O Mago Paco visitou o edificio da Biblioteca Municipal Antón Zapata e Salón de Actos Culturais  o pasado sábado, 2 de setembro, deste 2023.

Pequenos/as e maiores, descubrimos e gozamos co seu espectáculo de “Maxia divertida, Contamaxias” a través do que nos amosou a maxia que agochan moitos dos contos e historias atopamos nos libros!

Un espectáculo cheo de humor e participación que non deixou a ninguén do público indiferente!

O pasado venres 15 de setembro achegouse ata a B.P.M. “Camilo Gonsar” de Sarria, o actor Fran Campos coa súa amiga Filipa para representar a obra “Filipa cos contos”.

Os dous contadores subiron a escea para narrar dende a súa propia experiencia distintos contos tradicionáis.

Maiores e pequenos disfrutaron das canción e as historias acompañadas de humor.

O día 15 de setembro recibimos a visita de Emilia, unha gata moi curiosa que está farta de facer sempre o mesmo. Decide emprender unha viaxe en autobús acompañada de todos os nenos e nenas presentes e os vai transportando por diferentes cidades e aventuras creadas conxuntamente. Espectáculo dinámico, interáctivo e moi divertido con música, baile…

Os participantes do obradoiro de memoria da Biblioteca de Moeche, o día 15 de setembro gozaron da proxección do documental “Cardoña, fotos a 7 pesetas”, que os transportou aos anos da súa xuventude, o que deu lugar a un animado coloquio posterior no que xurdiron as lembranzas de xuventude e rememorando datas sinaladas e divertidas anécdotas e chascarrillos. Unha tarde para lembrar.

Moitas grazas a Raquel pola contada que nos fixo na Biblioteca Pública de Poio.

Ata pronto!

Na tarde do venres 15 de Septembro a Biblioteca Municipal de Viveiro contoú coa presenza de Yolanda Castaño. Esta coñocida escritora narrou para os asistentes a súa peripecia profesional, os obstáculos, prexuízos e conflictos que viviú na sua determinación de ser Muller, poeta, en galego e.. polo mundo!

Unha charla moi amena onde contounos como se sobrepuxo aos obstáculos, dificultades e actitudes patricarcais con enerxía e ata sentido do humor e onde deixounos ver a necesidade de seguir loitando pola emancipación femenina dende a esenza mesma da nosa literatura.

Na tardiña do sábado 16 investigamos da man de Andrea que foi da aviadora Amelia Earhart, unha das mulleres pioneiras nesta disciplina.

Nunha actividade moi divertida, as crianzas betanceiras divagaron sobre o seu paradeiro, construiron avións para emular as súas fazañas e recrearon finais alternativos á biografía dunha das mulleres máis valerosas da historia.

O xoves 14 de setembro, Magia en la Manga da man de Sara Rodríguez e Carlos Tomico, representou un espectáculo divertido e máxico, pensado para transmitir ademais unha mensaxe esencial para a sociedade actual, a igualdade de xénero.

O venres 15 de setembro visitounos Caxoto para contarnos a historia do que pasou na granxa de Xan cando o galo non cantou e Xan quedou durmido e non se levantou para dar de comer ós animais. Divertida historia na que combina música, narración e títeres implicando ao público de todas as idades.