Festexamos o día das bibliotecas con Bea Campos e os seus “Contos con Xeito”, a verdade que o pasamos moi ben, os nenos e maiores divertímonos moito ca contada.

O pasado 24 de outubro a Biblioteca foi tomada por pequenos e pequenas detectives que grazas a cooperación e ao enxeño resolveron os misterios agochados entres os estantes de libros.

Unha actividade moi divertida coa que celebramos o día da Biblioteca para chegar este espazo aos pequenos e pequenas do noso concello. Misterios resoltos!

O día 6 de agosto na Área Recreativa de Samugueiros, Xoán Curiel ofreceu un concerto especial no que cantou a autores e autoras relevantes para as Letras Galegas.

Foi un concerto participativo e conmemorativo para todos os públicos.

Día 24 de outubro de 2025 ás 21:30, biblioteca de Escairón

Celebramos a Semana das Bibliotecas coa actividade do programa Ler conta moito…

Sabes coser? obradoiro de contos sobre igualdade 

da man de Anxo Moure

o 24 de outubro, ás 21:30

Despois de cear, saímos ó patio da biblioteca para recibir a este estrafalario e sorprendente gardador de historias dos bosques e da natureza, que chegou coa súa ciclobiblioteca para contarnos historias da natureza, dos bosques, de seres fantásticos, lendas próximas e historias lonxanas, todas elas falando de igualdade, solidariedade, amor e fantasía.

Escoitamos, cantamos, saltamos, berramos, bailamos e paseamos na caixa de historias da ciclobiblioteca…e tamén guiamos a bicicleta, non só os seres humanos diminutos, se non tamén os máis grandes.

En resume, pasámolo xenial! E rematamos o día de festa cun pequeno espectáculo sorpresa!

Día 24 de outubro de 2025 ás 20:00, biblioteca de Escairón

Celebramos a Semana das Bibliotecas coa actividade do programa Ler conta moito…

Lettering co Cancioneiro Popular Galego

da man de Velaísca

o 24 de outubro, ás 20:00

Despois de viaxar pola galaxia, relaxámonos na nosa terriña galega, e despois de facer un rato de caligrafía de lettering para acostumarnos a facer os trazos, escollemos un verso que nos chamara a atención dos moitos que nos ofrece o cancioneiro tradicional galego.

Fixemos auténticas preciosidades, e rimos con algúns dos inesperados versos. Tamén sabemos que temos moitos cancioneiros tradicionais galegos na biblioteca.

O pasado 31 de maio as 20:00 horas na casa da Cultura Olga Novo, remata o mes das letras con “Alma de Grilo”, unha peza de teatro literario con música en directo de Vadim Yukhnievich baseada no libro homónimo de María García.

O canto dos grilos é o fío conductor das historias que nos presenta esta obra de Ítaca Teatro, e que nos fala das debilidades humanas, das fortalezas, e sobre todo, dos paradoxos

Día 24 de outubro de 2025 ás 19:20, biblioteca de Escairón

Celebramos a Semana das Bibliotecas coa actividade do programa Ler conta moito…

Contacontos interactivo de “O androide Simón” 

da man de Boadicea Editora

o 24 de outubro, ás 19:20

Con algo de retraso sobre o horario previsto, chegou o androide a contarnos a súa aventura pola galaxia.

Mentras nos ían lendo a historia, nós dabamoslle cor ás diferentes láminas que representaban as etapas da viaxe do androide pola nosa galaxia.

Coma sempre, podemos atopar libros que nos falen do espazo e as galaxias na sección de ciencia da biblioteca.

Narración oral na que O Sol de Outono achegounos ata a nosa biblioteca a Aitana, a súa avoa e moitos outros contos violetas.

Un repaso por varios libros e albums ilustrados que rompen estereotipos desde unha perspectiva de xénero. Xogos de mans, cancións, títeres,…, aliados en favor da igualdade.

Día 24 de outubro de 2025 ás 16:00, biblioteca de Escairón

Celebramos a Semana das Bibliotecas coa actividade do programa Ler conta moito…

Debuxando un conto

da man de Estefanía Padullés

o 23 de outubro, ás 11:00 na biblioteca

Con rapazada de 6 a 12 anos, logo dunha breve presentación sobre que partes conforman un libro, vendo uns exemplos do traballo de Estefanía, puxémonos mans á obra.

Seguindo as directrices da autora, soubemos que é unha portada, cantas partes compoñen unha historia e establecemos que iamos escoller unha personaxe á que lle vai pasar algo e decidimos como vai rematar a nosa historia.

Unha vez planificada a nosa historia, sabendo que ía estar composta por 5 páxinas, decidimos que ía pasar en cada unha delas e como iamos representalo.

Con 5 folios en branco, unha cartolina, un lapis e cores, creamos incribles historias.

Tanta era a emoción, e a ilusión de que se traballabamos ben, o noso traballo ía quedar na biblioteca, formando parte do catálogo de obras, que nos esforzamos ó máximo e saíron unhas historias fermosísimas.

Ademais coñecemos en que sección da biblioteca vai estar e por que. Tamén soubemos como se vai identificar e por que. Poderemos atopalo en breve no catálogo da biblioteca onde tamén temos os libros de Estefanía Padullés.

Formas que falan. Títeres de mesa. Mulleres artistas

Un obradoiro de elaboración de títeres de mesa empregando unha técnica sinxela: cinta de pintor e papel de xornal para crear o volume e corda e paus para articulalo.

A través desta actividade Babaluva achega aos asistentes a obra de mulleres artistas e deseñadoras na arte dos títeres.