín co seu espectáculo Inventoras con mentes curiosas.

A través da participación activa do público, o espectáculo fai un percorrido pola historia de mulleres que destacaron no ámbito da ciencia e dos inventos.

As persoas asistentes coñecen así mulleres que superaron barreiras sociais e culturais, abrindo caminos para o futuro.

Aprendemos e gozamos, todo a un tempo.

A rapazada do Colexio de San Salvador de Arnoia pasou unha mañá estupenda con esta actividade organizada pola Biblioteca do Concello. Unha actividade moi bonita e participativa! Quedamos todas e todos encantados  🙂

Iria Pinheiro achegounos onte a Tordoia o espectáculo “Festa”, no cal nos contou uns contiños coa participación dos rapaces e rapazas que interpretaron a diferentes personaxes dos contos.

O Bardo Abelardo achegounos o espectáculo “O son das linguas” a Tordoia onde os máis pequenos gozaron de cantigas tradicionais participativas en varias linguas e participaron en xogos rítimicos.

Para celebrar o día das Bibliotecas , na Biblioteca Municipal Irmáns Camba de Vilanova de Arousa tivemos un contacontos  coa Fada Diana.

A través do seu relato e tamén con cancións , explicou ós nenos e nenas asistentes a importancia da reciclaxe , e tamén o noso deber de ser máis respetuosos co mediombente.

É un espectáculo infantil para público familiar que xira arredor da figura de D. Carmelo, un avó ao que lle encanta contar historias, pero a súa memoria xógalle malas pasadas… Cada vez que abre un libro, as historias mestúranse e os finais son comezos de novas historias.

Unha proposta divertida que motiva aos nenos e nenas a ler.

O venres, 24 de outubro, fixemos festa na axencia de lectura das Somozas co espectáculo Tralará porque era o día das bibliotecas e  Marta Ortíz fixonos gozar cos obxectos cotidiáns que nos rodean e iluminou con contos e cantos o mundo de outras moitas cores.

O Día das Bibliotecas, fixemos con Tomás, o curso para o deseño de Book Trailers.

Pareceunos moi útil para a promoción dos libros, entre a rapazada.

“Contos para caghar patatillas” foi a proposta de Brais das Hortas na actuación de Brais das Hortas en Porto do Son, dentro do programa Ler Conta Moito. Uns contos entre o medo e a risa que  nenos e maiores desfrutaron con entusiasmo.