O pasado 15 de maio, con motivo das Letras Galegas, celebrouse na biblioteca municipal o obradoiro “Lettering con Begoña Caamaño” no que a rapazada coñeceu a arte de debuxar letras sumerxíndose na obra de Begoña Caamaño.

O 17 de maio tivo lugar no parque "Rosalía de Castro" de Marín un espectáculo infantil
 para conmemorar o Día das Letras Galegas de 2026, dedicado á figura de Begoña Caamaño.

María Faltri presentou un espectáculo musical ameno e divertido para os nenos e nenas que se achegaron á sala de exposicións da Casa de Cultura do Vicedo, con moita musica galega e achegándose aos libros presentes na colección da biblioteca local.

O pasado domingo 17 de maio o público de A Fonsagrada, en especial os máis pequenos disfrutaron moito da actuación do mago Paco. Este espectáculo estaba enmarcado no Festival das Letras Galegas que cada ano organiza a asociación cultural Antaruxas e Sorteiros. Entre outras cousas entregaronse os diplomas aos gañadores do concurso de relatos para conmemorar o día das nosas letras, quenes nos agasallaron coa súa lectura. Os nenos estuveron moi participativos e o pasaron xenial.

Con motivo da celebración do Día internacional do libro, o Concello do Valadouro organizou o día seguinte, o venres 24 de abril, un contacontos titulado O Secreto da Biblioteca no Salón de Actos da Casa da Cultura. O público coñeceu a Iria nunha aventura chea de misterio. A través de xogos, pistas e libros que falan, nenas e nenos descubriron o secreto da biblioteca

Raquel Crespo veunos contar as historias da granxa da Rosa.

Cativos e maiores desfrutamos a rabiar.

O martes día 19 de maio estivo na BPM de Sober o contador Avelino González.

Escoitamos historias próximas do  noso concello e recoñecidos  personaxes moi  pintorescos. Tamén lendas de mouras e tesouros, con moitas anécdotas cómicas que fixeron rir, e moito, ás persoas asistentes a esta sesión de contos.

Para celebrar o Día das Letras Galegas nas bibliotecas de Moaña contamos coa actividade infantil A gran viaxe das Letras Galegas, un contacontos da compañía A Xanela do Maxín que nos propuxo un recorrido pola historia, a lingua e a cultura galegas a través de palabras, sons e recordos. O espectáculo viaxou por distintas épocas e figuras da literatura galega, dende Begoña Caamaño ata Rosalía de Castro, reivindicando o poder transformador das letras e a importancia da memoria colectiva.

TRÉCOLA PRODUCIÓNS PRESENTOU NA BIBLIOTECA POETA CRECENTE VEGA DE CASTRO DE REI “HISTORIA DUNHA GAIVOTA”. UN CONTACONTOS ACOMPAÑADO DE BONECOS  FEITOS DE MADEIRA CO QUE DISFRUTARON NENOS E MAIORES.

Hoxe disfrutamos con ¿CANTAMOS UN CONTO? por mor das Letras Galegas veunos a ver, cotar e cantar moitos contos Blanca Millán