“Güe Güe”

Jorge Rey, a bebé Güe Güe, a lúa, o ratiño, a avoa, o lobo, as ovellas, as ondas do mar e outros personaxes fixeron as delicias dos bebés de Moeche que os contemplaron fascinados, xunto ás súas nais.

O venres 9, visitounos  TrinkeTrinke, na ALM de Vilariño, os usuarios máis pequenos da biblioteca foron os destinatarios do espectáculo “Paxariños”. A artista conseguiu atrapar e manter a atención dos nenos e nenas ao longo de toda a obra.  Para moitos deles era o seu primeiro contacontos e tendo en conta o ben que o pasaron, seguro que non será o último.

As nenas e os nenos do Punto de Atención á Infancia do Concello de Carballedo disfrutaron moítisimo con unha fermosa viaxe a través dun conto no que viviron múltiples experiencias….

O pasado mércores  31 de setembro tivo lugar na Biblioteca Municipal de Alfoz unha sesión de contos para os nenos da escola infantil na que se integraron a música en directo, contos infantís e expresión dramática. Unha tarde preciosa na que os nenos e nenas de 0 a 3 anos disfrutaron na compaña das súas familias desta actividade.

O pasado venres 19 de xullo as actrices de Sarabela fixeron desfrutar aos nenos e nenas das Pontes co seu espectáculo Isto non é una Caixa. Viaxamos con elas e coas súas maletas ata a Muralla China acompañando á ratiña Sofía. Un pracer para todos e todas pasar a tarde con elas.

O 18 de xullo achegouse á Escola Infantil do Pereiro de Aguiar, Pablo Díaz, quen coa súa voz e distintos instrumentos como a guitarra ou a frauta, amosoulle aos nosos nenos e nenas unha divertida maneira de “cantar” os seus contos favoritos. Sen dúbida foi unha sesión divertida e relaxante da que os máis pequenos gozaron moito.

Hoxe comezamos un ano mais as actividades do programa Ler conta moito 2019 coa visita de Atenea García de Xarope Tulú e o seu espectáculo ” Bichocas”.

Estrearon o programa os nenos e nenas da Galescola de Allariz.

Un espectáculo que mestura narración oral e música,  cunha gran profesional coma Atenea  que os deixou a todos e todas abraiados .

Pasámolo moi ben!

O venres día 5 tivemos unha sesión de contos na biblioteca de Covelo para os nenos da escola infantil. Migallas Teatro fixo pasar un rato ameno e moi divertido  ós cativos e pais, cos seus contos e múscia en directo.

Continuando coas celebracións do Día da Biblioteca, o xoves 25 de outubro visitounos Xiada Sanlés para buscar o vento na Biblioteca Municipal Os Templarios.

Xiada representa a Tareixa, que anda a ver onde está o vento, pois o que máis lle gusta no mundo é xogar cos seus muíños de vento e como non hai vento, deixaron de xirar.

Cunha estructura encadeada, uns personaxes van levando a outros na procura do vento. Tareixa pregunta polo vento primeiro a unha formiga, que non ten nin idea, pero dílle que quizais a flor o saiba. Aparece unha vistosa Flor e tampouco sabe onde está o vento. Dille a Tareixa que seguro o León o sabe… Despois o Rato Suso, a Bolboreta Lareta, o Barquiño, o Peixe Namo…Así ata que se atopa co Paxaro Navarro que a levará ata as nubes e será Nube quen lle explique por que non hai vento.

Con cada personaxe que aparece canta unha canción onde participa o público infantil e adulto, con retrousos pegadizos e sinxelos.

Excelente actividade para ofrecer a grupos de 0 a 3 anos. Magnífica posta en escea, chea de colorido, música, baile, narración oral, coñecemento, ecoloxía…

Os muíños de Tareixa acaban voando…Aparece de novo o vento e cantamos a canción de que todo vai cambiar, a contaminación acabarase e o vento seguirá a soprar…

Xiada Sanlés, extraordinaria profesional e voz prodixiosa.

Onte celebramos o “Día da Biblioteca” cos bebés de 0 a 3 anos. Recibimos a visita de A banda de Cornelia que nos trouxo un concerto cheo de música e contos cos que cantamos, bailamos…

As familias pasaron unha tarde moi divertida!!!