Bebés (de 1 a 3 anos) e maiores pasárono estupendamente participando de maneira moi activa nesta actividade na que Charo Pita cantou, acompañada de guitarra e de tambor africano, cancións das que tanto a letra como a música son da súa autoría.
Tamén dramatizou O trapiño de Ioké e, mesturando outros contos como Unha eiruga moi larpeira e Pío Pío, teceu unha historia que ten como protagonistas ás campás Dondondirindonga e Dondondirindón e a razón pola que deixan de tocar.

Na biblioteca municipal Monte Alto (A Coruña) tivemos onte a sorte de recibir a Charo Pita. Tróuxonos a dúas amigas, dúas campás que, de pronto, deixaron de tocar as súas melodías. ¿Cómo solucionar este problema? Pois con moitos contos, cancións e  algún arrolo.

O público pasouno moi ben e o rematar felicitaron á artista.

Cris de Caldas e Xabi do Camiño compartiron na Biblioteca Os Templarios música, xogos de mans, retrousos, poemas, contos… Todo esto e moito máis para intentar que o seu bebé comera… Tardou, pero á fin comeu, claro que comeu!

Nenas, nenos e público adulto contribuiu a que o bebé comera.

Unha fermosa actividade para disfrutar en familia onde Cris coa música de Sabi vai combinando tradición oral e libros de reciente publicación.

Cris de Caldas demostra ser unha gran profesional, excelente transmisora da nosa  tradición oral

Onte, xoves 27 de setembro, na Biblioteca Pública Municipal de Ponteareas puidemos gozar coa sesión “Contos Pop-Up” con Fátima Fernández.

Contounos moitas historias entretidas que os cativos e os seus pais desfrutaron e participaron activamente dos fermosos Pop-Ups dos contos, escollidos pola artista, amosando os diferentes personaxes.

Arredor de vinte bebés acudiron esta tarde á Ludoteca municipal de Carballo, onde gozaron dunha verdadeira animación á lectura con gran parte da nosa tradición oral e literaria. Música en directo, contos, poemas, xogos de mans e corpo conseguiron axudarnos para que @s nos@s cativ@s coman moi ben.

Cris de Caldas engaiolounos a tod@s con esta actividade de dinamización á lectura, incluída no programa “Ler conta moito”, o cal ofrece ás bibliotecas públicas galegas un conxunto de actividades para achegar a  cidadanía á lectura e á información dunha maneira lúdica e atraente.

Divertida mañá de sábado a que gozaron os bebés de Moeche, xunto con país e outros familiares, coa obra “Paxariños”.

A artista conseguiu atrapar e manter a atención das crianzas e dos maiores ao longo de toda una hora que finalmente se fixo curta para todos.

O pasado venres 14 de setembro tivo lugar na Biblioteca Municipal de A Illa de Arousa unha sesión de contos para bebés na que se integraron a música en directo, contos infantís e expresión dramática. Unha tarde preciosa na que os nenos e nenas de 0 a 3 anos disfrutaron na compaña das súas familias desta actividade.

Unha tarde moi entretida e didáctica para os máis pequenos. Moitas grazas!!

O grupo teatral A RUN RUN levou a cabo nas aforas da biblioteca pública de Vilar de Santos, a súa actuación “calcetíns”, unha actuación dirixida en especial a nen@s de cero a tres anos que foron os principais protagonistas. Puideron experimentar e manipular con diversos materiais, así como, observar como ía cambiando a escenografía a medida que transcorría a secuencia do conto. Tanto a música, a vestimenta, a linguaxe xestual e a trama do conto lograron captar a atención de todos os asistentes. As familias e as crianzas fóronse involucrando na actividade deixando voar a súa creatividade e imaxinación.

Os nenos e nenas de Fontiñas desfrutaron este mércores 11 de Xullo nos exteriores do centro cívico , cos contos que trouxo Anxo Moure e o seu “Carballo con botas”, actuación correspondente ao programa de  Ler Conta Moito.

A través das súas historias os nenos e nenas descubriron aspectos das árbores e a naturaleza, dentro dun entorno privilexiado como é o nosos parques en Fontiñas.

A actuación durou  ó redor dunha hora,  entre risas e xogos,cantaron, bailaron, nenos e nenas dos campamentos de verán dos centros cívicos de Fontiñas, Ensanche, Vite,Conxo e Santa Marta.

A actividade foi de gran entretemento para os cativos, onde Anxo con esas vestimentas tan divertidas, e co seu saber contar…fixo unha boa labor didáctica sobre como coidar a natureza….

Volve pronto……

Os nenos e nenas do Punto de Atención A Infancia de Carballedo e os seus familiares pasaron unha mañá moi divertida e educativa o pasado venres 29 de xuño disfrutando o contacontos e posterior obradoido ¿Onde está o vento?