O pasado mércores visitou a nosa biblio A Xanela do Maxín, co seu espectáculo Toupiciencia.

A través dunha historia, e tendo unha marioneta como fío condutor, os asistentes aprenderon sobre ciencia, axudando a resolver experimentos ao actor.

Moi entretido!

A través dun taller, os asistentes aprenderon a debuxar diferentes personaxes que formarán parte do seu propio cómic.

Helder, no Taller de cómic para nenos, amosoulles técnicas e trucos que lles van axudar a confeccionar o cómic.

A pasada semana, a ALM de Buxantes (Dumbría) trouxo ata aquí a Lupe Blanco, co Método regueifeiro.

Actividade moi recomendable, na que os pequenos aprenderon sobre regueifa e tradición oral, pero tamén sobre poesía ou sobre igualdade.
A rapazada aprendeu a crear as súas propias coplas desde a experiencia vivida no seu día a día no rural.

O día 19 de outubro, Yolanda Castaño, achegounos os seus versos, cun xeito moi atractivo, coa súa maneira de recitar chea de maxia, emoción e sentimento. Non deixou a ninguén indiferente.

¡ Foi espectacular!!!

A semana pasada visitaba a nosa biblio Charo Pita co contacontos A Cabeza a paxaros.

Unha gran contadora que adapta a actividade perfectamente ás circunstancias (idades diferentes, grupos máis ou menos numerosos, espacios diferentes,…).

Encantounos!

O pasado día 23 conmemoramos o Día das Bibliotecas en Quiroga, para iso contamos con Xabier Blanco da Fundación Legar e o seu espectáculo “Literatura afinada” . Moi importante foi a colaboración do IES de Quiroga que fixo posible a participación do alumnado do centro.
Interesante actividade de divulgación literaria e musical que se desenvolveu de xeito ameno e participativo. Sempre é un pracer traballar coa Fundación Legar pola súa profesionalidade.

O pasado venres, os rapaces asistentes a biblioteca municipal de O Irixo, coñeceron a historia dos colares máxicos de zonchos, como os nosos antepasados os elaboraban e para que se usaban estas creacións.

Os pequenos e pequenas crearon o seu propio colar, e desfrutaron da historia basada no realismo máxico galego acerca da protección que os colares de zonchos aportaban na noite de mortos, ou no Samain.

Unha divertida e amena actividade, da que todos sairon moi contentos.

Primeiro unha charla para poñer en situación. A continuación o obradoiro creativo co lixo mariño. Divertido e edificante.

Rotundo éxito foi o obtido pola actividade”Véxote! Contacontos inclusivo”. Dende o primeiro momento logrou captar a atención e a implicación de todos os participantes na actividade que mostrou unha temática tratada con gran sensibilidade. Entre risas e complicidade, lograron presentarnos un obradoiro creativo e singular.

O Concello de Vilanova de Arousa organizou esta actividade nas inmediacións da  Biblioteca Irmáns Camba, para celebrar o día das Bibliotecas.

Nenos e nenas disfrutaron dunha historia de piratas mesturadas con cancións típicas, que axudaron a interactuar cos artistas.

Celebración do día das bibliotecas